والله جماعة الخير فينا المشكل..........

[يسرى 2008]

والله عندك حق ا محمد خويا
الناس الكل ولا قلبها معمر
وتلقاها يا على الحب ولا العشق ولا او راح عليها ولا مشاكل عائلية
هادي هي الحياة مي عنا بالزايد وكل شي كاين واحنا نشرطو
هادي هي غريزة الانسان في الدنيا
مهما جاه يحب الاحسن
وينسى بالي الدنيا شهوة لا اكثر
ربي يهدينا الكل
ولعلمك الكل تمر بيه اوقات صعبة ويكون مخنوق ويحب يفرغ قلبو وكاين الي يتبع نفسو ومشاكل الحياة وميفضش ويهبل
بصح احسن حاجة انو الانسان ميلتهاش للمشاكل باسكو المشاكل متفضش
المهم كلنا بخير وصحتنا لاباس وعائلتنا لاباس وعندنا وش نوكلو وفي نعمة
ايا الحمد لله باقي الكل ادا جاه العبد مشكلة يحمد ربي على كلش

 

[sandybelle]

الدولة بلا مشاكل ماهيش دولة :heh:

 

[N@riM@N]

صح والله لي تهدر معاه يقلك اخطيني راني مدمر لميزار مكحلتها في وجهي
حاله رانا فيها,,,ماارسي ع الموضوع​

 

[BARCA232]

الدولة بلا مشاكل ماهيش دولة :heh:

ماشي الدولة
البنادم ياصديقة نوااااااااااااال الغالية
​

 

[sandybelle]

ماشي الدولة
البنادم ياصديقة نوااااااااااااال الغالية​

الله يحفظك اخي مرسي
مي تعريف الدولة ...هي مجموعة من الافراد يسيرهم القانون

 

[aidouch]

الواحد يقول الحمد الله و خلاص​

 

[BARCA232]

الله يحفظك اخي مرسي
مي تعريف الدولة ...هي مجموعة من الافراد يسيرهم القانون

أكيد الدولة مجموعة افراد
لكن راني نحكي على الانسان اللي مهموم غير وحده على الرغم ورطزت عليها نعمت الصحة
واش قولك
دون ان ننسى انو يعاني من بعض الاشياء الاخرى
​

 

[zlatan ibra]

خونا نشكرك على الطرح ، هذا هو الوقت تبدل والناس عادت تحسد في رواحها
هاو دار هاو مادارش غابت القناعة عند الناس
الله يهدي ماخلق

 

[sandybelle]

أكيد الدولة مجموعة افراد
لكن راني نحكي على الانسان اللي مهموم غير وحده على الرغم ورطزت عليها نعمت الصحة
واش قولك
دون ان ننسى انو يعاني من بعض الاشياء الاخرى​

جدي يقولي المهموم وحدو ضاربو جن هههههههههه

ايه علابيها قلتلك الدولة ....باسكو الكل يشكي والكل عندو مشاكل حتى لي أنعم عليه الله بنعمة الصحة وحتى الغني غناء فاحش لابد تكون عندو مشاكل ... هاك قلتها

دون ان ننسى انو يعاني من بعض الاشياء الاخرى​

يعني مكاش لي كامل فالكمال لي الله عز وجل وحده
وهداك لي همو حبيبتو أنا منعندي غير يروح يلوح روحو في البحر أو يفورماطي روحو :heh:

 

[BARCA232]

جدي يقولي المهموم وحدو ضاربو جن هههههههههه

ايه علابيها قلتلك الدولة ....باسكو الكل يشكي والكل عندو مشاكل حتى لي أنعم عليه الله بنعمة الصحة وحتى الغني غناء فاحش لابد تكون عندو مشاكل ... هاك قلتها

دون ان ننسى انو يعاني من بعض الاشياء الاخرى​

يعني مكاش لي كامل فالكمال لي الله عز وجل وحده
وهداك لي همو حبيبتو أنا منعندي غير يروح يلوح روحو في البحر أو يفورماطي روحو :heh:

