2
- الأوسمة
- 49
السلام عليكم
مازالو ايام ويلحق العيد،مالا هزت الشرطية اولادها وراحت تكسيهم.
الابن:ماما شوفي هادا التريكو لي مصور فيه بوgرة اشريهولي
الابن:ماما شوفي هادا التريكو لي مصور فيه بوgرة اشريهولي
الام:يعطيك ضربة تضربك،بعقلك بعقلك
البنت:ماما شوفي هاديك لاغوب الحمرا اشريهالي
الام:بلعي فمك عليا،يضربك جن حمر ان شاء الله.
البنت الصغرى:ماما جعت اثريلي الثيبث
الام:تاكلي الرهج،هاداك لي خص جيت نكسيك ولانوكلك تقول عام الشر
البائع:تفضلي مادام الحاونت تحت امرك كلش gراتوي
الام:جات تسوم لي pري تعوقت :scared:،ياو راك نورمال،واش هادا حاطينا الخليفة :busted_red:
البائع:واشبيك يامخلوقة كلمناك بالقدر شعلتي فينا هيا ساvا برك
الام:روح اخطيني لانباصي على جالك
البائع:واشبيك يامخلوقة كلمناك بالقدر شعلتي فينا هيا ساvا برك
الام:روح اخطيني لانباصي على جالك
الاولاد :ماما ماما رانا غلبنا راح الحال ومكسيتيناش
الام:تلبسو الشوك تلبسو الشكاير ،واحد يندب على بوgرة ولوخرة على الماكلة ابابابابا يابن عمي جبناكم وحصلنا فيكم
هادي عقلية المواطن الجزائري كي يروح يكسي ولادو اعصاب واوتار مع غلاء الاسعار يثور بركان
من اهم الاسباب لي تزيد تطلعلو الغاز اكثر:
الغاشي لي يدز :surrender::surrender:تقول ساردينا
مول الحانوت لي يلعبها جاي قبيل من الترك :wink:
طلبات الاولاد لي يحبو يحقوها :angel:منلوموهمش متأثرين بفلة تاع سبايستون .
دون ان ننسى شعارنا المعتاد:
-كل الحقوق محفوظة-شركة شوشو للانتاج-
حرر يوم:05-09-2010
