طلبات استعادة المواضيع مابين 10-9 .>29-10

[Mafia.dz]

سمسوم:tears::tears:
موضوع الطورطة:music_whistling:

مساء الخير عليكم،، وشراكم شوية،، نشالله تكونو انتيك وبشبش

ياخي عرفتوني،، ولا نجيفكم، انا عمتكم هــــيلدا

اليوم جبتلكم حاجة جديدة تُأْكل
خرجو دارنا وخلاوني وحدي،، قالولي جبتي سمانة كامل ونتي تدوري الصقي هنا،، جيت ندور هنا شوية في اللمة،، حاوزوني
رحت غسلت لماعن وكي كملت تفكرت بللي للي حاوزوني راح ياكلو القاطو ههههه قررت باش ندير حاجة حتى انا
وهاو واش درت،،

6 بيضات
11 ملعقة سكر
11 ملعقة زيت
2 خميرة
كمية فاني
كمية كاكاو
11 ملعقة فرينة

كرام شونتيي
100 غ شيكولا

كسري البيضات واخفقيهم مليح

زيدلهم السكر

حتى يذوب،، واضيفي الزيت

ومن بعد زيدي الفاني وشوية كاكاو والخميرة

ومن بعد زيدي الفرينة بالشوية

ومتيبسيهاش بزاف،،
لوحيها في المول

وحطيها تطيب في فرن مسخن مسبقا
،
انا في الوقت للي كانت تطيب وجدت الكرام شونتيي،
انا نشري تاع الميزان هي المليحة، ونبقى نزيدلها الحليب ونخلط حتى نوصل للكثافة للي نبغيها

نحيت منها شوية، والباقي زدتلو 100 غ شيكولا ذايبة وكملت خفقتها ،،

بعد ماتطيب، جيبي صحن التقديم

قسميها لنصفين، واسقي الجزء السفلي بالشاربات (كاس ونص ماء+ كاس سكر)

وحطيت فوقها الكريمة من دون الشيكولا للي نحيتها من قبل

ومن بعد زدت فوقها النص الثاني وغطيتها بالكرام للي بالشيكولا

وحطيت فوقها مبروش الشيكولا

وزينتها بوردة

هي سهلة وجات بنينة تهبل، وهاذي نهديها للأخ nadir بمناسبة عيد ميلادو ونقولو كل عام وانت بخير،، ربي يوفقك في حياتك نشالله ويجعلها مليئة بالافراح
​

 

[zakialg]

حلول كتاب الرياضيات 2am ليسي
باسم العضو : zakialg ​

 

[nissma34]

شكرا على المجهود الجبار لدينا موضوعان في ركن الحلويات
عرض خدمة
تقديم دروس في تعليم الحلوى لي تحب تتعلم تتفضل
لقد فقدت جميع المشاركات التي تحوي الوصفات لشهر الاخير وهي جد مهمة

 

[ryma_lool]

اخي والله مواضيعي كامل راحو عاوني المواضيع ركن الطبخ عنوانه كل واحد يقولنا عن طبخة والصور دفيه صور قديمه للمنتجات الجرائرية وكتبت كل اعضاء اللمة يدخوا وموضوع عن اصغر سيارة في العالم وصور عن الشرطة الصينية لمكافحة الكتابة على الجدران من فضلكم

 

[ام منصف]

يعطيك الصحة
بارك الله فيك

 

[Mafia.dz]

حلول كتاب الرياضيات 2am ليسي
باسم العضو : Zakialg ​

إخواني أخواتي أعضاء وزوار منتدى اللمة أقدم لكم اليوم حلول تمارين الرياضيات جميع الشعب أن شاء الله يستفيد منها الجميع في تحضير الدروس والفهم الجيد وإستعمالها للتحقق من مدى الفهم



1/ حلول تمارين الرياضيات..
السنة الثانية ثانوي
( علوم تجريبية، تقني رياضي، رياضيات)


معلومات حول الكتاب:

العنــوان :
حلـول تماريـن الرياضيـات سنـة ثانيــة ثانــوي
(للشعب: علوم تجريبية،تقني رياضي,رياضيات)

المحتوى :
الدوال العددية
الدوال كثيرات الحدود مسائل الدرجة الثانية
الاشتقاقية
تطبيقات الاشتقاقية
النهايات (السلوك التقاربي لمنحنى)
المتتاليات العددية
الزوايا الموجهة و حساب المثلثات
المقاطع المستوية
الأشعة في الفضاء
التعليم في الفضاء
الجداء السلمي في المستوي
التحويلات النقطية في المستوي (التحاكي..الخ)
المرجع في المستوي
الإحصاء
الاحتمالات
المزيد

