مادا افعل لوجهي

[ماهة]

السلام عليكم اعضاء المة وصحة فطوركم
خاوتي حابة نسقسيكم واش ندير لوجهي انا طالبة جامعية وهادا اتر فيا بزاف كي نشوف البنات وجههم ابيض منور وانا لا :tears::tears::tears:انا وجهي استعملت معاه جميع الحلول ولكن دون جدوى فانا اعاني من النمش وحبوب صغيرة وبتور في وجهي حيث ان بشرتي دهنية وهناك مسامات في وجهي صغيرة تبدوا بوضوح في الشمس مع العلم اني اكره الماكياج واستعمل الا المواد الطبيعية و المعقمة فارجو ان تفيدوني وجزاكم الله خيرا يا احبتي:surrender::surrender::surrender:

 

[*BlackRose*]

شوفي اغسلي بصابون الطرف كل يوم وتشوفي وباش ينور وجهك ديري..لحظة+ماء ورد ولا قارص وديريهم قبل ما ترقدي وكي تنودي الصباح وتشوفي يولي وجهك هاااااااايل انا نديرها من بكري ان شاء الله تعجبك ​

 

[ماهة]

شكرا لك اختي على هده المعلومات

 

[مـــــلاك]

اختي ننصحك متديريش les produit لوجهك ، استعملي المواد الطيبيعية على قد متقدي و اهم حاجة في العناية هي المواظبة ، و الاخت الي قبلي نصحاتك بارك الله فيها
و انا نعطيك طريقة متختلفش بزاف على طريقتها و هي النشا و ماء الورد تديريهم على وجهك و كل نهاية اسبوع ديري gommage قناع تقشير ، اشري واحد مليح و غالي باه كي تديريه تكون هانية ويلا متقدريش تشري الغالي نورمال ، ديري زيت زيتون و سكر احرش و حكي بيه وجهك حركات دائرية خفيفة
و اما النظافة اليومية يستحسن تستعملي صابون مرسيليا ولا ثابون دوف انا جربتهم و عجبوني
و قل ربي زدني علما
ادعيلي ختي راه عندي bac

 

[16اماني16]

اختي انا وانت عدنا بشرة دهنية وكنت كيفك بصح انا كان عندي غير المسام وشوي بثور نعطيك الوصفة اللي كنت ندير فيها
ما فيها والو غير اشري قرعة ماء ورد و نشاء وكل يوم تهزي ملعقة تغ ماكلة ماء ورد وربع ملعة اخرى تع ماكلة نشاء وحطيهم على نار هادئة وابقي قلبي فيهم حتى يولو كي لفازلين وحطيهم على وجهك وخليهم حتى يشيحو واغسلي وجهك بالماء وزيدي ادهنيه بماء الورد
راك تحسي باللي وجهك يتجبد مي معليش ولازمك كل يوم تعمليها ورديلي الخبر وربي يكون معاك.... صحا