مليحتهم لقبيحهم ، وقبيحتهم لمليحهم ...

م

ماكانش

:: عضو بارز ::
أوفياء اللمة
السلام عليكم ورحمة الله وبركاته
واش راكم خاوتي لاباس بخير الحمد لله
مليحتهم لقبيحهم وقبيحتهم لمليحهم
هذا مثل يقولهولي بابا بزاف
وهو صح واقعي ومشاهد
يعني لمرا لمليحة تجي وتتزوج بالراجل ألي ماشي مليح، الراجل لقبيح ...
وهاذي معروفة وديما نشوفوها، تلقاها مسكينة عاقلة وبنت فاميليا وراجلها يالطيييف الشراب القباحة قلة التربية يضربها وووو راكم تعرفو....
والعكس الراجل لمليح يدي لمرا الجادور كيما نقولو ههههه لمرا القبيحة ...
ووالله هاذي ديما نشوفوها ونعيشوها ...
ساعات تلقى راجل يبان عليه ناس ملااح وتشوف مرتو يالطييييييييييييف ...
ونتوما واش تقولو توافقو هاذ المثل و لالا ...
-----------
ملاحظة:
قال تعالى:" الطيبون للطيبات ...."
محموة غما هذاك الي يبان مليح راهو ماشي مليح في الباطن
وغما ابتلاه ربي ولا ابتلاها ربي
كيما نوح عليه السلام ابتلاه ربي في زوجتو .......
وزوجة فرعون ابتلاها ربي في زوجها .....​
 
آخر تعديل:
يقولوا سعد الشينة في السما و سعد الزينة في لحما
شكرا على الموضوع صح فطورك
 
صح كاين منها هادي وين تروح تلقاها
كي يعود ناس ملاح تلقى مرتو جن احمر
وادا هي عاقلة ونية تلقى راجلها مداير رايو فيها
شكرا على الموضوع
 
قال الجريئة:
يقولوا سعد الشينة في السما و سعد الزينة في لحما
شكرا على الموضوع صح فطورك
إضغط للتوسيع...

يعطيك الصحة ختي ...
الله يسلمك
 
قال nour mary:
صح كاين منها هادي وين تروح تلقاها
كي يعود ناس ملاح تلقى مرتو جن احمر
وادا هي عاقلة ونية تلقى راجلها مداير رايو فيها
شكرا على الموضوع
إضغط للتوسيع...

يعطيك الصحة ختي
ايه هادي كاين بزااااااااف
 
و علاه خويا
كل واحد يدي ما كاتبلو ​
 
اييييييييييييه والله عندك الحق
اذا كانت لمرا مليحة يكون الراجل قبيح و اذا كان الراجل عاقل لمرا تكون قبيحة
وكاين بصح قليل جدا لي يكونو كيف بعضاهم
وكيما يقولو
بنت العز تروح للدز وبنت الدز تروح للعز
مرسيـــــــــــ على الموضوع الهايل ​
 
قال بلقيس رانا:
اييييييييييييه والله عندك الحق

اذا كانت لمرا مليحة يكون الراجل قبيح و اذا كان الراجل عاقل لمرا تكون قبيحة
وكاين بصح قليل جدا لي يكونو كيف بعضاهم
وكيما يقولو
بنت العز تروح للدز وبنت الدز تروح للعز

مرسيـــــــــــ على الموضوع الهايل ​
إضغط للتوسيع...
يعطيك الصحة ختي
والله عندك الحق
وربي يحفظك على المثل الهايل درك نحفظو هههههه
 
قال ماكانش:
يعطيك الصحة ختي
والله عندك الحق
وربي يحفظك على المثل الهايل درك نحفظو هههههه
إضغط للتوسيع...

بلامزية
هههههههههه اكتبو في كاش ورقة باه ماتنساهش
 
ههههههههههههههههه قتلتني بالضحك تاع جادور فركتني كانو يعيطولي هكاااااااااااااااااااااا صح كاينة منها المرا لمسقمة تدي راجل عوج ولعوج يدي مسقمة وهيا رايحة موضوع فورررررررررررررررررررررررررررررررررررر
 
قال nicha03:
ههههههههههههههههه قتلتني بالضحك تاع جادور فركتني كانو يعيطولي هكاااااااااااااااااااااا صح كاينة منها المرا لمسقمة تدي راجل عوج ولعوج يدي مسقمة وهيا رايحة موضوع فورررررررررررررررررررررررررررررررررررر
إضغط للتوسيع...

ههههههههههههههه
يالطييييييييييف ههههههههه
يعطيك الصحة نيشا ، وربي يعطيك الراجل لمليح ...​
 
قال تعالي :
الطيبون للطيبات والخبيتون للخبيتات
ماتحكمش علي المضاهر خويا شوف واش كاين في القلب
 
قال $ nasim $:
قال تعالي :
الطيبون للطيبات والخبيتون للخبيتات
ماتحكمش علي المضاهر خويا شوف واش كاين في القلب
إضغط للتوسيع...

يعطيك الصحة خويا لعزيز
بصح كاين البلاء ...
 
السلام عليكم
آواه ماتخلعش جدي
درك نولي قبيحة باش ندي واحد مليح هههههه
راني نقصر برك خويا ماكانش
والله غير رانا نصبروا فرواحنا بالآية الكريمة
الطيبون للطيبات والخبيثون للخبيثات
وربي يجيب الخير​
 
ايييييييييييييييي يا سفيان خويا كلشي با المكتوب
وزيد كل واحد وزهرو
 
هاجدك و كتاه نزوجوك نتهناو منك هههههه
يعطيك الصحة صح كاين وكاين بصح انا حسب منشوف غير لفرادي و يلقاو خواتها هههه
ربي يهنيك
 
قال the crazy asma:
السلام عليكم

آواه ماتخلعش جدي
درك نولي قبيحة باش ندي واحد مليح هههههه
راني نقصر برك خويا ماكانش
والله غير رانا نصبروا فرواحنا بالآية الكريمة
الطيبون للطيبات والخبيثون للخبيثات

وربي يجيب الخير​
إضغط للتوسيع...

وعليكم السلام هههههههههه
هدا هوا الحل هههه
ان شاء الله يجيك واحد كيفك
وقادر يبتاليك ربي
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom