تخدام تاعنا كي كن صغار..هههه

[hadjer92]

السلام عليكم ورحمة الله وبركاته ...
اليوم حبيت نخرجو شويا على الروتين لي رانا فيه ..:fish:
نهار كامل وحنا غير نحكيو على ماشاكلنا وهمومنا .......:heh:
مالا خلينا شوية نحكيو ونضحكو على الطوايش تاهنا كي كنا صغار...
نبدا انا ..انايا ابي تاجر -شيكولا وحلوة وفريدون وهولييوود...-
تعرفو الشيكولا kinder surprise
موالف كي تتكسرلو حبات يجيبنا ناكلوهم..
وحد النهار وش درنا حنا ؟؟
خليناه ماخرج ورحنا سوطينالو فوق كارطونة كاملة تع kinder surprise:scared:...ههههههه مسكين عيا يسقسي شكون كسرو قلنالو :music_whistling:خاطينا او كان هكا كي جبتو بعد ..ههههه
كليناه كامل ...:yahoo:
تاني كنا كي نعودو وحدنا فالدار -انا و اخوتي- نهزو تيليفون ونفورميو نوامر من راستا ونشيخو ..هههه عيب علينا !!
وحد النهار عيطت انا هزت عليا عجوزة قلتلها الو ؟ -الو ؟ لا فامي بن طكطكطكطكطكطكطكطوكة ؟؟ ههههههه
قاتلي كيما خلاك ربي نتي طكطكطوكة ..هههههه
الله يغفرنا ...
كنا كي نهبطو عند جدتي نطلو من البالكون ونرميو علا الناس التراب من لي بلونت الي فالبالكون ..الحجر..نصبو عليهم الما ...ههههه
وكي يطلعو راسهم يخزرو فينا حنا نشوفو مع الطاج الاخير من الباطيما اللي مقابلة ونقولو "اييييييوو ؟؟ نتوما ترميو وحنا نحصلو :surrender:؟؟ ماتحشموشا ؟؟؟ " ههههه ههههههه


ونتوما وش كنتو مدايرين ؟؟
سلاااام​

 

[معاك يا الخضراء]

هههههههههه ما فقتش لعفسة الكيندر كان راني كنت من عندكم ما نخرجش :glare::glare::glare::music_whistling::music_whistling:
البالكو نتي فيك الرحمة تصبي الما انا كنت ندير حاجة اخرى :yahoo::yahoo:
اللهم اني صائمة ما نقلكش​

 

[hadjer92]

هههههههههه ما فقتش لعفسة الكيندر كان راني كنت من عندكم ما نخرجش :glare::glare::glare::music_whistling::music_whistling:

البالكو نتي فيك الرحمة تصبي الما انا كنت ندير حاجة اخرى :yahoo::yahoo:

اللهم اني صائمة ما نقلكش​

ههههه اني كنت نديرها انا تاني حشمت نهدرها برك سع يصرا ما صرا للنكتة هاديك ..ههههههه

 

[NaDiA.]

تاني كنا كي نعودو وحدنا فالدار -انا و اخوتي- نهزو تيليفون ونفورميو نوامر من راستا ونشيخو ..هههه عيب علينا !!
وحد النهار عيطت انا هزت عليا عجوزة قلتلها الو ؟ -الو ؟ لا فامي بن طكطكطكطكطكطكطكطوكة ؟؟ ههههههه
قاتلي كيما خلاك ربي نتي طكطكطوكة ..هههههه
الله يغفرنا ...

​

والله غير نود فامي يطرطق ههههههههههههههههههههه

​

 

[ايمان العلمية]

هههههههههههههه مبعد نتفكر ونقولك واش كنت ندير الله غالب اليوم رمضان غالبني مقدرتش نتفكر

 

[hadjer92]

والله غير نود فامي يطرطق ههههههههههههههههههههه​

ههههههههههههههههههههههه.....:wink:

 

[hadjer92]

هههههههههههههه مبعد نتفكر ونقولك واش كنت ندير الله غالب اليوم رمضان غالبني مقدرتش نتفكر

نستناك !!!!!

 

[ماكانش]

هههههههههههههههه
اسكتي ماتفكرينيش بليمات
الدموع راح يطيحو ........​

 

[احلام ضائعة]

خليني نحكيلكم قصتي انا كي كنت في لاالمدرسة مرة قالنا الاستاذ جيبو جافيل باه نغسلو الطوابل كي العادة رحت لماما وقتلها قالنا استاذ هكا قاتلي كاينة سيروفي الثلاجة روحي فرغيها واغسليها هيا رحت ااااااااه قلت خسارة نص قرعة نفرغها ماعليا غير ندوق شوية دقة زدت شوية اااااااااااه عجبتني كملتها قع .
مبعدرحت ليكول عندنا بلاصة هي دايما نريحو فيها قعدت جا الوقت قالولي لبنات هيا قتلهم روحو درك نجي من ثمة طريق الحمة للدزاير هههههههههههههههههههههههههههه
جاني راجل قالي يا بنتي نوضي ماعليا غير نوضت نبكي على ماطرالي
ههههههههههههههههههههه

