فضيحة لاعبي المتخب الوطني ( سهرات و ليالي حمراء )

[Moha le sage]

سلام للجميع




صام قلمي عن الكتابة لبعض الوقت .. لكن ما راءيته آلمني .. و أدري انه سيؤلم كل جزائري يحب و طنه و يملك نخوة في جسده ..






لاعبي منتخبنا الوطني الاسطوريين ............أو الرموز الجدد التي اضيفت الى رموز اخرى كالامير عبد القادر أو ذلك الشهيد او ذاك العلامة ...

بعدت ثقافت الوشم و الاقراط و سبغ الشعر و قصه بطريقة اكثر من البيكامانيا ( نسبة الى بيكهام )

تفردت يومية النهار بنشر صور مسروقة( لم ينشربعضها لخدشها للحياء ) من سهرة حميمة للاعبي منتخبنا الوطني الذي كان بالاجدر بسعدان فصلهم جملة و تفصيلا عن المنتخب ..

و الله هي صور تقشعر لها الابدان ..كونها اخذت لمن سميناهم رموزا للوطن ..بحبهم لوطنهم و تضحيتهم من اجل قيمه و اعلاء علمه ... و لكن وااسفاه ..

ما عساي اقول و الصور تغني عن الف قول .. ماعساي احلل و كل شيء بديهي و جلي للعيان



سهرات و ليالي حمراء و رقص و غناء ماجن .. و اكثر من ذلك ضعف فوق ارضية الملعب امام المنتخبات الاخرى ..ثم نلوم من بعدهذا ؟ ترى لمن يعود اللوم .. على الناخب الوطني الذي لم يستطيع ظبط لاعبيه ..لا فوق ارضية الملعب ولا خارجها ..ام لعوامل اخرى خارج عن نطاق الكرة المستديرة ..

يعجز لساني عن تفسير هته الظواهر ..الملايير تصرف و النتائج لا تأتي ..و اكثر من هذا تغيب الوطنية و العروبة و تعاليم ديننا الحنيف و اخلاقياتنا ...عن من لبسو قمصانا حمراء و خضراء ..تعني الكثير الكثير

ما عقوبة مثل هه التصرفات الطائشة و الغير ملتزمة .. ترى ما سيكون ردة فعل شعبنا الجزائري الذي سفق لوقت قريب لهؤلاء الابطال ..بل و علق صورهم في اقمصته و اقمصة اولاده و جدران منازله و احياءه ...

هؤلاء نجومونا .. لم يجل ببالهم لحضة انهم صارو قدوة لملايين الاطفال و الشباب .. فعوض ان يقومو بترسيخ معاني النبل و مزايا الاخرى الحميدة بخرجاتهم و تصرفاتهم .. قامو بارساء ثقافات هجينة عند كل الشباب ...

ثقافات امتزجت بطريقة لبس و حلاقة لا تمت لنا بصلة .. و هاهي اليوم تكسر كل الحواجز الدينية و الاخلاقية ... و الان اتسائل الى اي مدى ستبقى مكانة هؤلاء اللاعبين في قلوب الجزائريين .. بعد ان ضيعوها فوق ارضية الملاعب بردودهم الهزيلة ... و هاهو اليوم يطبقون مقولة : أحشفا .. و سوء كيلة ...


اتجهت يومية النهار الى عنونة الموضوع بالحرب الفرعونية ضد نجوم الخضر ..

لا اريد ان أخوض في هذا الغمار و لا ارى بدا من توجيه اصبع الاتهام الى اطراف .. كان الاجدر تناسيها و تحويل اصبع الاتهام الى الطرف الرئيسي فيها (( لاعبينا الوطنيين ))

لكني لا اتعجب في وقت يملي اللاعب على المدرب قراراته .. و تغيب اللجنة الانظباطية عن تاديب اللاعبين .. ففعلا .. اذا كان رب البيت على الدف ضاربا ..فشيمة أهل البيت الرقص




اللهم لا تحاسبنا بما فعل السفهاء منا












بقلمي



le sage







الصور منقولة من المصدر



http://www.ennaharonline.com/ar/sport/66750.html









​

 

[غفرانك ربي]

هذو هوما اللي جرا عليهم الشعب وقالوا قدوتنا خويا محمد ضرك نسيي نرفد هذ السوجي ونبعثو للغاشي كامل بالاك يحسو شوية يخااااه والله ماني مأمنة......