:yahoo::yahoo:
سبحان الله تقول نوال راهي تحكي
نفس الكلام
​

 

[sandybelle]

:yahoo::yahoo:

سبحان الله تقول نوال راهي تحكي
نفس الكلام​

هههههههه من شابه أخاه فما ظلم :wink:ونوال الوقت لي كنت نفوتو معها كتر من الوقت لي نفوتو مع يما ....:yahoo: :yahoo:...هي قالتلتي ادخلي تقراي علوم سياسية وهي المهبولة تاع البلوك
كي ترجع راح نحكيلكم واش دير في البلوك :yahoo:
ربي يرجعهالنا بالسلامة

 

[BARCA232]

هذي هيا الحياة
و تقدر تقول القناعة لها دور (كما قالت اختي فوفو)
ربي يهدينا و يسترنا
شكرااا لك اخي

آمين يارب العالمين شكرا لك
​

عندك الحق كي تنوض الصباح وانت بصحتك الدنيا وما فيها
الحمد لله على كل حال

مندبة كبيرة مقلق غير روحك
​

ايييييييييييي يا خويا موح ركزلي على لي مكتوب با الروج ههههههههه واش نقلك انا كي نشوف مشاكلهم نحير واحد خلاتو صحبتو واحد تحرقت دارهم راسي يتفلق واش تحب من الصغر يقاسيو او انسا الهم ينساك
مرسي موح

:yahoo::yahoo:
هيه مرة هنا ومرة لهيه
شكرا لك درونة
​

واش تقول هذه آخر الزمن مع وجود اهم شيء كيما قلت الصحة
وتلقى الهم والغم ربي كاين شكرا ميمو

شكرا لك سينو ربي يبارك فيك
​

واش نقولك يا خويا محمد المشاكل فيها فيها وين تروح تلقاها
والعيب فينا حنا باسكو ديما نشوفو لي خير منا جامي شفنا لي حنا خير منهم كون هكاك رانا كنا راضيين
شكرا على الموضوع المميز
صح فطورك
وصح عيدك

نعم الرد بارك الله فيك
​

وعليكم السلام ورحمة الله تعالى وبركاته
***
القناعة راحت بكري اتقرضت
و الطمع يفسد الطبع
شكون لي مازال يقنع ويرضى بواش عطاه ربي تلقاهم نهار كامل وهوما يشكيو من بلاصة لبلاصة ماكانش خلاص رحمة ربي في بالهم
ربي يثبتنا ويصلح الاحوال برك
***
بارك الله فيك اخ محمد
​

صح مروى هي اللي راهي خاصتنا القناعة
ربي يبارك فيك
شكرا لك
​

صراحة هذا الوقت يهبل ويشيب الصغير والكبير.

:surrender::surrender:
​

السلام عليكم
والله صدقت ياخويا محمد
والله الواحد مرات يكون لاباس بيه حاجة ماهيش خاصاتو وتلقاه مقلق
ولوكان تقعد تشوف ماكان حتى حاجة والمشكلة ياخويا احنا نضخمو الامور بزاف
يعني مرات الواحد يجيه مشكل صغير والحل تاعو باين بصح نقعدو نطلعو ونهبطو في الحسابات والقلق وذيك وذيك والحل باين ونبعد كي تنحل المشكلة تقول هاشوف من الصباح وانا مقلق والحل ساهل ماهل
والصبر نقص ياخويا محمد كون جينا نصبرو كون ماناش نتقلقو ولكن كل مرة وكفاه
والمشاكل يكونو يكونو وعلى حساب العباد كفاه يتعاملو معاهم
ولكن نروحو ونجو حتى ولو الواحد يكون في موقف صعيب ولا مشكلة كبيرة لازم يتفكر الناس اللي راهي مريضة في المستشفيات و نتفكرو الناس اللي راهم بايتين برا ماياكلو مايشربو و ناس وناس
والله كون كل مرة نشوفو ناس هاكا نقولو الحمد لله على نعمة ربي والحمد لله على الصحة وعلى كلشئ
هاذي دنيا وفانية وكلشئ رايح يفوت
ربي يهدينا ويسترنا
ويعطيك الصحة خويا محمد
بارك الله فيك