الحجم :
5 mb

نوع الكتاب:
Pdf



حمله من هنــــــا




============================== ===========


2/ حلول تمارين الرياضيات..
السنة الثانية ثانوي
(شعب آداب، فلسفة، لغات أجنبية )


معلومات حول الكتاب:

العنـــــــــــوان:
حلـول تماريـن الرياضيـات سنـة ثانيــة ثانــوي
( للشعب: آداب، فلسفة و لغات أجنبية )

المحتـــــــــوى :
النسب المئوية و المؤشرات
الإحصاء
المعادلات و المتراجحات من الدرجة الثانية
الإشتقاق
المتتاليات العددية
الإحتمالات
المزيد

الحجــــــــــــــم :
1.2 mb

نوع الكتــــــــاب:
Pdf


حمله من هنـــا



============================== =============


3/ حلول تمارين الرياضيات..
السنة الثانية ثانوي
( شعبة تسيير واقتصاد)



معلومات حول الكتاب:

العنـــــــــــوان:
حلـول تماريـن الرياضيـات سنـة ثانيــة ثانــوي
( شعبة تسيير و اقتصاد)

المحتـــــــــوى :
النسب المئوية و المؤشرات
الإحصاء
عموميات على الدوال
المعادلات و المتراجحات من الدرجة الثانية
الإشتقاق
السلوك التقاربي
المتتاليات العددية
الجمل الخطيّة
الإحتمالات
المزيد

الحجـــــــم :
1.2 mb

نوع الكتــــــاب:
Pdf

حمله من هنــا




============================== ======



لاتنسونا من خالص الدعاء
تذكروا ان الكلمة الطيبة صدقة

 

[Mafia.dz]

شكرا على المجهود الجبار لدينا موضوعان في ركن الحلويات
عرض خدمة
تقديم دروس في تعليم الحلوى لي تحب تتعلم تتفضل
لقد فقدت جميع المشاركات التي تحوي الوصفات لشهر الاخير وهي جد مهمة

اختي موضوعك يمكن استرجاع الردود اللي كانت فيه

سأضعها هنا كاملة و انتي انقليها للموضوع

لكن قبل هذا و ذاك : محتوى موضوعك موجود مرتين : الأولى انتي اللي وضعتيهم في موضوعك

و الثانية في موضوع الأخت حكيك نقلت اهم الوصفات اللي وضعتيها

فأي الموضوعين انقل ؟؟



عرض خدمة:

قمت بدورة في صنع الحلوى واكتسيبت الكثير والحمد لله لي تحتاج اي مساعدة او نصيحة انا في الخدمة تحياتي

 

[إشراقة حب]

خويا مازلت انتظر في مواضعي

هل ضاعت ...يعني مالقيتوهاش
شكرا لكم على المجهودات الكبيرة
تعيش ماتنسانيش عندي بزااف وانا نستنى
*واش صرالك اليوم؟؟؟كونوا معانا
*زعما انتم ماتخافوش؟؟؟
أخرة مرة...كانت

راني مازلت نستنى
​

 

[Mafia.dz]

اخي والله مواضيعي كامل راحو عاوني المواضيع ركن الطبخ عنوانه كل واحد يقولنا عن طبخة والصور دفيه صور قديمه للمنتجات الجرائرية وكتبت كل اعضاء اللمة يدخوا وموضوع عن اصغر سيارة في العالم وصور عن الشرطة الصينية لمكافحة الكتابة على الجدران من فضلكم

اختي مواضيعك هادي متى وضعتها ؟؟؟ لا توجع مواضيع بهاد العنوان

و لاحتى مواضيع مشابهة لها الرجاء تأكدي من العناوين

 

[Mafia.dz]

خويا مازلت انتظر في مواضعي

هل ضاعت ...يعني مالقيتوهاش
شكرا لكم على المجهودات الكبيرة
تعيش ماتنسانيش عندي بزااف وانا نستنى
*واش صرالك اليوم؟؟؟كونوا معانا
*زعما انتم ماتخافوش؟؟؟
أخرة مرة...كانت

راني مازلت نستنى
​

عفوا اختي لم انتبه لردك :

الموضوع الأول : واش صرالك اليوم ؟؟؟ كونوا معانا


السلام عليكم ورحمة الله تعالى وبركاته

ان شاء الله راكم كاااامل بخير


اليوم جيت بموضوع هااايل ونتمنى يبقى معانا لمدة طويييلة فالقسم .