 

[samra106]

على هاديك ربحنا وسلكنا على خير

 

[Nàf!ssaà]

بدون تعليق ,,,,,,

مايشرفناش يمثلونا وحدين كيما هادو و مزال يغيضهم الحال كي عباد ربي تقعد تهدر عليهم
لي مثلونا ماتو ربي يرحمهم ، رفعوا علام دزاير بين البلدان مليون و نصف مليون شهيد و اكثر مانسحقوش وحدين كيما هاد ل .................. السفهاء تاع الصح الا من رحم ربي باسكو كاين منهم المتربيين و الله اعلم
يخي حالة يخي
مشكور خويا موح على الطرح المؤثر
ربي يهدينا و يهديهم

 

[dana1993]

اللهم لا تحاسبنا بما فعل السفهاء منا

آآآآمين يارب من قال انهم رموزا للوطن فرموز الوطن هم الامير عبد القادر و اصدقاؤه هم حقيقة رموز الوطن
اما هؤولاء فليسو سوا نصف مواطنين جزائريين يجيدون ترويض الكرة في الساحات لا اكثر

لا حول ولا قوة الا بالله

 

[little princess]

rabi yehdi ma 5le9e mais a toute facon madaniteche kayene menha je panse que ses photo ce sont mfabarkine hada makane et le journal ta3e el nahare je panse mahiche jarida psk ma3ndhache mesda9iya mene el 7aba edire 9oba

 

[Moha le sage]

rabi yehdi ma 5le9e mais a toute facon madaniteche kayene menha je panse que ses photo ce sont mfabarkine hada makane et le journal ta3e el nahare je panse mahiche jarida psk ma3ndhache mesda9iya mene el 7aba edire 9oba

نتي تشوفي فيهم زوج زوج في الحفلة وتقولي تصاور مفابريكيين :scared: علاه ملايكة لي جوار تاعنا
يخي حالة يخي

 

[Moha le sage]

مشكورة ختي افراح و نفيسة و سمرا و دانا .. حتى انا راني مشوكي فيهم

الديفو مش تاعهم ..مي اللي عطاهم الدراهم باش يفسدو و قلبهم نجوم بين ليلة و نهار


​

 

[عاشقة مجنونة]

ربي يهدي من خلق

 

[Moha le sage]

مش علابالي اذا مزال نبقى نلقاو عاشقة غزال و عاشقة معرف شكون ... كون يديرو عليا يبدلو البسودوات
​

 

[amine@barca]

كل واحد حر في تصرفاتو و شكون لي قال بلي الصور هاذو في ملهى .......؟؟؟
و زيد فتحي غيلاس لم يستدعى للمنتخب من بعد مباراة ام درمان.......كيفاه راهو فالصورة ؟؟؟​

 

[imanesali1]

ههههههههههههههههههههههههههه
ياخي حالا يا خي

 

[{~B4SM4]

للأسف ماكل مايتمناه المرء يدركه
/
رحم الله رموز الجزائر في يوم مضى والسلام
**
شكرا لاتنتهي أخي موحا

 

[كميليا 1996]

على هديك خرجنا من الدوري الأول
ربي صخطنا:busted_red: ​

 

[makour]

ياخي حالة ربي يهدي ماخلق انا مانستعرفش بيهم او مانسحاقهمش يمتلوا بلادنا ناس كيما هادوا الجزائر راهي كبيرة عليهم

 

[Moha le sage]

كل واحد حر في تصرفاتو


و شكون لي قال بلي الصور هاذو في ملهى .......؟؟؟



علاه نتا راك تشوف فيهم في الصطاد و الجمهور من وراهم يشجع ؟؟!!






و زيد فتحي غيلاس لم يستدعى للمنتخب من بعد مباراة ام درمان.......كيفاه راهو فالصورة ؟؟؟​

لما تكون وحدك و براسك و ما تمثل حتا واحد .. انت حر في تصرفاتك ( بشرط ان حريتك تنتهي عند بداية حرية الاخرين )

لما تكون لاعب وطني محترف يتقمص الالوان الوطنية و يمثل علم الجزائر في المحافل الدولية ..انت مسؤول كل المسؤولية ...
​

 

[Amira.12]

اللهم لا تحاسبنا بما فعل السفهاء منا
اميييييييين يارب اللهم اهدينا يااااارب
لاحول ولا قوة الا بالله العلي العظيم

 

[عفاف الجزائرية]

بدات الاقنعة تسقط
وينها مكانة غزال ووينها مكانه زياني وفلان وفلان


وينكم يا اللي كاتبين عاشقة زياني وزياني وعاشقة غزال
رانا ملاح ما سخطناش ربي على وجوه الملايكة
ربي يهدي عباده
من اليوم انا واحدة من الناس ما يمثلونيش كجزائرية
​

 

[*amina*]

الله يهدينا ويهديهم

 

[w@hiba2010]

ربي يهديهم


والله غير مخي حبس ماكنت نسنى في هاد الصور

نزلو من عيني خلاص