أخ وصديق أعطيته كل أسراري.... ففعل فعلته ... أدخلو تفهمو

ر

رفيق الخير

:: عضو متألق ::
أوفياء اللمة
إخواني السلام عليكم وصحا رمضانكم

كيفكم...؟؟؟ لباس ...المهم الحمد لله

الحقيقة أنا تردت بزاف قبل الكتابة لأني أصلا علبالي بلي نعيشو في عصر الخيانة ... كنت مانحبش نكتب عليها

لكن والله العظيم بزاف طفح الكيل ويلغ السيل الزبى ....

المهم بلا مانطول نقلكم على حكايتي مع صاحبي ومع الـــ..... حسبتها حبيبتي ... هدا الصديق والأخ وعلبالي راح يمر من هنا ويقرا ولكن مراحش يرد... إستغل ثقتي المفرطة فيه وكل أسراري وبدا يظرب تحت الحزام

من الأول شكيت وقلت لالا مستحيل .... لكن إحترت بعد مابدات حبيبتي زعمة..... تخرف وتقول هدرات علبالي خطيوها وقالت نت تحب وحدة خرى وكدا وكدا .... صح تعاملت مع بنات كأخوات وفقط وفهمتها مليح في لحكاية من الأول

لكن هذا الصديق زادلها شوي نكهة وعرف كيف يدور حبيبتي عليا لكن والله العظيم ماحرتش في صاحبي كيم حرت فيها هي

كيف تصدقه وتكذبني أنا ههههه يااااااااه على الزمن

أنا هنا حاب نشكرو ونقلو ... شكرا على كل شيىء شكرا لأنك فتحت عيون حبيبتي على الحقيقة الكاذبة

وشكرا فلولاك لم علمت بأن حبيبتي لا تثق في....

وحاب نقلها هي أنا عمري ماخنتك .... لكن راك مسامحة عيشي حياتك كيم تحبي

ووعد سأغلق قلبي ... ولن تفتحه أنثى بعدك

حقا صدق من قال إن أنت بحت بأسرارك للرياح فلا تلمها ... إدا وزعتها على الأشجار

ألف شكر على حسن المتابعة ... وربي يصبرنا...سلام​

أخوكم حليم abd40w يحييكم
 
إن أنت بحت بأسرارك للرياح فلا تلمها ... إدا وزعتها على الأشجار

مجربتها خيو،،

ماعليش ربي كريم،
للي وصلك راح يوصل،
 
مي كيفاش صدقاتو حبيبتك؟؟؟ايذا هو صح صاحبك كيفاش حبيتها ما تأمنوش؟؟؟والشيطان فعل فعلته....لو كنت.....معليش لا أظنها سترتاح والله ستدفع الثمن عاجلا....لأنها ضيعت مثلك.....والله متأكدة أنها تندب حظها لأنها فرقت عشرة سنين بينك وبين صديقك الأخ....
 
كاينا 1000/100 وش تحب الدير الدنيا دوارة وكيلو ربي
 
راني حاسة بيك خويا...و كيما يقولو خيرها في غيرها
عندك برك تعاود نفس الغلطة اسرارك خليهم ليك خير​
 
اذا ضاق صدرك بسرك ,فكيف يتسع لصدر غيرك؟؟؟؟؟؟؟؟؟؟؟؟؟؟؟؟؟؟؟؟
 
لي درباتو يدوا ما بكاتو .........
كنت تاستيه قبل ماتحكيلو
ربي يعوض عليك
 
حقا صدق من قال إن أنت بحت بأسرارك للرياح فلا تلمها ... إدا وزعتها على الأشجار
إضغط للتوسيع...


عبدو للأسف أنت هنا تعرف وش هو البيت القصيد
تعرف أنو في هاذ الوقت ماكاش بئر لأسراركـ غير قلبكـ
وأظن أشياء مثل هاذه أقصد علاقات شخصية وشيئ من هاذ القبيل
أحسن شيئ تكون طي الكتمان ليس الكتمان يعني أنكـ تخبي ع أقرب صديق لكـ
لكن في حدود
بالله عليكـ أي شرع يخلي حبيبتكـ هذه تحكي لصديق أو حتى أنها تقعد معاه ؟؟؟؟
كاين مثل يقول تنتهي حرية الفرد عندما تبدأ حرية الآخرين
/
\
صدقني في مواقف لازم يكون الإنسان صارم وعامل لنفسه مكانة مايتعداهاش حتى أقرب الأقربين
والغلطة الأولى والأخيرة منكـ أنت
لأنكـ كنت تمشي بنيتكـ وماشي عارف بلي المية تجري من تحت رجليكـ >>> كيما يقولو لمصاروة