أيا مالا كنت قاعدة وجاتني في بالي فكرة

نتاع كل واحد يحكي لنا موقف صرالو اليوم ولا غدوة ولا البارح ولا السمانة الجاية

موقف محرج ولا يضحك ولا يفرح

المهم قاسمونا شوية حياتكم

وقاسمونا مواقفكم

نتمنى تكون مشاركة قوية

كيما نعرفوكم يا رواد قسم واش راك تهدر

مالا ماتخيبوناش وابداو معانا


نبدا أنا :

هذي العام لي فات ياسيدي ..كان عندي امتحان روحت ركبت فالتران

ووصلنا لزياري نتاع الكوس ..ايووووه راني نمشي بشوية

انا وصلت للكوس ديالنا وترق :scare d: الصباط تقطع

واش ندير حرت ..مالا مزية ليزاري نتاع الكوس ماشي بعاد بزااف على الدار

والحمد لله كي كان التيلفون

عيطت لبابا جابلي صباط اخر وفررررر طرت للجامعة هههه

بصح والله ماننساها تبهديلة نمشي ونكركر في صباطي

 

[Mafia.dz]

الموضوع الثاني : زعما أنتم ماتخافوش؟؟؟؟


السلام عليكم

ان شاء الله كامل راكم بخير

اليوم جبتلكم السوجي نتاع الخوف

علابالي كامل تلعبوها مانخفوش

بصح انا نخاف هههه الله غالب الخوف ساكن في دمي

كل واحد عندو حاجة يخاف منها بزاااف

كيما انا نخاف بزااااااااااااف من الدونتيست

كيما نقولوا بالعربية طبيب الاسنان

واليوم كنت خايفة ميتة ماقدرت نأكل

لاخاطر كنت رايحة نحي ضرستي

علابالي رايحين تضحكوا عليا

بصح الله غالب ماقدرتش نتغلب على الخوف ديالي هههههههه

ايا مادا بيا كاااامل اللي يدخل موضوعي يقولنا منين يخاف

واش هي الحاجة اللي تخوفوا .

ماتلعبوهاش ماتخفوش ..... مكاش اللي مايخافش

وشكون اللي جاجة كيما انا يخاف من الدونتيست

صحيتوا على المرور وعلى المشاركة

وشكرا للمشرف اللي راح يقبل الموضوع

راني نستنى فيكم تتفاعلوا معانا

 

[Mafia.dz]

الموضوع الثالث : آخر مرة .. كانت

السلام عليكم ورحمة الله تعالى وبركاته

اخر مرة ...

آخر مرة درا بيني وبينه شجار عنيف بسبب كلام يخص مصلحته كان قد بدر مني ،لكني ربما كنت قاسية قليلا في كلامي.

فذهب ولم يعد,بقيت لأيام وانا جالسة في مكاني انتظر عودته بفارغ الصبر ,وظننت انه سيفهم اني كنت خائفة عليه وعلى مستقبله

وفجأة سمعت وقع أقدام لشخص قادم من بعيد ,بدأ الصوت يقترب مني اكثر وأكثر .

استدرت فرأيته قادما نحوي ,,فرحت كثيرا برؤيته لكن احترت عندما رأيته يخفي يديه وراء ظهره
واعتقدت انها وردة يخفيها.


اتجهت مسرعة نحوه ,وعندما وصلت وقفت وبقيت انظر اليه وانا ابتسم
لكنه لم يتفوه بكلمة .

فجأة حرك يديه واخرج الذي كان يخفيه عني ورفعه الى الاعلى

شهقت شهقة قوية لما رأيته يحمل سكينا في وجهي
هوى به علي لكني قاومته كثيرا ولم أكن ضحية سهلة
لكن يبدو انه كان اسرع مني فغرس السكين في قلبي .

تجمدت في مكاني احسست بشدة الألم حين اخترقت السكين اللحم لتصل الى القلب ,فكان قلبي يتمزق من الألم
وقفت لدقائق لكني لم اتحمل شدة الألم فهويت على الارض .

كان ينظر إلي وانا ملقاة على الارض ودمائي تغمرني ,واعتقد انه كان مستمتعا لأنه استطاع ان يغلبني ويجرحني .

رفعت بصري اليه فإلتقت نظرتنا ,وبسرعة غادر المكان وبقيت انا اتبعه بنظراتي فنزلت مني دمعة امتزجت بالدم ,وما أقساها من دمعة .

بقيت في مكاني لساعات ولم أستطع ان احرك ساكنا بدأت احس ان نبضي يقل ,وان الدم قد نشف من عروقي فبقيت اعد ساعاتي الاخيرة وظننت اني انتهيت .

لولا لطف الله بي ومساعدته لي لما استطعت ان اعود الى حياتي مجددا .

الحمد لله شفيت الآن ,لكني مازلت اتذكر جيدا ذلك الموقف ,ومازلت احس بألم السكين وألم قلبي الجريح ,الذي لم يشفى بعد ,وربما لن يشفى لأن الطعنة كانت قوية على قلبي .

ومازلت أذكر نظرته الي وهو يغادر تارك اياي وان اسبح في دمائي واتوجع من الألام التي سببها لي .

لن تكون الأيام كفيلة بمعالجة جراح قلبي ,ولن يكون النسيان مسكنا فعلا لنسيان الألم .

لكني ومايهمني انني وقفت مجددا,وعدت الى حياتي بشكل عادي لاشيء يخيفني ولا أعكر صفو حياتي بالتفكير في شخص لايستحق .

رسمت اهدافي من جديد ,و اصبح لي احلام جديدة بعيدة عن الماضي, الذي لن أنساه ولن أفكر فيه
لكن سأظل اكتب عليه .

علي اخفف من شدة الحسرة التي في قلبي
واتمنى من الله ان يوفقني في حياتي
امين


دمتم بود ولكم كل الاحترام والتقدير مني لكم

 

[imane27]

istirj3a mawadi3a imane27
halawiyat alaid

 

[Mafia.dz]

istirj3a mawadi3a imane27
halawiyat alaid

اختي الصور الموجودة في موضوعك لا يمكن استخلاصها لأنها في المرفقات

عذرا

 

[nissma34]

اختي موضوعك يمكن استرجاع الردود اللي كانت فيه

سأضعها هنا كاملة و انتي انقليها للموضوع

لكن قبل هذا و ذاك : محتوى موضوعك موجود مرتين : الأولى انتي اللي وضعتيهم في موضوعك

و الثانية في موضوع الأخت حكيك نقلت اهم الوصفات اللي وضعتيها

فأي الموضوعين انقل ؟؟



عرض خدمة:

قمت بدورة في صنع الحلوى واكتسيبت الكثير والحمد لله لي تحتاج اي مساعدة او نصيحة انا في الخدمة تحياتي

الف شكر اريد استرجاع الموضوع لي كتبتو انا ماشي لي نقلتوا الاخت حكيك بالتوفيق دمتم في رعاية الله وحفظه

 

[Mafia.dz]

الف شكر اريد استرجاع الموضوع لي كتبتو انا ماشي لي نقلتوا الاخت حكيك بالتوفيق دمتم في رعاية الله وحفظه

محتوى الموضوع :

بسم الله الرحمن الرحيم
صح رمضانك
وتقبل الله منكم الصيام و القيام
بطلب من بعض الاخوات الكريمات
يشرفني ان اقدم لكم دروس في صنع الحلويات التقلدية والعصرية مع الشرح المفصل من الالف الي الياء فعلى الرغبات التعلم فمرحبا بها
توضع كل الدروس هنا وكذا الاستفسارات
كل مرة اقدم نوع من الحلوى
شكـــــــــــــــــــــــــــر ا

 

[Mafia.dz]

نبدأ اخواتي الكريمات
بسم الله الرحمن الرحيم
الدرس الاول
البقلاوة الكلاسيكية عروس الحلويات الجزائرية


درجة حرارة الفرن:180 درجة
المدة:من 45 د الى ساعة
المكيال المستعمل: pot تاع الفلان الصغير لي ب لتر حليب تملي بيه 08 قيس السنيوة لي في الصورة تتحصلي بيها على 15 حبة بقلاوة ان قطعتيها متوسطة الحجمة وتوصلي الى 18 حبة ان قطعتيها صغيرة .
المقادير:
04 كيلات فرينة
01 كيلة سمن طري
ملعقة صغيرة فاني
قرصة خميرة
ماء زهر
صفار بيضة لسنيوة صغيرة اما كبيرة تزيدى صفار
للحشو
03 كيلات كوكاو +عطر اللوز (دائما نفس المكيال) او لوز
01 كيلة ماشي معمرة سكر حرش(تقدري حتى ديري نصف فقط لميحبش السكر بزاف).
مبشور ليمونzeste de çitron
ماء زهر
للتعسال:
عسل +ماء زهر
طريقة التحضير:
نضع الفرينة نضيف لها السمن طري وندخل مليح باليدين +الفاني والخميرة ونغربل الكل في غربال نيف صفار البيضة ونجمع بماء زهر نحصل على عجينة طرية ماهي سايلة ماهي يابسة نضعها في كيس بلاستيكي ونتركها ترتاح حوالي 1/2 ساعة.
نحضر الحشو نرحي الكوكاو خشن+عطر اللوز +مبشور الليمون +ماء زهر منشمخش بزاف شوية فقط لازك الحشو يجي كي الرمل المشمخ.
نجيب سنيوة ندهنها بالسمن
ندوب السمن +قرصة خميرة باه ندهن الطبقات
يسخن الفرن
نجيب العجينة نحلها فوق سطح مرشوش بالنشاء ونمررها في الماكنة رقم 04 ثم 08 ونغطي سنيوة كامل حتى الاطراف

