مافهمت والو............

[غفرانك ربي]

حبابي الملمومين ربي يدوم قوسطوكم وجمعتكم........دايما كي نركب فالكار....رايحة وجاية لقرايتي ....لخرجاتي.....نشوف عفسة تحيرني بزااااااف:scared:وهي أنو كاين عيباد كي يشوفوني جبدت كتاب نقراه باش نجوز الوقت تلقاهم يخزرو فيا مخلوعين كيشغل راني نقتل في واحد ماشي راني نقتل فالوقت.....
ولحق وحد النهار إنسان قالي يرحم باباك اغلقي علينا هذي المصيبة ماخصناش....الناس تمشي بالميكرو بورطابل ونت حاصلة في دقة قديمة.....
والله ما نكذب عليكم.....غسلت هذاك المخلوق بصح لضرك مازلت حايرة وعلاش يتخلعغو الغاشي كي يشوفو عفايس هكاّّّ؟؟؟؟
​

 

[BARCA232]

والله عادي فين المشكل
الgاوري كامل الوقت والكتب في وقته
بصح ماشي يقتل في الوقت ليتعلم
شكرا لك
​

 

[sad_pb]

بالفعل رهف ....أعداء الكتاب كثيرون .... و لكن عليهم أن يعوا أن قراءة كتاب مثلا في الانترنت لن تكون بطعم قراءة كتاب حقيقي ..... و ان كانوا يظنون أن زمن الكتاب قد انتهى فهم واهمون ....صحيح أن الانترنت قضت على نسبة كبيرة من قراء الكتب لكنها ليست بديل عنه .....أنا عن نفسي أخذ كتاب في بعض الأحيان لما تكون لدي سفرية بعيدة .... كما أنني لا أهتم لنظرة الناس ....فارضاء الناس غاية لا تدرك ......و سامحوني لأنني كتبت باللغة العربية ....نسيت أنه منتدى بالعامية.....و مليون شكر لك رهف على الموضوع المهم في الحقيقة ....و صح رمضانكم​

 

[نسيم الربيع]

وعليكم السلام ختي يتخلعو كيعاد راكي ديري فحاجه بيزار في بلادنا شكون اللي راح يقرا فالكار الشعب خاطيه المطالعه

 

[الرومنسي الجاد]

عندكــ الحقــ ختو . . . عيباد يا لطيفــ منهمــ . . . مامـ أنا تصراليــ . . .

تقووول رانيــ نقرا فيــ كاشــ كتابــ تاع السحــر و لا منيشــ عارفــ . . .

و ليتـــ نجبــد روحيــ و نقرا . . . كنتــ نقرا كتابــ فيــ واحــد 20 يومــ . . ذركــ

فيــ 6 شهور و ياربيــ نقرا منو فصــل واحـــد . . جياح يالطيفــ منهمــ . . .

لاتيينــ غير مع الخزرة و تطياح المورال . . ربيــ يهديهمــ و يهدينــا . ..
​

 

[PrInCeSs LoVe]

وش تديري يا ختي هذي هي الدنيا ضك

:glare::glare::glare::glare:


زعمة عادو ميقراوش لكتابات عادو غير بالاب توب :no_1::no_1:​

 

[سآمي]

و عليكم السلآم

هذوك ناس ربي يهديهم و كي نديرو عليهم يطيح النيفو نرجعو أقل منهم مستوى

||

صح رمضآنكمْ
​

 

[loca]

ياودي لي قول هكا راهو انسان معقد وحابس علاش وين راه عايش ميفهمش هكا علاش حايرة يا زينة يطيحو في البحر زعما من تجبدي تييليفون وتحكي يعجبهم حال ههه ولا ديري كيتمان وسمعي منار تجيهم غاية تعجبهم ههه دنيا ورانا نشوفو

 

[عاشقة السكوفيلد]

و الله يا ختي غير صرالي نفس الموقف هذا العام:sneaky2:
بسح واش ديري في هذي البلاد مايستعرفوش بحاجة وسمها قراية يعرفو غير الصوارد ربي يهديهم و يهدينا معاهم

صح رمضانكم​

 

[AHLEM1992]

حنا عندنا التمنشير ، التقطاع ، النميمة هادي نورمال
المطالعة ما تكزيزتيش في لبلاد خاطينا القراية و الكتب و و و
+
نسيت باه ما نظلمش الشعب الجزائري
حنا نقراو غير الهداف
ـــــــــــــ
شكرا على الموضوع​

