دعوة للتسامح وتصفية النفوس قبل حلول رمضان

[إحســاس بــراءة]

السلام عليكم
الله يعطيك الصحة وربي يبارك فيك خويا معتز
صح شهر رمضان راه قريب
الكل لازم يتسامحو واي حد غلط مع حد لازم يتسامحو
ربي سبحانو مسامح فمابالك بينا احنا العباد
ان شاء الله مانكون غلطت مع اي حد ياربي
واذا كاش نهار الواحد دار حاجة من غير قصد نتمنى يسامحني
عن نفسي جامي حقدت على حد
راني سامحة لكل واحد
ربي يسترنا ويحفظنا ويصفي القلوب ان شاء الله
كلشئ يفوت والدنيا فانية
بارك الله فيك خويا
يعطيك الصحة

 

[sahiko hamza]

بارك الله فيك معتز خويا
جازاك الله الف خير
ان شاء الله تصفى النفوس
و تتصلح الاحوال
وانا نقول اللي غلطت معاه يسامحني
شكرا على الموضوع الاكثر من رائع
رمضان كريم
​

مانسامحكش :music_whistling:

الف شكر خويا معتز ...
الحمد لله وقيلا مكانش لي غلطت معاه
لي غلطت معاه يتفضل البيرو مفتوح يدي حقو هههه
موهيم رمضان راه داخل ولقلوب لازمهــا أفاش ...
​

 

[دعاء الحق]

بآرك الله فيك موضوع فووور بعد
الله يسآمح جميع المسلمين والمسلمآت

 

[يونس الصديق]

بسم الله الرحمان الرحيم

الحمد لله والصلاة والسلام علي رسول الله

التسامح كان ومزال من اعظم المنازل في اسلامنا ...ان نحن ابتغينا غيره فقد يذلنا الله ...انا شخصيا الحمد لله ولحد الان لست متخاصما ...ولكن الي كل من ظلمته ارجوم ان يسامحني


بارك الله في اناملك المعطائة اخي الجزائري


شكرا لك

تحياتي ................

 

[عاشقة مجنونة]

انا عمبالي بروحي ماغلطتىحتى مع واحد
واذا انا غلطت دون قصد اسمحولي

 

[DALAL21]

ربي يهدي ماخلق الناس تتسامح وناااس......

 

[02asma02]

موضوع ولا اروع بارك الله فيك اخي الكريم
انا عن نفسي كامل الناس الي نعرفهم هنا ما عندي حتى مشكل معاهم وعمري ما غلطت في حق واحد وادا اي واحد راه شايف بلي غلطت في حقوا نطلب منوا السماح هنا قدام الكل
اما بالنسبة لبعض الناس الي غلطوا معايا ونظن راهم عارفين رواحهم ربي يسامحهم بصح قلبي ما نظنش يقدر يصفى متوالهم
​

 

[DALAL21]

ااااااااااه جماااعة روحو شوووفولي hell men يسمحلي ولا لالا لكاااان لالا نروح نحج

 

[العاطفي]

صح خويا
بالمناسبة العظيمة هاذي
نتمنى للجميع تبليغ شهر رمضان بالخير واليمن والبركة
وأرجو من الجميع الطيب والمغفرة والتسامح
وتقبل الله مني ومنكم
تحياتي لكم
العاطفي
​

 

[dana1993]

ربي يهدي ماخلق الناس تتسامح وناااس......

آآآآآآآآآآآآآآآآآمين ياربي

دلال غلطت معاك؟ماشي ضرك نبداوها ملي زدنا كاش مرة حلت عليك فالغمايضة اسمحيلي اه و ياخي رانا خواتات ماشي صحابات هه و لاكاش مرة ديت دالتك تا ع لامارين اسمحيلي


و ضرك نكمل طلبات السماح

وربي يسامحنا كامل ان شاء الله

 

[DALAL21]

آآآآآآآآآآآآآآآآآمين ياربي

دلال غلطت معاك؟ماشي ضرك نبداوها ملي زدنا كاش مرة حلت عليك فالغمايضة اسمحيلي اه و ياخي رانا خواتات ماشي صحابات هه و لاكاش مرة ديت دالتك تا ع لامارين اسمحيلي


و ضرك نكمل طلبات السماح

وربي يسامحنا كامل ان شاء الله

راكي اكثر من اختي دندونة اسمحيلي كاشما درتلك :tears:

السمااااح مادرتيلي وااالو

 

[الطفلة البريئة]

اللهم انك عفو تحب العفو فأعفو عنا​

 

[dana1993]

راكي اكثر من اختي دندونة اسمحيلي كاشما درتلك :tears:

السمااااح مادرتيلي وااالو

السماح نتي تاني مدرتيلي والو :tears::tears:


يعطيك الصحة خويا لكبير موضوع اكثر من رائع





اطالب ب

التثبيت​

 

[dana1993]

جماعة لكان راكم تعزو خويا لكبير معتز ماكالاه نروحو للهدرة لي تقفل الموضوع و الله موضوع باهيي ماش حابين نخسروه ربي يحفظكم​

 

[♥ قطر الندى ♥]

جيت نرد لقيت لحاله مخلطه

 

[♥ قطر الندى ♥]

جماعة لكان راكم تعزو خويا لكبير معتز ماكالاه نروحو للهدرة لي تقفل الموضوع و الله موضوع باهيي ماش حابين نخسروه ربي يحفظكم​

ميروحش ها دندونه راهم ينقوه كي يكملو لعبهم هاذو

 

[♥ قطر الندى ♥]

يخي جايح يخي
دندونة واش حسبالك فيلم مصري
او روح انت من ضروك بديت عقلية بنات تزيد يومين تطير يديروك قواد
شوف نقلك كلمة رانا خاطينك ماعندو مادخلك
اجبد روحك

اوزن كلامك بركاك من هاذي لهدره

 

[Jagwar]

بارك الله فيك خويا معتز
الله يجازيك بالخير و يجعلك من أهل الفردوس

الناس لى غلطت معاهم يسمحولى
و الناس لى غلطو معايا رانى مسامحهم دنيا و آخرة




​

 

[الجزائري05]

يا جماعة صليو على النبي محمد عليه الصلاة و السلام
واللي يعزني ويحبني ميديرليش هكذا يعني تمسح فيا انا الشي هدا كامل
​

 

[♥ قطر الندى ♥]

انت ماحكيتش معاك من لول واش دخلك فينا
راك عضو عندك 48 مشاركة ومزالك كابران هني روحك سينو قسما بالله نجيبك سيبلا وراني حلفت

حتى انا ما حكيتش معاك من لول
وزيد راك عارفني عضويتي لحقيقيه وراك عارفني وشكون
لحلف حطو اكوتي
هيا علاخير خويا