لماذا لا نهتم اعمالنا ....طبيب يتهاون!!!!!

[المسلم حسني الجزائري]

والله أخي الغالي في مستشفيات الجزائر لارحمة ولاشفقة ربي يهديهم
اميين
المريض كي يروح للسبيطار يزيد يمرض
هاته اصبح اخوك متاكد منها واقسمت انه عند القدوم لن ادخل اي مستشفى مهما كان
والمشكلة انك سواء رحت للبريفي او تاع الحكومة تلقى الشقاء
اذا عمل احدكم عمل فليتقنه
اين اتقان العمل هنا ؟الله يهدي ماخلق


لكن نقولو ربي يهدي
اميين
لانه الشخص مايروح للسبيطار الى وهو تاعب
الان اصبح يروح نورمال يرجع تاعب يدخل لمستشفى يحمل مرض يخرج منها يحمل 20مرض من معاملة الاطباء
ماش حب في المرض لكن هوما الفهم ناقص
ماوش ناقص ياجوهرة حياتي بالنسبة لي انا لاتوجد لهم اي فهم او بمعنى اخر سامحيني على الكلمة مي اعتبرهم اغبياء وفاشلين وغير مسؤولين
ونتمنى انهم يتعلموا كيفاه يتعاملوا مع المرضى
اميييين​

صح فطوركي مقدما غاليتي نور وتقبل الله صيامكي وقيامكي وكل اعمالكي
مرسي​

 

[المسلم حسني الجزائري]

الله غالب هدي هي حالة القطاع العام في دول العالم الثالث .. الضمير ميت و مكاش اللي يعسهم

و لوكان هاد الطبيب اللي حكيت عليه عندو عيادة خاصة تشوف كيفاش تتغير المعاملة تاعو للمرضى .. لوكان يصيب يمسحلهم رجليهم ( حاشاك) غير باش يعقبو عندو vيزيتا​

ربي يهدي​

معكي حق في كل كلامة كتبتيها الضمير لاتوجد لهاذا تحصل هاته مشاكل كلهم

الله يهدي ماخلق وتعود امور الى طريق صحيح
صح فطوركي وتقبل الله صيامكي وقيامكي وكل اعمالكي
مرسي​

 

[احلام ضائعة]

والله صح هده الحاجة الي خالتنا نتاخرو ياك ماكانش الاتقان في العمل

 

[سيرتا]

غير كيما شفت الموضوع و تذكرت واش صرا فيا كي دخلت مع ابني لبن عكنون وزعما من السبيطارات لمخيرة الليلة اللي بت فيها وليدي حكماتو الحمه ما صبت ني فرملي ني طبيب وبقيت ندور على المرضى نحوس على كتالجين السارفيس يصفر امبعد جا فرملي وقالي لازم توزنيلو قتلو ماعنديش الميزان قالي ديري تاع واحد مريض انا ماقبلتش ياو استغرب وقالي وشفيها قتلو هاذي حاجة بيغسونال ما نستعملش نتاع واحد اخر وللغدوة جات الطبيبة وكي قلتلها والله ما داتها في وقاتلي وشبيه تسقسي في انا بصح هاداك النهار درت المستحيل وخرجت والله ابني عمره19شهر ما حمل السبيطار وغي خرجنا بقا غير يضحك وزلت عليه الحمى بلا والو انا تعقدت بزاف من السبيطار والله يحفضنا منو.

 

[المسلم حسني الجزائري]

مرسي على مرور وناسف تاخر الرد

غير كيما شفت الموضوع و تذكرت واش صرا فيا كي دخلت مع ابني لبن عكنون وزعما من السبيطارات لمخيرة الليلة اللي بت فيها وليدي حكماتو الحمه ما صبت ني فرملي ني طبيب وبقيت ندور على المرضى نحوس على كتالجين السارفيس يصفر امبعد جا فرملي وقالي لازم توزنيلو قتلو ماعنديش الميزان قالي ديري تاع واحد مريض انا ماقبلتش ياو استغرب وقالي وشفيها قتلو هاذي حاجة بيغسونال ما نستعملش نتاع واحد اخر وللغدوة جات الطبيبة وكي قلتلها والله ما داتها في وقاتلي وشبيه تسقسي في انا بصح هاداك النهار درت المستحيل وخرجت والله ابني عمره19شهر ما حمل السبيطار وغي خرجنا بقا غير يضحك وزلت عليه الحمى بلا والو انا تعقدت بزاف من السبيطار والله يحفضنا منو.

والله معكي حق اختي سيرتا انتي كفيتي ووفيتي بكلاماتكي الله يشافي ابنكي وترتاحي من تعب هاته المستشفيات التي تجعل الواحد يكره حياته من تلك المعاملة والتهميش التي يتعامل بها اطباءنا الذين مفروض يكونو في خدمة المريض مي هم يزيدو عليه بمعاملتهم

والله صح هده الحاجة الي خالتنا نتاخرو ياك ماكانش الاتقان في العمل

معكي حق اختي اتقان العمل ماوش موجودة مع انه المعاملة هي نصف العمل مي هم الله يهديهم ويغيرو من طريقة نضرتهم للمريض ويعطوه اهتمام المفروض
الله يهدي ماخلق

 

[Elif DZ]

مش الأطباااء الكل

صحيح معظمهم في الجزائر هك
غير كاين اللي يخدمو بقلبهم ربي يهدي الجميع
​

 

[hichem244]

ييييييييييه
يا اخي هاذا حال الجزائر وعلاه الرب غاضب منا وحارمنا من لخير هاذا سبب من بينهم
يعني حتي شهريتو مش حلال وهو يقلك راني خدام في دوله يعني وشكون لي راح يحاسبو
ربي يهدي وهاذا امر طبيعي خويا متحيرش روحك

السلام عليكم واش راح تدير هذا حال الجزائر

 

[المسلم حسني الجزائري]

مرسي على مرور وصح فطوركم

مش الأطباااء الكل​

صحيح معظمهم في الجزائر هك
غير كاين اللي يخدمو بقلبهم ربي يهدي الجميع​

لم اقل الكل مي اغلب هاكذا واكثر من هاكذا كم تبلغ نسبة الملتزمين 20%؟40%؟؟ والبقية ماوش ملتزمون باعمالهم
الله يهدي ماخلق كما قلتي​

السلام عليكم واش راح تدير هذا حال الجزائر

وعليكم سلام ورحة وبركة الله
الله يهدي ماخلق وتعود امور الى طريق صحيحة ان شاء الله​

 

[ام منصف]

موضوع في غآإأيــــة آإألروعـــه وطرح أروع ..

سلمتــ,, يدآإأكــ,, لطيب طرحكــ,,

انتظر مزيدكــ,, الآإأجمل والآإأفضـــل ..

تحيتي وتقديري لكـ,,​

 

[هدى42]

هذه هي بلادنا ما تسقمش راهي غير تزيد تدهور