قولي ولا ماكليتش اللحم في رمضان واش راح يصرالك

[BOUSS]

ناس اللمة سلام عليكم صحا صيامكم بالصحة والهنا وكل عام
ونتم بخير
كاينا واحد الحاجة خاوتي والله مدوختني حتي تقول شعب
همو غير كرشو كثرو علينا الهدرة غير علي اللحم رهم
جابوه من الهند لالا من السودان الله يرحم والديكم بلادنا
طولها وعرضها قيس ماتوكل قارة افريقيا ماراهيش قادرة
تكفي روحها وين راه العيب تجي نشرة تاع الثامنة تشعل
لتيلي الحاجة اللولة الي يبداو بيها بوتفليقة ومطاعم الرحمة
والله بزاف علي الشعب هدا راه ناوي يوصل بالقدرات الي
عطاهالو ربي وين وصلت الشعوب مراهش تاع كرشو برك
فوتو علينا هدي العقلية وخلونا نشوفو بعيد ماشي غير
عند نيفنا برك صحا فطوركم خاوتي ربي يجيبنا ساعة
الخير ان شاء الله:closedeyes:

 

[** غزال الصحراء **]

اه وي عايشين باش ناكلو برك , حياتنا كل عاجال الخبزة
ربي يلطف يا خويا

صحا رمضانك .

 

[جزائرية حتى الموت]

وعلاش الناس تخدم وتتعب في ميزك يا خويا bouss :mellow:

الحمد لله على النعمة :heh:

صحا فطوركم​

 

[nour mary]

شوفت نورمالمو رمضان عبادة وحنا رجعناه عادة سبيسال للماكلة
في رمضان واش يقولو ماشي صحا فطورك وصحورك
غير على كرشهم
وحنا منهم مانكدبوش

 

[BOUSS]

اه وي عايشين باش ناكلو برك , حياتنا كل عاجال الخبزة
ربي يلطف يا خويا

صحا رمضانك .

هدا هو المشكل يا غزال ماخلاوناش
نخمو علي مور الماكلا سينو خلات راحت عليهم مع الف شكر

 

[BOUSS]

وعلاش الناس تخدم وتتعب في ميزك يا خويا bouss :mellow:​

المشكل ختي ردو الشعب يخمم غير علي كرشو الشهرية نتاعو ولات غير
للماكلا برك ماتكفيش ماينجمش يخبي منها باش بعمل بروجي ولا امور اخري ولا خبا لازملو سنين

الحمد لله على النعمة :heh:​

هدي علي كل حال واجب علينا في الظيق ولا ليتسع

صحا فطوركم​

ونتي زادا ختي شرفني مرورك

 

[BOUSS]

شوفت نورمالمو رمضان عبادة وحنا رجعناه عادة سبيسال للماكلة
في رمضان واش يقولو ماشي صحا فطورك وصحورك
غير على كرشهم
وحنا منهم مانكدبوش

يعطيك الصحة نور علي مرورك صح راني معاك واش قلتي
رودناه شهر الاكل بصح كاين امور اخري مالازمش ننساوها
من عبادة وعمل وحيوية مع الف تحية لكي اختي:wink:

 

[nina bonoise]

El lham khatini manhabouch

 

[بنـ MaPa ـت]

كون مانولوش ناكلو نتهناو نولو عالاما
نخدمو برك شوفو الشناوة مساكن كل يوم الروز
حنا اوموان كاين اللوبية ـ العدس ـ السلاطة ـ الشربة ـ وماراناش حامدين ربي
العجب مع هاد الشعب
صحيت خويا بوص
صح فطوركم
​

 

[BOUSS]

El lham khatini manhabouch

ربي هناك بونواز ماتنسايش الحوت والفرامج ههههههه:wink:

 

[BOUSS]

كون مانولوش ناكلو نتهناو نولو عالاما

نخدمو برك شوفو الشناوة مساكن كل يوم الروز
حنا اوموان كاين اللوبية ـ العدس ـ السلاطة ـ الشربة ـ وماراناش حامدين ربي
العجب مع هاد الشعب
صحيت خويا بوص
صح فطوركم​

صحا رمضانك صوندرين علبالك اليوم نفطرو علي21.09
ههههههالشناوة يقولو عليهم ياكلو كل ما يتحرك بصح ما يخموش
غير علي الماكلا ولابراv راهم سكنو العالم كل
والمشكل راه فينا جابونا كلش وماخلوناش نروحو بعيد
يعطيك الصحة صوندرين ونتي زادا:wink:

 

[BOUSS]

الناس عمبالها رمضان غير للماكلة و الراقد انا مزيا مناكلش اللحم الاحمر ناكل غير الابيض تقبل مروري خويا سفيان nicha03

صحا رمضانك ختي راكي خالتيهالي مزيا الي ماجاوش الناس
اكل تاع ماكلة ورقاد سينو البلاد راحت بصحتك الجاج سيرتو
كي يكون تاع الفرما اممممممم امحمر علي الجمر ما نصبرش
مع الف شكر نيشا

 

[47yassin]

انا ماني نحوس على اللحم ماوالو غير نحوس على الماء والفاكهة والفيطاجو البارد
​

 

[precieusenina]

ana manhebch la vionde

 

[BOUSS]

انا ماني نحوس على اللحم ماوالو غير نحوس على الماء والفاكهة والفيطاجو البارد​

طالب عافيا خويا الله يعطيك الصير نتا تعرف اتخير
راك اديت الحاجة الغالية والصحيحة لذات مشكور اخي:closedeyes:

 

[BOUSS]

اممممممممممممممممممممممممم غير متفكرنيش مزاااااااااااااااااااااال ساعة ونص باش يذن ربي يصبرنا صحى فطورك خويا سفيان

ونتي زادا نيشا حنا مزالنا ساعتين ونصف:wink:الله يقبل مناومنكم

 

[BOUSS]

ana manhebch la vionde

يعطيك الصحة ختي علي مرورك او ماتنسايش تعوضي اللحم
بالفرامج والحوت راهم فيهم واش نحكيلك بصحتك وصحا فطورك:closedeyes:

 

[السلطانة]

واش تحب الابقار والنعاج تاع لبلاد انقارضو
ربي يصبرنا
بعد جاكي شان لي جابوهم وخدموهم على حساب لي جان تاعنا
جا دور استيراد اللحم الهندي
الهندي بوgص على الجزايري

 

[BARCA232]

صحيت أخي بوس
والله عندك الحق
شكرا لك
بارك الله فيك
​

 

[BOUSS]

واش تحب الابقار والنعاج تاع لبلاد انقارضو
ربي يصبرنا لالا هربوهم للخارج
بعد جاكي شان لي جابوهم وخدموهم على حساب لي جان تاعنا
جا دور استيراد اللحم الهندي
الهندي بوgص على الجزايري

هذا الي يقا مخيرني ختي وين راه الخير تاع الدزاير حتي وبن
وصلنا للحم تاع الهند يعطيك الصحة عيشة وصحا فطورك:closedeyes: