صحبتي اليوم جات من تونس وياريتها ماجات

[يسرى 2008]

السلام عليكم
عندي صحبتي راحة للتونس يامات ورجعت
ايا لا علينا
اليوم جات قلتلها وشراكي سافا سافا
وهي الله يبارك متربية وقدام الناس شمعة مش عبد
ايا سقسيتها وش عملتي في تونس نسيتينا ولالا
قلتلها نسيتي الافكار تيعك مش ملاح
قالتي وي بيانسير نسيتهم
وانا في تونس عشت العسل
قلتلها كيفاه قاتلي تعرفت على طفل من انجلترا
مسيحي
وقدي في العمر قاتلي وش نقولو يهبل اني ديت ايميلو
وكل يوم نحكي معاه هنا
والله غير تشوكيت شوف وين وصلنا
ومصاحبة مسيحي تاني
عابالي موضوع تافه بصح يا عباد الله مي وين رايحين لعلاقات الصيف هادي
وبعيد على البلد ولا حتى في البلاد اتقو مولاكم يا ناس
جاي رمضان وتقابلوه باعمالكم الفاسدة هادي
ربي يهديكم وش نقول شوفو حالتنا وين وصلت

​

 

[kojak]

امممممممممممم

..........................

............................
اهاه على بنات بلادي وكي يروحو يحوسو في بلاد بارانية
​

 

[manal_39]

مشكورة اختي على الموضوع
هادي ظاهرة اصبحت عندهم ظاهرة بديهية حتى اهنا في الجزائر ياليك خارج عن قطر الجزائر
والي مش امليح زادة انه مسيحي
نطلب لها غير الهداية من المولى
​

 

[adraa]

اييييييييييييه

الحكااية مش تافهة

و راهي حقيقة المجتمع الجدييد المرة...

و بالاك فيها خييير

لاكاان يشتيها صح اي بربي نشالله تهديه للاسلاام..

و لاكان العكس ربي يبقي الستر....

 

[el faycal]

البنات .... غير قطرة حرية . يغرقو ..

 

[souhila_95]

يااااااااااااااااااااااااااالطيييييييييييييييييييف لحقت بيهم حتى يصاحبو مسيحي واش نقول ربي يهدي ما خلق

 

[ابرار الجزائر]

البنات .... غير قطرة حرية . يغرقو ..

من عندي و الله غير عندك الحق مليحة العسة منين ذاك

 

[نبولة]

واش خلاصو المسلمين حتى يصاحبو المسيح يا اختي صح رانا في وقت العولمة و لكم دينكم و ليا ديني بصح الخوف تتعلق بيه و تهز عليه طبايعو؟؟؟؟؟:tears::tears::tears::tears:
ربي يستر كامل خواتاتنا

 

[فراشة الايمان]

عندي بنت خالي تعرفت على شاب مسيحي
و أسلم و تزوجها و الحمد لله
يعني ممكن يتهدا للاسلام على ايديها
و ممكن هي تولي مسيحية
............

 

[ريفال]

لا لا حكايتك ماشى تافهة بالعكس هادي الحقيقة تغير في الدين تاعها وكيف تسمح لنفسها انها دير علاقة مع مسيحي ولا متخافش تدي عل طبايع تاعو ربي يهديها وخلاص

 

[بنـ MaPa ـت]

بالاك في جالها يستسلم ههه
مرسي ليك..
​

 

[ماكانش]

رانا نسمعو وخلاص ...​

 

[miss Go]

وشنو تديري يا ختي ..
هكذا رجع هذا الوقت .. اغفلي تقيقة تلاقاي الناس
مانيش عارفة وين .. الله يهديهم
هادا واش نقولوا
​

 

[chaima]

لوكان جات من البنات الصالحين هي توريلو كيفاش يصلي وتهديه لطريق الخير ربي يغفر لها شحال من دنوب بصح الى كانت جايحة ربي يهديها ويهديه لوكان جيت منها نفرح ما شي كي تعرف على واحد من انجلترا واش نخلعت الناس راهم يتعرفو من الصين وما نخلعوش وراحو شافو بلدان وما نخلعوش لوكان جيت منها نفرح لاخاش ربي عطاني حاجة لي باش نمسح بيها الدنوب نتاوعي صح ولا لا
تقبلي مروري... ​

 

[بنـ MaPa ـت]

واش خلاصو المسلمين حتى يصاحبو المسيح يا اختي صح رانا في وقت العولمة و لكم دينكم و ليا ديني بصح الخوف تتعلق بيه و تهز عليه طبايعو؟؟؟؟؟:tears::tears::tears::tears:
ربي يستر كامل خواتاتنا

يرحم داك الفم و الكلافيي
كلامك صواب
​

 

[نبولة]

يرحم داك الفم و الكلافيي

كلامك صواب​

تعيشي حنونة

 

[AHLEM1992]

عيش تشوف ، عيش تسمع...​

 

[aidouch]

ايه كاينين شي ناس معلابالهومش واش راهم يديرو
ربي يهديهم و يهدينا
​

 

[نسيم الربيع]

ان شاء الله تهديه ومايظلهاش وربي يجيب اللي فيه الخير هدا مانقولو لخاطراش الهدره بزاف مشي مليحه وبزاف عباد دارو كروا روج على حوايج ومبعد داروهم وماراني قاصده حتى واحد بكلامي بصح كل واحد يلتى بروحو صحيتي ختي وربي يجيبلك اللي فيه الخير نتي وصحبتك ... سلالام

 

[يسرى 2008]

نشكركم على الرد
مي نحب نوضح اي متقدرش تدخلو في دين الاسلام باسكو هي اصلا اي صغيرة عمرها 14 سنة ههه وش من عمر هدا
ومتقدرش تتزوج بيه
اي باينة علاقة استغفر الله عيش تسمع
مشكورين على الرد