قالك كاين عرس تاع ناس نعرفوهم
تلقي الام و بناتها معلنين حالت الطوارء في الدار
و سيرتو في الصيف
تلقاهم مدايرين لاشين قدام الدوش
<<< علا خاطر يأمنو بالقاعدة الفيزيائية لي تقول: أن الأجسام تتقلص بفعل البرودة
و من بعد يدازو على شمبره باه يبدلو حوايجهم و يحطو ماكياجهم و واش خاصهم من تزيان و ستيكاج و خلي برك
و تلقى وحده زعفانه من اللبسه ملقاتش واش تلبس و لخرى تقلك سواري تاعي ميخرجوش على هاد اللبسه و لخرى تقول يا حوجي على روحي راني وليت سميييينه
و لخرى تبكي على لاروب تاعها تقطعتلها من الزربه
و هوما كامل في سباق معا الزمن
ايا نقولو الحمد لله وجدو رواحهم
يخرجو و يركبو في الطوموبيل بعد ما ينوضها و يسكتها باباهم 10مرات
ايا الحكد لله بداو يمشو حتا سمع باباهم وحده تقول احبس احبس احبس بابا
واش كاين تاني
راني نسيت ساك تاعي
واش من حاله علينا
ربي يجيبك يا طولت البال
المهم مايجي يوصلهم للعرس غير يحلف مايزيد يعاود يديهم
و خلي منحكيش واش يصرا في العرس
وحده ترقص تقول عليها خابطها كابل 220
و لخرى تصفق منعرف تصفق لروحها و الا للناس
و لخرى كي الزين المتكي لايضحك و لا يبكي
و خلي برك
بلاك انتوما بنات اللمه تكونو كيفهم