 

[القلب الابيض]

حبيبتي افراح ماتعانديهومش هادوك لي ماعندهم والو فالمخ ربي الكلمة الاولى لي نزلها فالقران هي اقرا لي يقولك قوليلو هك ومليحة بزاف ختي هاد العادة متحبسيهاش في جالهم ربي يوفقك

 

[13matmour]

الكتااب خير انيس لا انترنت و لا ميكرو بورتابل و لا........ ولا ...........و لا .... يعوض الكتاب فلا تعطي اي اهتماااام لهؤلاء المغفلين ان صح التعبير

 

[**سارة**]

لأنو درك مع الشعب تعنا كون تهدريلو على القرايا كون يصيب يقتلك تقول شواش ما هدرتيلو
ربي يهدي ما خلق
يعطيك الصحة أفراح على الموضوع ​

 

[الشاوية الحرة]

راح نجــــــــــــاوبك أختـــــــــــي لانــــــــــــو ببســـــــــــــااطة النـــــــــــــااس تاعنــــــــــا تافهيــــــــــن لأبعـــــــــد الحـــــــــدود ومــــــــــــايعرفوش قيــــــــــمة الكتــــــــابات ......سلآلآلآمي
​

 

[Emo Angel]

يا أختي واش رايحة تديري ..بلادك و تعرفيها
كون جينا في اليابان >الكوكب الآخر نقولوا معليهش ...من آدابهم في الكار تقراي وواحد لا لاتي بيك
حنا من آدابنا في الكار ..التقطاع ..الكذب ..التمسخير ..النميمة ..الكلام الزايد .. النقدان و الخزران (من فوق لتحت تقول يسكانو في العباد هههه ) و كيما قالولك الخاوة الفوق
المهم ما تتعجبيش ..و انت ثاني ما تحبسيش ..اقراي واش حبلك ~~ علابالك تاوعنا اللي يجي ...يحب غير يدخل نيفو في حاجة خاطياتو
المهم ربي يوفقك
وصح رمضانك أختي ^^

 

[ماكانش]

أنا واحد من الناس نشوف ألي يقرا في الكار راهو يدير في السيرك ويبين في روحو
واسمحيلي
بصح مانتخلعش منو أنا يشفني برك ...​

 

[papicha dz]

عندك الحق كامل ينخلعوووو

 

[sad_pb]

أنا واحد من الناس نشوف ألي يقرا في الكار راهو يدير في السيرك ويبين في روحو

واسمحيلي

بصح مانتخلعش منو أنا يشفني برك ...​

ربي يهديك نشالله .....أنا ثاني شفيتني كي قلتي هاذ الكلام ....السيرك عندو ماليه و راك علابالك بيهم.....و اسمحلي ......بصح هذي هي الحقيقة​

 

[غفرانك ربي]

بالفعل رهف ....أعداء الكتاب كثيرون .... و لكن عليهم أن يعوا أن قراءة كتاب مثلا في الانترنت لن تكون بطعم قراءة كتاب حقيقي ..... و ان كانوا يظنون أن زمن الكتاب قد انتهى فهم واهمون ....صحيح أن الانترنت قضت على نسبة كبيرة من قراء الكتب لكنها ليست بديل عنه .....أنا عن نفسي أخذ كتاب في بعض الأحيان لما تكون لدي سفرية بعيدة .... كما أنني لا أهتم لنظرة الناس ....فارضاء الناس غاية لا تدرك ......و سامحوني لأنني كتبت باللغة العربية ....نسيت أنه منتدى بالعامية.....و مليون شكر لك رهف على الموضوع المهم في الحقيقة ....و صح رمضانكم​

شكرا جزيلا أخي أثير...والله ردك وضح الكثير من الغموض الذي كان يشوب طرحي بورك فيك وشكرا على وفائك دااااااااااااائما في المقعد الأول ربي يسترك.....ورمضانك أحلى وأرقى.....

 

[غفرانك ربي]

وعليكم السلام ختي يتخلعو كيعاد راكي ديري فحاجه بيزار في بلادنا شكون اللي راح يقرا فالكار الشعب خاطيه المطالعه

إيه ياقلبي خاطيه المطالعة بصح نوغمالمو مايدخلوش روحهم ماتقراوش ربي يسهل مي باش تفسدو عالناس قرايتهم شوية.....
تعيشي ختي...ورمضانك أحلى وأرقى....