احترت في الاختيار

[عبد الجبار الجزائري]

السلام عليكم ورحمة الله تعالى وبركاته

اريد ان ارى رايكم في الاختيار
فقد احترت بين المراة العاملة والمراة الماكثة بالبيت
كل يوم نخير حاجة مرة نقول لازملي امراة عاملة لانني مرتبط بنفقة اولادي
ومرة امراة ماكثة بالبيت واتحمل مسؤولية كل شيء لان العلي القدير هو من يرزق وربما سيصاعف الرزق
دخلت في متاهة حتى انني فكرت في الابتعاد نهائيا عن الزواج
اتمنى ان تزودوني بارائكم فلعلني القى مخرج مما انا فيه​

 

[♥ قطر الندى ♥]

شوف وحده متربيه وقادره علا القيام بيك وباولادك ولباقي بيد العالي هو لي قاسم الارزاق
ربي يسهلك خويا اذا بديتها هكا مراكش راح توصل
ربي يسهلك خويا

 

[سارة 196]

كلشي بالمكتوب احيانا لا تفكلر في الامر حتى يجي الفرج من عند
الله
والله اليوم راك عازب وغدوة انشاء الله تصبح متزوج
صلي وادعي ربي يرزقك ببنت احلال
خدامة ولا قاعدة
وربي يفرج عليك وتلقى اللي تستاهلك وتهنيك

 

[Elif DZ]

كل شيء بالمكتوب و اختار اللي يرحك حسب ظروفك
​

 

[nasser1992]

بزاف موضوع روعة تتميزي دئما

 

[kano88]

اذا حبيت تريح نفسيا
ربة بيت
حبيت تريح ماديا
خدامة
و قبل كل هادي الهدرة ..''القناعة'' لازمك
و ربي يكون في العون​

 

[الطالبة نهلة]

شوف اللي تعجبك خويا ادا كانت خدامة يعني أحسن من ناحية انها تعاونكوادا كانت قاعدة في الدار ربي مايخليش عبادو راح يرزقك أكيد وتوكل على ربي هدا مكان.

 

[اسامة]

ربي يسهلك خويا

 

["غزالة الجزائر"]

انا من رأيي اذا كنت قادر ماديا على توفير حاجات زوجتك واولادك وحالك لاباس به فخذ ربة بيت
اما اذا كان مالك لايكفي لصنع اسرة توفير حاجياتها من كل شيء فخذ خدامة
وانا من رأيي اذا اخذت ربة بيت من الاحسن انها تكون متعلمة ومتثقفة
ولازم تكون مقتنع بما اخترت
وربي يجيبلك لي فيه الخير انشاء الله

 

[عروس الثلج]

عل حساب حاجتك
ادا كنت مرتاح ماديا المراة الماكثة بالبيت
وادا كنت حاب تعيشو احسن رغم انك مرتاح ماديا
وتبنو مستقبل مليح المراة العاملة احسن
وفي رايي العاملة خير على خاطر مصاريف الحياة
صارت غالية وقدما توفر مال مليح

 

[kamel2010]

دير عليا تزوج بوحدة متخدمش ماكثة بالبيت و ربي يرزقك حلال باش توكلهم و الله يسهل

 

[hichem244]

السلام عليكم من وجهة نظري انا المراة الماكثة بالبيت احسن

 

[أبو الوليد القصباوي]

توكل على الله يا أخي ... واتق الله يرزقك من حيث لا تحتسب ..
كما اضيفك شيئا آخر ... ان الرجل لا يحتاج لمال المرأة كي يوفر حاجيات الاسرة .. ( راي شخصي )
وهذا بغض النظر عن المهنة التي تمتهنا هذه المرأة ..
تحياتي اخي الكريم وربي يفتح عليك

 

[عبد الجبار الجزائري]

شوف وحده متربيه وقادره علا القيام بيك وباولادك ولباقي بيد العالي هو لي قاسم الارزاق
ربي يسهلك خويا اذا بديتها هكا مراكش راح توصل
ربي يسهلك خويا

علابالي بلي ربي هو قسام لرزاق وانا على يقين انا حالي في تحسن والله يرزقني من حيث لا احتسب لكن هي الحيرة التي جعلتني اطرح الموضوع ولربما ساخرج بادن الله بقكرة ولو بسيطة تعينني شكرا لك

كلشي بالمكتوب احيانا لا تفكلر في الامر حتى يجي الفرج من عند
الله
والله اليوم راك عازب وغدوة انشاء الله تصبح متزوج
صلي وادعي ربي يرزقك ببنت احلال
خدامة ولا قاعدة
وربي يفرج عليك وتلقى اللي تستاهلك وتهنيك

صح الاخت كل شيء بالمكتوب ولكن الانسان ميرميش روحو في بير ويقول كاتبة
كل يوم ندعي ولولا الدعاء منجوت شكرا لك

كل شيء بالمكتوب و اختار اللي يرحك حسب ظروفك​

الظروق هي الي مفهمتهاش انا سوايعات تبانلي بلي قادر وحدي ومنحتاجش خدامة وسوايعات يبانلي العكس وانا على يقين انا حالتي المادية في تحسن يوما بعد يوما وكل الامور تمر علي بسهولة تامة حتى ان النفقة لا اعلم من اين تاتي واحتار احيانا سبحان الله

اذا حبيت تريح نفسيا

ربة بيت
حبيت تريح ماديا
خدامة
و قبل كل هادي الهدرة ..''القناعة'' لازمك

و ربي يكون في العون​

نفلك الصح حاب نريح نفسيا ومعنويا وحاب لهنا مني نحوس على مال لا شيء اخر الي يهمني الهناء والسعادة هدا الشيء هو الي خلاني نحتار
وربي يكون في عون كل مؤمن شكرا لك

شوف اللي تعجبك خويا ادا كانت خدامة يعني أحسن من ناحية انها تعاونكوادا كانت قاعدة في الدار ربي مايخليش عبادو راح يرزقك أكيد وتوكل على ربي هدا مكان.

انت راكي عطيتيني فكرة مقتنع بيها ولكن انا بين وبين المراة العاملة والماة الماكثة بالبيت
شكرا لك

 

[عبد الجبار الجزائري]

ربي يسهلك خويا

امين شكرا لك

انا من رأيي اذا كنت قادر ماديا على توفير حاجات زوجتك واولادك وحالك لاباس به فخذ ربة بيت
اما اذا كان مالك لايكفي لصنع اسرة توفير حاجياتها من كل شيء فخذ خدامة
وانا من رأيي اذا اخذت ربة بيت من الاحسن انها تكون متعلمة ومتثقفة
ولازم تكون مقتنع بما اخترت
وربي يجيبلك لي فيه الخير انشاء الله

منقدرش نقيم الحالة المادية راني نشوف فيها تتحسن والله اعلم وكل يوم يزيد ربي في الرزق
اللهم اعط منفقا خلفا فكل شهر عندما ادفع النفقة يخلف ربي باضعافها
وكي نقتنع يا اخت رايح نقرر وهدا امر اكيد شكرا لك

عل حساب حاجتك
ادا كنت مرتاح ماديا المراة الماكثة بالبيت
وادا كنت حاب تعيشو احسن رغم انك مرتاح ماديا
وتبنو مستقبل مليح المراة العاملة احسن
وفي رايي العاملة خير على خاطر مصاريف الحياة
صارت غالية وقدما توفر مال مليح

انا عندي حاجة وحدة مدام كاين رب عمري منقول منقدرش بصح مفهمت والو
ربي يرزقني بنت الحلال الي تكون امراة ونزيدلها نص و25
شكرا لك

 

[sam11]

الرزق على ربي اذا انت تشوف بلي قاعدة في الدار احسن خلاص توكل على ربي

ومن ناحية اخرى اذا ظروفك ما تساعدكش تزوج وحدة خدامة او ممكن اذا تقلى وحدة تخدم

وتتفاهمو تبقى تخدم مدة معينة تعاونك حتى تهز روحك شوية ومن بعد تبطل وتتهلى فيك وفي الدار والاولاد

ربي يوفقك

 

[عبد الجبار الجزائري]

دير عليا تزوج بوحدة متخدمش ماكثة بالبيت و ربي يرزقك حلال باش توكلهم و الله يسهل

ربي يسهل لكل واحد ان شاء الله شكرا لك

السلام عليكم من وجهة نظري انا المراة الماكثة بالبيت احسن

شكرا لك ربما هي الاحسن

توكل على الله يا أخي ... واتق الله يرزقك من حيث لا تحتسب ..
كما اضيفك شيئا آخر ... ان الرجل لا يحتاج لمال المرأة كي يوفر حاجيات الاسرة .. ( راي شخصي )
وهذا بغض النظر عن المهنة التي تمتهنا هذه المرأة ..
تحياتي اخي الكريم وربي يفتح عليك

مال المراة اخي هو ملك لها وهو مستقل عن مال الرجل ولا يمكنه التصرف به الا برضاها
وقد صدقة فمن يتق الله يرزقه من حيث لا يحتسب بارك الله فيك

الرزق على ربي اذا انت تشوف بلي قاعدة في الدار احسن خلاص توكل على ربي

ومن ناحية اخرى اذا ظروفك ما تساعدكش تزوج وحدة خدامة او ممكن اذا تقلى وحدة تخدم

وتتفاهمو تبقى تخدم مدة معينة تعاونك حتى تهز روحك شوية ومن بعد تبطل وتتهلى فيك وفي الدار والاولاد

ربي يوفقك

شكرا لك كل شيء بالاتفاق وبارك الله فيك على رايك

 

[بنت قسنطينة]

اذا حبيت تريح نفسيا
ربة بيت
حبيت تريح ماديا
خدامة
و قبل كل هادي الهدرة ..''القناعة'' لازمك
و ربي يكون في العون

هذا هو الصح ​

 

[nermine1987]

واش نقولك يا اخي الرسول عليه الصلاة و السلام قال فإضفر بذات الدين تربت يداك.
وعليه سواء عاملة او لا ، ففي كلتا الحالتين انت من الفائزين الا انني احبذ المرأة العاملة خاصة في ظل الحياة الصعبة التي نعيشها الآن .و الله اعلم

 

[الخيزران]

واش فريتها ولا مازال ؟؟؟؟