هذه هي الكارثة بشورة الصبر خاصنا والله تلقى روحك مزعف دون سبب على الرغم كل شيء متوفر ليك
وطلي على الاقسام الشعب كامل مهموم
ربي يبارك فيك
شكرا لك
​

كون ما يكونش هذا الكل
ماعدناش نسموا جزائريين هههههههه و نتمتعوا بالعقلية الديزار
​

:surrender::surrender:
​

وعليكم السلام ورحمة الله تعالى وبركاته

هدا هو حال الانسان

ما نقدروش نبدلوا فيه

كل شيء متوفر وتلقاه يشكي

الحمد لله قبل وبعد كل شيء​

نيشــــــــــــــــــــــــان
​

 

[الجمرة الخبيثة]

وع ليكم السلام خويا
عدك لحق الي تلقاه مهموم ودنيا كحلة في وجهو
وهدا قع عدنا مكاش الي سالم مناها
كما قلت كلشي متوفر الحمد لله مي لازم نلقاو حيا تكرهنا في معيشتنا
حنا بحد ذاتنا مشاكل نمشو قلة ايمان
يعطيك الصحة خويا
​

 

[عبد المـــالـــــك]

واش ندير خويا محمد مرات غير وحدي نحب ننفاجر دون سبب
مالقري كل شيء عندي
هذه هو تالي الزمان
الهم بلاه م وغم كبير
​

 

[w@l!d]

هادي هي لالجري خويا
المشاكل كاينة وحتى لو مكانش كاينة
وكيما راهم يقولو درك وعادو يطبقوها صح
كاينة واذا مكانش نكونوها هههههه
​

 

[BARCA232]

وع ليكم السلام خويا
عدك لحق الي تلقاه مهموم ودنيا كحلة في وجهو
وهدا قع عدنا مكاش الي سالم مناها
كما قلت كلشي متوفر الحمد لله مي لازم نلقاو حيا تكرهنا في معيشتنا
حنا بحد ذاتنا مشاكل نمشو قلة ايمان
يعطيك الصحة خويا
​

واش ندير خويا محمد مرات غير وحدي نحب ننفاجر دون سبب
مالقري كل شيء عندي
هذه هو تالي الزمان
الهم بلاه م وغم كبير
​

هادي هي لالجري خويا
المشاكل كاينة وحتى لو مكانش كاينة
وكيما راهم يقولو درك وعادو يطبقوها صح
كاينة واذا مكانش نكونوها هههههه
​

وهذا واش نقول
ومن بين اللي قلته واش راه مقعدني للوقت هذا بلا سبب
الراس في بلاد والعقل في بلاد
كامل الوقت مدمر ومهموم
بلا سبة
يارب فرج
​

 

[salimOv]

المــشــكــل راه فــيــنــا
بــكــل صــراحــة مــكــانش لــي قــانع
قــال الله تــعـالى

"" إِنَّ الْإِنسَانَ خُلِقَ هَلُوعاً (19) إِذَا مَسَّهُ الشَّرُّ جَزُوعاً (20) وَإِذَا مَسَّهُ الْخَيْرُ مَنُوعاً (21) إِلَّا الْمُصَلِّينَ (22) الَّذِينَ هُمْ عَلَى صَلَاتِهِمْ دَائِمُونَ ""
​

 

[BARCA232]

المــشــكــل راه فــيــنــا
بــكــل صــراحــة مــكــانش لــي قــانع
قــال الله تــعـالى

"" إِنَّ الْإِنسَانَ خُلِقَ هَلُوعاً (19) إِذَا مَسَّهُ الشَّرُّ جَزُوعاً (20) وَإِذَا مَسَّهُ الْخَيْرُ مَنُوعاً (21) إِلَّا الْمُصَلِّينَ (22) الَّذِينَ هُمْ عَلَى صَلَاتِهِمْ دَائِمُونَ ""
​

ونعم التدخل اخي الفاضل
بارك الله فيك
​