:: قـــالك امام متفتح ،، عيش تسمع ،، ::!!

[biya]

السلام عليكم ورحمة الله تعاالى وبركااته ​

واش راكم صافا ، غالبكم رمضان ولا غلبتوه ،، واقيلا بديتوا تغلبوه مي الله غالب ​

صااي راه رايح عينا ،، لــــــــــيسنسيال ​

حبيت نحكيلكم اليوم على واحد الامام ، تااع الجامع اللي قريب منا
واش نقولكم خاطي الحطاات ، واللبسة كفااه ، والطوموبيل كفااش يتقلش بيها
بون هو في عمرو معلاباليش اكزاكتومون مي في بداية الثلاثيناات ،،، ​

يـــا خوتي نقولكم الصح ، خااطي راه يتمسخر بالدين ، واشي اخر حااجة
خرج بيهاا قلك عندوا صحبتوا ، مالgري عندو زوجتو، الله الله عليها ، وتانيك ولد ​

وكي قالولو يا سي فولان احشم شوية رااك امام من فوق عندك مسؤولية كبيرة ، وراك قدوة
قالهم " انا امام بعقلية اوفار " ،، :scared:​

الله الله على الدين كفااش قعد يتمسخروا بيه ،،،، ​

اياا قولولي وااش رايكم في هذ العقلية تااع السي خوناا :sneaky2:​

اياا صحاا فطوركم :music_whistling:​

 

[** غزال الصحراء **]

صحا فطورك بية //
هاذا يتحمل ذنوب الناس اللي راهو يصلي بيهم , ياخي حالة قالو إمام بعقلية أوفار .. و الله تبقى بلا راص مع عفايس كيما هاذو , أنا هنا في ولايتي سمعت حكاية أخطر من هاذي و ما نقدرش نحكيها هنا للحياء , المهم هي عادة طايحة بإمام مسجد , فايت عمرو ال40 , و مانيش متأكد ممكن تكون إشاعة

المهم ربي يكون الخير للأمة هاذي
صحيتي

ملاحظة : أعجبني نمط خطك , يريح العين .

 

[AdNan31]

هههههههههههه يا ختي ما نجمش نهدر هاد امام وراني في ليلة القدر وراني جاي من الجامع
nocomments

 

[يسرى 2008]

ظاهرة خطيرة هادي تاع الرجالة في سن 40 عينيهم تتحل
مش غير هو وزيد هو عيب عليه زعما يعرف الدين
انا سمعت بواحد تاني قالك امام وزوج على مرتو وبعتلها ميساج اكي طالق
وهو ب 4 صغار
ربي يهدي

 

[himina]

هههههههههههههه عقلية اوفار ياخي مطنه ياخي هههههههههههه
عقلية اوفار فلحوايج هاذو قولو طر على بركت الله مالا كي انشوفو رجالا هكا انسكتو بارسكو ضرك لمام ليولا طالح
ربي يجيب لي فيه الخير

 

[شعيب العلمي]

ههههههههههه هذي لخرة

 

[خولة البرج]

راك شايع بالخلايع .......ماشي جديد في بلاد النوووووووووووورمال
ربي يهديه ويهدينا ........
الوقت تبدل..... تاع الصح​

 

[DARINE05]

ههههههههههههههه
هذي قتلهم اسكتو ورقدو وطفيو الضوء

 

[فراشة الايمان]

مهما كان امام وش وصلني باه نهدر عليه sorry

 

[عبقورة-alg]

اذا عاد الامام هكذا داير مالا منلوموش عامة الناس

 

[souhila_95]

العنوان قتلني بالضحك
بصح كي فهمت القصة تاثرت بزاااااااااااااف
ربي يهدي

 

[حورية الجزائر]

حوجي يانا على عقلية اوفار

 

[انتقام الوردة]

الله يهديه و يهدينا

تحيــــــــــــــــــــــــــــــــــــــــاتي​

 

[nassim007]

ربي يهديه

......................
​

 

[dana1993]

ههههههههههههههههه امام عقلية اووووووووووفار الله يبارك هههه ربحت الدزاير بمثالو هههههههههههههههههههههه
هم يضحك و هم يبكي ياه
مشكوووووورة

 

[mira.21]

يخي يخي امام بعقليو اوفار
والله جديدة هادي
والله عدنا كل يوم نشوف حوايج عجب
ربي يهدي جميع المومنين
وصح فطورك ختي ​

 

[w@l!d]

..هههههه والله غير هاذي التالية..
.. امام بعقلية اوفار:scared:..
..والله مابقى والو خلاص..
..بصح واش نديروا ياك بلاد ميكي:du_nno:..
..الله يهدي برك..
..ويعطيك الصحة على الموضوع..​

 

[nenoussa1994]

hhhhhhhhhhhh ih ida el imam w rah hakda hna wach n9oulou ma3lih ellah yehdih hada wach netlbou mn rabi
merci
saha 3idek*

 

[إحسَانْ]

نروحو للجامع نتاعو كامل ونغلطو فيه كامل ويدي هو الذنوب باه يعرف ربي كسع

 

[الصراحة راحة]

السلام
راكي متأكدة ولا لالا
وهاووو الامام يموت
الله غالب الحب هاك هواااااااااااااااا
كيما قالت الدجاجة : الحب يعّري
الله يهدي امة محمد​