الأمانة ........... خليناها عندك ....... خليناه عندك

[EL General]

السلام عليكم و رحمة لله تعالى و بركاته

صح رمضانكم كامل
أهلا كلكم و بدون استثناء ...


ندخل لصلب الموضوع ديراكت :

نلقاو بزاف عائلات تخرج مثلا لبلاصة خاصة و تخلي بناتهم أو أولادهك عند جيرانهم و قادرين الجيران يعاملوا الأولاد بصفة ماهيش مليحة ، و زعما راهم لوخرين دارو الآمان فيهم

و مثلا واحد يسكن مع خوه في دار كبيرة وواحد متزوج و الآخر ماهوش متزوج
كي يخرج الزوج لبلاصة mission أو أي حاجة و يقول لأخوه راهي مرتي عندك أمانة و مانلقاش أمين قدك ،
راكم عارفين و حاشى
كاين اللي يخون الأمانة
و كاين لالا


فتحت الميضوع للنقاش ...
فأرجوا تفاعلكم .... شكرا
​

 

[محـ أمين مد]

يلا خان الامانة ها راك عارف ندفنوا نتما فالدار و يضلو كل جمعة يجو يزورو قبرو عندي

وشكراااا
​

 

[** غزال الصحراء **]

صح خويا , Grave العفسة هاذي ,, خاصة الجزء الثاني من الموضوع //
و ثاني نحير برك كي نشوف مرة متزوجة تروح تقرى في الجامعة و تخلي بنتها ( مولات 3 سنين و لا 4 ) عند جيرانها ,, خاصة قادر يعاملوها بصفة مش مليحة ,, و ما ننساوش باللي هاذا اللاج تاع تربية و تاع تفهام

خاصة إذا كانو عندهم ذراري نفس اللاج تاعها , حوايج صغار بزاف الأولياء ما يراعوهمش , و في لخير يخرجو بنتائج متفرحش
صحيت .

 

[kano88]

على بالك هادو الناس
يتفرجو بزاف في لي فيلم
يحسبو رواحكم في لوروب
عاجبتهم الحالة ثم ...
بالطبع يشوفوهم غير في لي فيلم ...​

 

[jaklove]

وش تهدروش تقول في هدا زمان لصاير المحال وراه ليحفظ الامانة في هدا وقت
وعدنا منعرفوش ربيو ولادنا لتنهيه قلك وش دبرك ان حر وش راني دير
تقول غير هو لماكل الكسرة معارف خليها لربي... وربي يستر
وصح فطوركم.
​

 

[ديهيا القالمية]

كون جينا نمشيو بتعاليم دينا رانا مانوصلوش لهنا رانا بعــــــــــــــاد عليه بـــــــــــزاف
اااااففففففففففففففف ​

 

[أماني2]

والله في هذا الوقت ماعدنا نأمنوا ولا نآمنو والو

الله يجيب الخير
وربي يهدينا كامل إن شاء الله​

 

[AHLEM1992]

في هادا الوقت الي وصلنالو واحد ما نقدرو نأمنوه على اي حاجة حتى و لو كان سر صغير فمابالك بواش انت ذكرت...
كل وحدة تحكم دارها و تربي ولادها خير ليها
بالنسبة للجزء الثاني من موضوعك ربي يهدينا لطريق الصواب
ضعف ايماننا و بعدنا على الدين هو الي رجعنا في هاد الحالة
..
شكرا على الموضوع​

 

[بودبوز]

مابقاش لمان في بلاد لمان
​

 

[إحسَانْ]

والله مااااااااافهمت غرام اخ خوه متزوج

نورمالمو ديرو في ا لفطار ميش ضرك
ههههههههههههه

 

[mimi.dz]

وصلنا الوقتـ معدناشـ نقدرو قيمة الامانة
وهذا الليـ خلا الثقة تنعدمـ
ربيـ يهديـ ما خلقـ
...... صحا فطوركـ
​

 

[الجمرة الخبيثة]

b1 sur
كااااااااااين الي يخووووووووون الامانة
قلك مدير لامان في بلاد لامان .....والا درت لامان تبات قاعد
قلال الي يصونها ويحافظ عليها يعني الا من رحم ربي
مي كاين مرات الي تسحق واحد يشدلك ولدك كما المرا الخدامة
مشكوووور ع الموضوع
​

 

[little princess]

ايوي صح كاين منها و تلقاهم كي ايخلو اولادهم عند الناس الشنافة اتيح قدرة على اولادهم

 

[EL General]

شكرا لكم جميعا على المرور
آراءكم تهمني
شكرا يا لعزاز ...
​