/
\
باش مانطولش عليك
لكل جواد كبوة وأنت هاذ الموقف راح يعلمكـ تكون حريص في المرات القادمة
وإذا هاد الإنسانة تحبكـ صح وماتقدرش تفرط فيكـ أكيد راح تتداركـ الخطآ ديالها

نختم كلامي بنصيحة تقول :
اتق شر من احسنت إليه
 
قال هــيلدا:
إن أنت بحت بأسرارك للرياح فلا تلمها ... إدا وزعتها على الأشجار

مجربتها خيو،،

ماعليش ربي كريم،
للي وصلك راح يوصل،
إضغط للتوسيع...

مشكورة هيلدا واش مزالك مع التحواس ههه

نورمال عندي شعار يقول

نحن أكبر أجمل أشد وأعظم هوم الخاسرين ماشي حنا

سلام​
 
قال هيام m:
راني حاسة بيك خويا...و كيما يقولو خيرها في غيرها


عندك برك تعاود نفس الغلطة اسرارك خليهم ليك خير​
إضغط للتوسيع...

الي التكوى من الجرح مرتين مجنون غير كونك هانية

والمشكلة أكبر المجانين أنا ههه

لالا والله ..راح نضرب حسباتي منا للفوق

سلام​
 
ايه واش تحب دنيااااااا دوارة ويجي نهاروووووو
ولكن في هدا الوقت مكا لمان وخلاصتا في اسرار
بئر اسرارك هو انت
تقبل مروري
​
 
صعب عليك ان تجد خيانة من اعز صديق لك لكن لا يوجد شئ يستهال تزعف عليه بالعكس هكدا اكتشفت حقيقة صديقك والبنت لو تحبك صح راح ترجع.
لأن الصداقة واجبات وإلتزامات ؛ فإن هناك الكثيرين يفضلون الهرب منها أو تجنبها ؛ لأنه لا يقدر ثمن الصداقة خاصة بعد أن ارتفع سعرها في ( بورصة ) هذا الزمن الغريب
اتمنى لك التوفيق في حياتك​
 
لقد قلتها أخي حليم
نحن في عصر الخيانة
و الواحد يطفيه أن يعيش مطمئن البال و أن لا يكون منهم
أعانك الله و احمد الله لكل شيء
​
 
قال فاطمة الزهراء05:
اذا ضاق صدرك بسرك ,فكيف يتسع لصدر غيرك؟؟؟؟؟؟؟؟؟؟؟؟؟؟؟؟؟؟؟؟
إضغط للتوسيع...
لالا لم يضق لكن ...؟؟ المهم الحمد لله لم ....مداش بزاف لأني بحر من أسرار..

شكرا​
 
قال bida27:
لي درباتو يدوا ما بكاتو .........
كنت تاستيه قبل ماتحكيلو
ربي يعوض عليك
إضغط للتوسيع...


تاستيتو مي الله غالب ... العبد .... واش نقلك ربي يسامحني وخلاص​
 
لاحول ولا قوة الا بالله العلي العظيم
فعلا ياحليم خويا الوقت هاذا ماتقدرش تدير ثقة في ناس 100 في المية
الناس اشكال والوان وكل واحد وكيفاه داير وماتقدرش تعرف الواحد معرفة كاملة .......
واش تحب نقولو الله يهدي كل واحد
ربي يسهلك خويا ويوفقك
ان الله يمهل ولا يهمل
الحقيقة تبان تبان تطول ولا تقصر
وربي يجيب الخير برك
 
وكل عليه ربي وخليه انا في رايي راهو غاير منك سي نو واش مصلحتو يدير لصاحبو كيما خوه هكا؟؟؟؟؟؟
 
هذه هي الدنيا تضعك في مواقف وتجد ومن لك ومن عليك
لا تحزن ولا تاسف عن شيء على العكس فانت الفائز بالنهاية لانك ادركت الخيانة من صديقك وهي لو كانت تحبك ماكانت لتصغي اليه لكن للاسف لاحياة لمن تنادي لكن تاكد من شيء واحد ان الله يمهل ولا يهمل وكما تدين تدان سواء هي او هو
المهم حاول فقط ان تحمد الله وان تقف من جديد وتستمر الى الامام لان الحياة لا تتوقف هنا بل الان فقط بدات
بالتوفيق
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom