وش رايكم في زواج النيت

[ساجيدة]

السلام عليكم وصاحا فطورك
والله واش نقولك انا نعرف و حديت حبو بعض عن طريق النت
وتزوجو مي والله غير شهر ونفاصلو مالقاوش بعضياتهم كيما كانو على النت
وكل واحد وكيفاش

 

[عبقورة-alg]

هي نتاع الولايات البعاد شوية مجاياش
بصح نتاع نفس الولاية جابلي ربي نورمال
كيما الي راهم يتعرفو على التيليفون
يا ماحسنها النت
ويبقى كلشي بالمكتوب ومتوقف على الصدق ونية الانسان
اما على الاسئلة ومنين جات ومنين تعرفت
كل حاجة ليها حل في وجود الحب
​

 

[Soumia_Sétifienne]

pour moi c normaaaaaaaaaaaaal

 

[ريفال]

انا نعرف وحدة بنت الجيران تعرفت عل واحد من ايطاليا واصلو مصري وفي شهر جويلية تزوجت وراحت تسكن معاه في ايطاليا المشكل ماشى في النت ولا برا كي تولي كاتبة تتكتب في النت ولا في البرا المهم تتزوج

 

[يسرى 2008]

كل واحد كيفاه حياتو كلشي مكتوب

 

[adnandz]

هذا كامل مكتوب يا اختي الغالية

 

[يسرى 2008]

صح خويا مشكور

 

[nour mary]

انا مانامنش بهاد العلاقات نحسهم مزيفة
مي ادا كتب ربي فمبروك عليهم
شكرا على الموضوع يسرى حبوبة

 

[سلفي والحمد لله]

بارك الله فيكم على الطرح اختي
والحمد لله تزوج بيها هذا الاخ الجيجلي يعطيه الصحة وربي يحفظو
لاخاطرفيما اظن واعتقد انه في 100 واحد ووحدة تصلح لواحد ولا زوج برك منهم والباقي كامل تروح في البكى وهتك الاعراض والالتقاءات الغير مشروعة وقد تصل بهم الى امور كبيييييرة جدا جدا والله المستعان....
وكيما قلتي ختي واعرة بزاف كيفاش تقول لداركم وهي ثاني كيفاش تقول لدارهم
ذرك نحكيلك حكاية تاع صاحبي
في منتدى وحداخر ماوش هذا المهم هي كانت مشرفة وهو عضوالمهم كانت مراسلات بينهم راكي تعرفي ساعة على ساعة يكونو امور المهم
بعد مدة الاخت هاذي تعلقت بصاحبي هذا بزاف مسكينة ولات تحبو وهو اخ تاع صح نحسبه كذلك ولا نزكي على الله احدا ماوش تاع لعب
المهم صارحاتو بلي راهي باغية تزوج بيه وهو عادي يعني ماوش يحبها ولا متعلق بيها بزاف ولا حاجة المهم نورمال بصح لاخاطر هي باين عليها بنت فاميلا وناس ملاح
المهم انا حكيتلك لحكاية هاذي كامل لاخاطر راهم واقعين في مشكل وهو لي ذكرتيه لاخاطر هي من تبسة وهو من باتنة وكيما قالي حتى وان نويت نزوج بيها كيفاش راح نقول للدار عرفتها بالنت وهو باللحية متصلحش
المهم راهو حاصل
ربي يسرلو امورو ويسر امور جميع المؤمنين والمؤمنات وانا تبالي اذا يكون زواج كيما هاك مافيهش حتى عيب
ايه وثاني كاين واحد والله العظيم تبالي ليوم برك باباه عيط لباباها
سبحان الله
هي طالبة علم ماشاء الله الاخت هاذي مع شاف مشاركاتها عجباتو
ديراكت رسللها وهدر معاها في المفيد ماقالها موضوعك جميل ماقالها لا تحرمينا من جديدك ماوالو
المهم راكي تعرفي لحكايات هاذوك تاع التمسخير لي يبداو بيهم المراسلة مع الاول
المهم ماشاء الله وتبالي راح يمدولو والحمد لله
ايا خلاص راني طولت في الهدرة وربي يوفقنا لكل خير السلام عليكم​

 

[عبد الجبار الجزائري]

كلش بالمكتوب وكاينة قصة زواج حصلت في مدينتنا عن طريق النت وهي ناجحة بادن الله
وكما نقولو الصلاح ربي ونية بناء بيت زوجية هي الاساس

 

[NaDiA.]

كلشي قسمة و نصيب

ربي يهنيهم و يرزقهم بالذرية الصالحة

 

[vampire02]

اخت المغني james blunt تزوجت بعد ما كنت على علاقو مع احد الشبان عن طريق النات، وعرسها دار حالة في انجلترا​

 

[zahira92]

صراحة معرفتش واش نجاوبك لي عودة ان شاء الله
​

 

[imado]

ممكن جدا جدا

 

[imado]

ولم لا ممكن كل شيء بالمكتوب

اذا تعرف عليها مليح وكانت نيتهم صادقة وحبو بعضاهم ممكن جدا واذا كانت النية خبيثة وزواج نت فقط فلا يمكن ان يكون زواجا صالحا

 

[nassim007]

و الله كل شيئ بالمكتووووب وعلاه لالالا

كي تكوون نية صالحة
​

 

[meriem150491]

يا اختي هدي حاجة مكتوب مش يعني كي تكون النية صافية برك

 

[biya]

واش نقولك اختي الحنونة ،،، انا في رايي خااطي لعبة ، مالgري كل شي بالمكتوب

يبقى وااش قلتي هو ليسنسيال ، يعني متلا الطفلة كي يجوا يخطبوهاا يقولولها

زين تعرفي السيد هذا ، ولا فامي هاادي تقولهوم تلاقينا باار النت ،، حشومة قااع

وهي تانيك هكاا ، انا في رايي شوية ،،،، يعطيك الصحة ختي

 

[حورية الجزائر]

هي صح مجاياش

لكن تبقى الانترنت ما هي الا سبب برك


كما تكون وحدة حبيبتك ولا واحد من الاقارب سبب في زواجك الانترنت تاني



​

 

[أميرة المنتدى]

ممكن تصل علاقتهم لزواج
بصح مشكيتش تدوم بزاف