 

[الجمرة الخبيثة]

ههههههههه
انا قبحة اكثر منك هههههه
انا من كنت صغيرة نروحوا للتراويح ونصمطوا نضحكوا ضحك مش تاع رحمت ربي خلالص
ايا وحد نهار رحنا للتراويح مخلوناش ندخلوا قالونا راكم تصمطوا ياسر
انتم متخلوناش ندخلوا صاحة
ايا خليناهم نبداو الصلاة رحنا سرقنالهم صبابيطهم "حشاك"مخليناش سوندال ولا سابو ولا كلاكيت
قع خملناهم وديناهم بعيد ولحناهم
وكي خرجوا نشوفوا في دوك نسا غير تحس على صبابيطها هههههههه
عارفتهم دعاو علينا دعوة شينة
ربي يغفرلنا برك
​

 

[NaDiA.]

هههههههههههههههه
اسكتي ماتفكرينيش بليمات
الدموع راح يطيحو ........​

هاو ليك مشوار من خيتك

امسح دموعك و دعيلي ههههههه
​

 

[dana1993]

هههههه الله غالب ميموار فولاتيل منتفكرش بزاف طوايش تاع الصغر سيرتو مع الصيام كي نتفكر نولي

 

[adraa]

ياا كدااااااااااااااااااابة ههههههههههههه

موضوووع تااااااااااااااااافه و مكرر و بااااشع يع يع يع يع يع

سالي على الوالدين الكريمين و قوليهم قاتلكم عدراء صاار هاكدا ما صدقتوو خرجت من الداااااااااار

ماا تعيطو ما تسقسوو عيلياااا

يااا ابب

 

[BOUSS]

ياختي راكي كارثة في الدار مسكين باباك وللقا راس المال قاع لباس
الفايدة راكي هرستيها هههههبصح ما نديروش غليك الضغر انا كنت
نشفا وين كان الصرف فدار نقوم بيه وين راك يامول الحانوت
ولا كنت نخلي بابا يرقد نسرقلو الدراجة ايه خلي خلي شكرا علي الذكريات

 

[حسان2010]

راني صايم راس حابس احمدي ربي فهمتلك الموضوع
نشبع كرشي ونولي

 

[hadjer92]

ههههههههه

انا قبحة اكثر منك هههههه
انا من كنت صغيرة نروحوا للتراويح ونصمطوا نضحكوا ضحك مش تاع رحمت ربي خلالص
ايا وحد نهار رحنا للتراويح مخلوناش ندخلوا قالونا راكم تصمطوا ياسر
انتم متخلوناش ندخلوا صاحة
ايا خليناهم نبداو الصلاة رحنا سرقنالهم صبابيطهم "حشاك"مخليناش سوندال ولا سابو ولا كلاكيت
قع خملناهم وديناهم بعيد ولحناهم
وكي خرجوا نشوفوا في دوك نسا غير تحس على صبابيطها هههههههه
عارفتهم دعاو علينا دعوة شينة
ربي يغفرلنا برك ​

ههههههه هادي فوووور ..هههه
عليها راكي مسمية روحك جمرة خبيثة !!!!
هههههههه

 

[hadjer92]

ياا كدااااااااااااااااااابة ههههههههههههه

موضوووع تااااااااااااااااافه و مكرر و بااااشع يع يع يع يع يع

سالي على الوالدين الكريمين و قوليهم قاتلكم عدراء صاار هاكدا ما صدقتوو خرجت من الداااااااااار

ماا تعيطو ما تسقسوو عيلياااا

يااا ابب

اسكتي اسكتي ..كون ميش نتي لي كنتي من الاعضاء نقولو بالاك..
ونزيدلك حاجة .. راكي مليحة لتما .. والله مايعرفك واحد!!

 

[hadjer92]

راني صايم راس حابس احمدي ربي فهمتلك الموضوع
نشبع كرشي ونولي

خلاص ورا الفطور اني نشوف ..هوكي ؟؟

 

[hadjer92]

ياختي راكي كارثة في الدار مسكين باباك وللقا راس المال قاع لباس
الفايدة راكي هرستيها هههههبصح ما نديروش غليك الضغر انا كنت
نشفا وين كان الصرف فدار نقوم بيه وين راك يامول الحانوت
ولا كنت نخلي بابا يرقد نسرقلو الدراجة ايه خلي خلي شكرا علي الذكريات

هههههه الصرف انا لدركا منين نلقاه من 50دج و هبط.. اللي يجيو في ططريقي كامل الله يربح !!

 

[hadjer92]

هههههههههههههههه​

اسكتي ماتفكرينيش بليمات ​

الدموع راح يطيحو ........​

ههههه .. يامات الوالكمان مربوط فالسروال ..ههههههه