اختي و انا

  • كاتب الموضوع كاتب الموضوع nour mary
  • تاريخ النشر تاريخ النشر

nour mary

:: عضو مُتميز ::
أحباب اللمة
السلام عليكم
واشراكم يا الخاوة مع رمضان والسخانة
حنا اليوم تومبيراتير 44 من لكليماتيزار ما نخرجوش :scared:
ليوم راح نحكيلكم على اختي انا وهي توام ملي كنا صغار وحنا معا بعضانا في الدار في الطريق في الليسي في كلاصة واحدا و زيد طابلة واحدا شفتو هاداك الحب ههههه
كلشي مع بعضانا حتى من المسان عندها لكود نتاعي الفايس بوك فتحت واحد جامي دخلتلو تدخلو هي في بلاصتي
المهم نشفا كنا نقراو 3 في السيام كنا قاعدين و مباعد بدات تتضارب مع واحد يقرا معانا
بالهدرة برك ما فقتش بروحي ونضربو بكف :surrender: هههههههههه
مزيا لي حبسوه لولاد لي يقراو معانا وهو عاقل كون هاكاك راهو كاشما دارلي
وملي كنا صغار نضاربو يااااااااع
مرة نغلبها و 10 تغلبني نعود نبكي آآآآآآ او رانا مزلنا ساعة على ساعة نحبو نتفكرو هادوك ليامات:heh:
مي والله في وقت الشدة ديما نلقاها :tears:
ابا بابابا كتبت ياسر كي يقولونا اكتبو تعبير نكتب ربع واش كتبت هنا :u_pc:
ايا دمتم وصحا فطوركم وصحوركم
 
ربي يخليكم لبعضاكم قليل وين نلقاو خاوة كيما هاكا !
مليحة و الله //

خايف لا تكون هي اللي كتبت هاذا الموضوع في بلاصتك ...
شكرا كثيرا

و صحا رمضانك .
 
ههههههههههه
هيا بديت نتخيل كان جا عندي توأم وش نديرلو ... هههههههه
100 % منتفاهمو في والو
يا هو مجرم يا قاتلو ... ههههههه
مجرد تفكير برك ...
بصح عنكدم معيشة مليحة تعجبني كي تعود فيها هك الكومبات و المعارك
ربي يخليكم لبعضاكم ان شاء الله
 
هههههه .. مالا راكي تتنرفزي ليهليه ختي ؟؟
حكاية مليحة
ربي يخليكم لبعضاكم نشالله
سالي على اختك ..
سلااااام
 
ربي يحفظكم ويخليلكم لباباكم وماماكم وبعضاكم،،

والله غير مليحة ، انا ديما نتخيل في روحي عندي اخت توأم حقيقي ، عمبالكم علاه، بش مانعودش نروح لليكول وتروح هي في بلاصتي ،، امنية ماعنها حتى معنى




صح فطورك وفطور اختك ، سلميلي عليها ، راني نموت على التوام ، عندي صحاباتي انتيمات توأم ، كي كنتي تحكي ضرك ، تفكرتهم ، بصح هوما ساعة على ساعة يرجعو على بعضاهم ونولو حنا اللي نفكو ،،




ايا ، ردي انا اكثر من تعبير كتابي




سلام عليكم​
 
وااااااااااااااااو
نموت انا على التوام
انا عندي اختي اكبر مني مي لي يشوفنا يحطنا توام وتوجور مع بعض
ربي يخليكم لبعضاكم ان شاء الله
 
راني نتخيل فيكم توام مايتفرقش بيناتكم:yahoo:
ربي يخليكم لبعضاكم
 
ربي يخليكم لبعضكم
 
ربي يخليكم لبعضاكم قليل وين نلقاو خاوة كيما هاكا !
مليحة و الله //

خايف لا تكون هي اللي كتبت هاذا الموضوع في بلاصتك ...
شكرا كثيرا

و صحا رمضانك .

شكرا لاعتماد الموضوع
آمين خويا
من قبيل وانا نقولها روحي شوفي الموضوع قبلوه ولا لالا
ما علابالهاش واشي هو
يسلمك ونتا زادا
 
ههههههههههه

هيا بديت نتخيل كان جا عندي توأم وش نديرلو ... هههههههه
100 % منتفاهمو في والو
يا هو مجرم يا قاتلو ... ههههههه
مجرد تفكير برك ...
بصح عنكدم معيشة مليحة تعجبني كي تعود فيها هك الكومبات و المعارك

ربي يخليكم لبعضاكم ان شاء الله

هههههههههه
فكرتني عندي واحد الفوتو انا نبكي وهي تضحك ضحكة الاشرار هاهاها
شكرا ليك نورت موضوعي
 
هههههه .. مالا راكي تتنرفزي ليهليه ختي ؟؟
حكاية مليحة
ربي يخليكم لبعضاكم نشالله
سالي على اختك ..
سلااااام

هههههههههه لالا انا لعاقلة
آمين اختي
يبلغ صحا فطورك
 
ههههه دبرتيها
عندك اختك كبيرة وتفهمك
انا خواتاتي صغااار
ربي يكمل اختي ومكانش كيف خواتات متفاهمين كي تكبرو تتوشحو اليامات هادي
 
ربي يحفظكم ويخليلكم لباباكم وماماكم وبعضاكم،،

آمين اختي
والله غير مليحة ، انا ديما نتخيل في روحي عندي اخت توأم حقيقي ، عمبالكم علاه، بش مانعودش نروح لليكول وتروح هي في بلاصتي ،، امنية ماعنها حتى معنى
هههههههه كاين ناس يديرو هاكا صح




صح فطورك وفطور اختك ، سلميلي عليها ، راني نموت على التوام ، عندي صحاباتي انتيمات توأم ، كي كنتي تحكي ضرك ، تفكرتهم ، بصح هوما ساعة على ساعة يرجعو على بعضاهم ونولو حنا اللي نفكو ،،
ههههههههههههه
يسلمك ونتي زادا




ايا ، ردي انا اكثر من تعبير كتابي
هههههههههه





سلام عليكم​
وعليكم السلام
شكرا ليك نورتي صفحتي
 
:yahoo::yahoo:فور كي تكون عندك توامتك تحشيها نرمال للناس مايعرفوش يفرقو بيناتكم:tongue_3: :sheer:

لالا منشبهوش لباعضانا
الناس كامل يقولونا ماكمش خواتات:surrender:
 
وااااااااااااااااو

نموت انا على التوام
مليح
انا عندي اختي اكبر مني مي لي يشوفنا يحطنا توام وتوجور مع بعض
ربي يخليكم لبعضاكم ان شاء الله
ويخليك نتي لاختك
شكرا اختي زنوبة
وصحا فطورك
 
راني نتخيل فيكم توام مايتفرقش بيناتكم:yahoo:
ربي يخليكم لبعضاكم


لالال رانا منشبهوش لبعضانا خلاص كل واحدا في جيهة
آمين شكرا ليك
وصحا فطورك
 
ههههه دبرتيها
عندك اختك كبيرة وتفهمك هههههه ايه صح
انا خواتاتي صغااار ماعليش علابالك انا منحملهمش لولاد الصغار قباح و واعرين هههههههه
ربي يكمل اختي ومكانش كيف خواتات متفاهمين كي تكبرو تتوشحو اليامات هادي

شكرا ليك اختي يسرى
نورتيني
صحا فطورك
 
ربي يحفظكم
لوكان جات عندي اختي توأم ديالي راهي ناضت الحرب العالمية الرابعة
صح رمضانك و صح فطورك
 
ربي يخليكم لبعضاكم
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom