ربي يهديه

[nour mary]

السلام عليكم
جمعة مباركة
وشراكم لاباس شويا ولا ياسر

اليوم جيت نحكي على واحد يكونلي
امو حابت تزوجو عمرو 30 سنة الله يبارك
قالها شوفيلي نتي عروسة بدات تحوس لي تقولو عليها
يقولها لالا هادي سمرة وهادي شعرها مكشرد ولوخرا بييضا ياسر:busted_red:
كرهت مسكينة وهو ماحبش يجيب من عندو
واش حابة نقول وعلاش يتشرط ماكانش طفلة كاملة المواصفات
واهم حاجة هي انها تكون متربية

ونتوما واش رايكم في هاد العقلية

صحا فطوركم وصحوركم

وادا عجبكم الموضوع ولا ماعجبكمش ديرولي تقييم
مانغيضكمش انا ؟؟؟؟؟؟؟؟؟؟؟؟:tears:​

 

[هــــيلدا]

مكانش مرا مثالية ولا راجل مثالي في وقتنا هذا،،

وكل واحد يرزقو ربي بقد نيتو،
الطيبات للطيبين والخبيثات للخبيثون،،

مالا مكان لاه الواحد يشرط بزااف/
​

 

[nour mary]

يعطيك الصحة اختي هيلدا هادا هو الكلام الزين
شكرا لاعتماده

 

[جزائرية للابد18]

اذا كانت المراة الي تخيرهالوا ماشي مليحة الدعوة عليه لاه شكون هو توم كروز ههههههههه
الجمال الداخلي لا يغرك الزين

 

[يسرى 2008]

اسكتي اسكتي اختي ههه فكرتيني
بالجرح تيعي هههه اني نتعدب عابالك
وليت مشوكيا من امر الخطبة والزواج
اكي عابالك حكايتي مع الجادارمي
والبارح حكاية جديدة مي جدية باسكو من لافامي متفكرينيش اني في ازمة او جارنا الطفل وكبير عليا ودرك يحرزني على الطالعة والنازلة

 

[adnandz]

هذا عنده عينين واعرين غادي يقفل 50 ما يتزوجش هههههههه نزعق ما تزعفيش
مي الحمد لله كاين بنات الحلال الشابات والمتربيات قوليلي يزيد يحوس

 

[وزير الحب]

ماكاين والو هادا كاش ماعندو وحدة في راصوووووووووووو

 

[programmeur]

اللي بغاها gاع
خلاها gاع

 

[nour mary]

اذا كانت المراة الي تخيرهالوا ماشي مليحة الدعوة عليه لاه شكون هو توم كروز ههههههههه
الجمال الداخلي لا يغرك الزين

راكي تشوفي يا اختي راهو مهبلها مسكينة

اسكتي اسكتي اختي ههه فكرتيني
بالجرح تيعي هههه اني نتعدب عابالك
وليت مشوكيا من امر الخطبة والزواج
اكي عابالك حكايتي مع الجادارمي
والبارح حكاية جديدة مي جدية باسكو من لافامي متفكرينيش اني في ازمة او جارنا الطفل وكبير عليا ودرك يحرزني على الطالعة والنازلة

ااااو واش هادا
دورك ما يزيدوش يخلوك تخرجي ههههههههه
ربي يكون معاك

هذا عنده عينين واعرين غادي يقفل 50 ما يتزوجش هههههههه نزعق ما تزعفيش
مي الحمد لله كاين بنات الحلال الشابات والمتربيات قوليلي يزيد يحوس

راك تشوف يا خويا وراهو يحوس عليها صغيرة وقارية
واحد الشروط مدايرهم تحير


شكرا لمروركم مي درتولي تقييم ولا لالا ؟؟:surrender:

 

[nour mary]

ماكاين والو هادا كاش ماعندو وحدة في راصوووووووووووو

لالا باسكو قاتلو ادا عندك واحدا نروحو نخطبوها قالها لالا جيبيلي نتي

اللي بغاها gاع
خلاها gاع

ههههههههههه
شكرا لمروركم

 

[صاحب الظل الطويل]

♥ أكيد أن للتربية عامل كبير وهي الأساس
و مـــ ـــع ذلك لا ننكر أن الجـــ ـــــمال له دوره و الله جميل يحب الجمال
المهم أن تكون على قدر عالي من التربية ♥​

 

[Łøst Fłôwęr]

هههههههههه هذا يفصلولو وحدة و مانعرف اذا يقبل

ربي يهديه ​

 

[@احساس طفلة@]

أنا نحير واحد يدخل ويخرج ويشوف لبنات
ويقول ليماه تخطبلو ويولي يشرط عليها؟؟؟؟؟؟؟​

 

[Thayri]

هادا باين ماحبش فكرة الزواج

قعد يحوس على سبايب لي ماعندهاش لا ساس لاراس
صح كاين بزاف لي عندهم هاد العقلية
كاين واحد عندنا هاكدا يدير ثاني يقول لازم تكون بيضة شابة زرقاء العينين لا نحيفة ولا سمينة كي تسمعي تقولي بلي هادا مايكون غير طوم كروز ولا ديكبريو كي تشوفيه.....

على كل حال الكمال لله بصح علاه يشرط في حوايج كيما هادو

ربي يهدينا كامل
​

 

[DARINE05]

ايييييييييييييييه يشرط حتان يفوت التران تع الزواج كي يشيب او ياكل ولادو في كرشو
مرسي

 

[jaklove]

حسب ما نعرف انا انو المراة تخطب لحسبها ونسبها وجمالها وخلقها ودينها... واذا مكانش هادو فاظفر بذات الدين سلمت يداك. وربي طيحو ان شاء الله في بنت الحلال .
وصح فطوركم.
​

 

[nour mary]

♥ أكيد أن للتربية عامل كبير وهي الأساس ​

و مـــ ـــع ذلك لا ننكر أن الجـــ ـــــمال له دوره و الله جميل يحب الجمال

المهم أن تكون على قدر عالي من التربية ​

♥​

هادي حاجة باينة خويا
مي ماشي يشرط هاكا كتر عاى ما وصاوه
شكرا على المرور
صحا صحورك

 

[nour mary]

هههههههههه هذا يفصلولو وحدة و مانعرف اذا يقبل ​

ربي يهديه

راكي تشوفي يا اختي
آمين شكرا لمرورك وصحا صحورك

أنا نحير واحد يدخل ويخرج ويشوف لبنات

ويقول ليماه تخطبلو ويولي يشرط عليها؟؟؟؟؟؟؟​

نورمالمو راهو يعرف وكون يجيب من عندو تقولي يتهنن و يهني
شكرا لمرورك وصحا صحورك
​

 

[nour mary]

هادا باين ماحبش فكرة الزواج​

قعد يحوس على سبايب لي ماعندهاش لا ساس لاراس
ههههههههههه بالاك ماعلباليش
صح كاين بزاف لي عندهم هاد العقلية
كاين واحد عندنا هاكدا يدير ثاني يقول لازم تكون بيضة شابة زرقاء العينين لا نحيفة ولا سمينة كي تسمعي تقولي بلي هادا مايكون غير طوم كروز ولا ديكبريو كي تشوفيه.....​

على كل حال الكمال لله بصح علاه يشرط في حوايج كيما هادو​

ايه عندك الحق

ربي يهدينا كامل​

آمين اختي
وشكرا لمرورك العطر وصحا صحورك

 

[nour mary]

ايييييييييييييييه يشرط حتان يفوت التران تع الزواج كي يشيب او ياكل ولادو في كرشو
مرسي

ههههههههه ربي يهديه راكي تشوفي كيفاش عادو يتشرطو على كلش
شكرا لمرورك وصحا صحورك

حسب ما نعرف انا انو المراة تخطب لحسبها ونسبها وجمالها وخلقها ودينها... واذا مكانش هادو فاظفر بذات الدين سلمت يداك. وربي طيحو ان شاء الله في بنت الحلال .

وصح فطوركم.​

ونعم الكلام شكرا لمرورك وصحا صحورك