وقتاش دنيا تكون فيها الخير ؟؟

[روعة إنسآنه]

شكرا على الموضوع المميز خيتو
والله الانتحار ظاهرة منتشرة و المجتمع تاعنا يولي بخير كيما تنقص وماهيش راح تنقص حتى يتربوا لعباد ويشدوا في دينهم
صح فطورك

هذا كامل من نقص الايمان الله يسلمك وصحا فطورك انت زاد
​

 

[امينة لبرايجية]

الدنيا يولي فيها الخير كي يتعدلوا ماليها يا خيتوا

 

[Lonely Girl]

ربي يهدي الناس نشالله رمضان رمضان الناس تهيج العوض اللي يخافو فيه ربي ويتوبو هوما العكس النهار تشوفي غير العفارات القتيلات لاحولة ولا قوة الا بالله
​

 

[تسنيم الهناء]

و الله يا اختي الخير و الشر كانو ملي خلق ربي الدنيا و راح يبقاو حتى يرث الله الارض و ما عليها
و ما كانش منها ما بقاش خير و لا الشر اكثر لالا
تبقى هذا مسألة تفكير و فكر و هذا الناس لي تنتحر ضعاف شخصية و اناس جوفاء من ايمان رباني, صح نعترفو بلي الدنيا صعيبة و الشباب ضايع بصح انو الواحد يقتل روحو ما هوش حل و لو كان جا حل كل وين واحد كحالت الدنيا شوي في وجهو يروح يقتل روحو و يتهنى
هذي نفس عندها حرمتها و هادو هوما الاوقات الحرجة الي يختبر فيهم ربي سبحانو ايماننا و قوتنا على التحمل
و حتى مثلا هاذو الي انتحرو لو كان تروحي تشوفي مشاكلهم مع شباب اخرين تلقايهم ما كان والو و هوما صابرين

الله يجيب الخير و مرسي عليك حبوبة و موضوعك هذا ابسط مثال في مقابل انسان جاهل انتحر كاينة وحدة واعية و تنشر في ثقافة لا للانتحار كيما انت

بارك الله فيك
​

 

[nazif kalam]

يا هناء في هذي الدنيا كاين كلش الخير والشر الأسود والأبيض النور والظلام، والإنسان معرض دوما لهزات وابتلاءات سواء بالشر كالدين أو المرض أو أي ابتلاء آخر ويتعرض أيضا لامتحان مثل الغنى والقوة والصحة وعلى الانسان أن يعلم أن دوام الحال من المحال يعني من إبتلاه الله فيمكن أن يرفع عنه هذا الابتلاء مصداقا لوعده تعالى إن بعد العسر يسرا، و أيضا من أعطاء الله ليمتحنه قادر أن ينزع عنه كل هذا
إذا اقتنع الانسان بهذا الشيء فسوف لن يكون هذا الذي يحصل بيننا اليوم
​