العلم الحديث والتقدم العصري نعمة او نقمة

[يسرى 2008]

السلام عليكم
رمضانكم مبروك
عابالي بيكم جيعانين الصبر برك
انا اليوم خممت في موضوع وفي فكرة
اكم تعرفو يسرى مليانة افكار هههه
المهم
قلت شوفو متلا وين كنا ووين وصلنا
نرجع للزمن قبل 50 سنة ولا اكثر
وقتها مكناش احنا ومكانش اختراع اسمو انترنيت حتى اللمة مكانش
كانو في حرب وفي ميزيرية
كانو كي يطيبو في الكانون مكانش غاز
مكانش فيرجيدار سامسونغ كاين فرجيدال قديم ومش الكل عندهم
مكانش الموضة وعرض الازياء كاين غير الملاوي
والمراءة كي تخرج مخطية خلاه
كاين وقتها رجال مش درك يتبعو الموضة والتبياش والتقرعيج
مكانش جال مكانش مكياج بزاف غير اصحاب المال
نروحو نشوفو متلا الميكرو
مكانش ميكروات في الدار الطفلة متوصلش للطفل وهو تاني
الطفلة في قدرها والطفل في قدرو
تلقاها هيا اي تطيب وتغسل وهو او يخدم مع باباه كي يتزوجو ماليهم يقررو وخلاه مكانش تشراط
درك يقراو وفي النيت يتقابلو وووو اكم عابالكم
نزيدو نشوفو التيلي مكانش تيليات وحلان العينين
مكانش نور ومهند ومشاعري ووو
عاديكا بناتنا تعلمو المشاعر والاحاسيس
بكري تقول هكا تموت ويدفنوك بعد
نروحو نشوفو العلم
كاين العلم مي قليل والطفلة متكملش قرايتها والطفل الي عندو الزهر برك يكمل
البوووووووووورتابل
ودجيزي ونجمة مكاااانش
الازمة هادي تاع الهدرة في الليل
نورمالمو النيت والتيلي والبورتابل
معمولين للافادة في حوايج ملاح
بصح احنا تحلبنالو بالغالط
وش نقولو العلم والتقدم نعمة او نقمة
درك الطفلة ولات تتفلسف زعما قارية وتحطم الرجل
هدا كلو من العلم
انا اني مع العلم باسكو ربي قالنا واطلبو العلم
بصح اني كونتر نتحلبو الى العلم بالغالط
وشكراتذ وشرايكم انتم
​

 

[** غزال الصحراء **]

و الله صح , تحلبنا بطريقة غالطة //
العلم إستعملناه غير في السلبيات

موضوع مهم , يستاهل تقيــم
شكرا .

 

[** غزال الصحراء **]

و الله صح , تحلبنا بطريقة غالطة //
العلم إستعملناه غير في السلبيات

موضوع مهم , يستاهل تقيــم
شكرا .

 

[الجمرة الخبيثة]

وع ليكم السلام
كلامك صح ختي .........
كما قلتي تحلبنالوا بالغلط مي هدي هي الدنيا جيل يروح وجيل يجي
وزيدي ختي غير نتي وش درتي في روحك مكاش منها الي يقولك لبورتابل ونت وtv مش ملاح
كلش فيه سلبيات وايجابيات غير نتي وين وجهتي روحك
انا نشوف بلي العلم نعمة ماهوش نقمة
شكرا ع الموضوع ختي
​

 

[صمت الذكريات]

نعيب زماننا و العيب فينا
و مالي زماننا عيب سوانا

 

[سمكة البحر]

ولله العلم نعمة وحنا خليناه نقمة

 

[EL General]

السوجي تاعك عجبني يسرى
صحيح العلم ينفع و يضر .
​

 

[يسرى 2008]

ميرسي ليكم
انا نشوف العلم نعمة مي احنا الي خليناه نقمة صح

 

[وطني]

العلم قادر يكون نقمة باريكسمبل القنبلة النووية .....و لكن انما يخشى الله عباده العلماء...حاب يقول نعمة في يد لي يعرفو وين يستعملوه