وندهن بالسمن نعيد العملية 06 طبقات نفرش الحشو
ونعادو نفس العملية نغطي ب 06 طبقات اخرى وندهن بالسمن
نعقب الحلال فوق السنيوة باه يسقط الزائد من العجينة
نقطع مقروطات بالسكين حتى اسفل السنيوةونرشق في كل مقروطة حبة كوكاو كاملة
توضع في الفرن عند احمرار الحواف نشعل من الفوق ولي عندها فرن يشعل من الفوق والتحت تتركها حتى تحمر .
ندوب العسل فوق النار مع ماء زهر لازم يخف شوية نعسل البقلاوة .
عفسات خاصة بالدرس:
1-تعمليها بالزبدة جي اخف
2-لما ديري الزبدة طرية متخرجش ملدنة بزاف
3-لما تستعملي ماكنة فرد العجينة جيك اسهل واوراقها جي شفافة
4-لما تحلي العجينة فوق النشاء جي الاوراق مقرمشة
5-لما ديري قرصة خميرة في سمن لي تدهني بيه الطبقات عند الطهي الطبقات رايحة تتفرق على بعضها وجي هايلة (فكرة عضوة ربي يذكرها على خير)
6-لما تعسلي البقلاوة اتركيها تبات وغدوة انزعيها من السنيوة
7-حضري البقلاوة بليلة قبل الطهي
8-ارشي مليح حبة اللكوكاو داخل الطبقات واتكدي من دخولها هي لي تشد الطبقات ومايتفرقوش على الحشو
9-حمصى الكوكاو في الفرن قبل ما ترحيه
10-استعمال القرفة اختيارية
الدرس القادم بعد الفطور نوريلك اللمسات العصرية للبقلاوة
صح فطوركم

 

[Mafia.dz]

تابع للدرس الاول

كاين عدة انواع للبقلاوة
البقلاوة الكلاسيكة العادية نرشق فيها في الوسط لوزة

1- حسب الشكل
ممكن تقص مربعات او معينات
ممكن تزيين وجها بعدة طرق تمديلها لمسة عصرية
تصنعي اوراق او ازهار وتثبتيهم ببياض البيض وترشي اللوز او الكوكاو
انا لي عملتها عملت وردات مرغريت وبنقاش نقشت الاطراف الاربعة

2- حسب العجينة
-هادي بالديول معليك الي تدهني اوراق الديول ونفس الحشو

هادي بقلاوة بالقطايف

وهاك كملنا موضوع كامل عن البقلاوة
نتمنى عجبكم الدرس اي سؤال انا موجودة
نتمنى نشوف التطبيقات

 

[Mafia.dz]

بسم الله الرحمن الرحيم
الدرس الثاني
المخبز



درجة حرارة الفرن:150 درجة
المدة:من 15 الى 20 دقيقة
المكيال المستعمل: ل 01 كغ تتحصلي على 52 حبة تاع مخبز
المقادير:
250 غ كوكاو او لوز
125 غ سكر رطب
مبشور ليمون
بياض بيض
ملعقة صغيرة فاني
للقلاصاج:
03 بياض البيض
1 ملعقة من عصير الليمون
1 ملعقة صغيرة من الزيت
5 ملاعق ك من ماء الزهر
سكر ناعم مغربل حوالي 700 غ اذا كان حجم البيض صغير
للديكور :
عجينة لوز اصطناعية
ملون وردي
حبيبات فضية
طريقة التحضير:
في وعاء اخلطي اللوز او الكوكاو المرحي + السكر الناعم +الفانيلا +قشور الليمون ، بللي بباض البيض حتى تحصلي على عجينة متجانسة و طرية . على طاولة عمل نرش قليل من الطحين و ونشكل حربوش نقطع مقروطات نضعها في صينية مرشوشة بقليل من الفرينة تدخل الفرن (متوسط الحرارة 150°) مدة 15 دقيقة
تخرج من الفرن وتترك لتبرد .
تحضير الطلاء :
اخفقي بياض البيض، ضفي عصير الليمون والزيت (الزيت يعطيه بريقا و لمعان) + ماء الزهر. أضيفي السكر الناعم تدريجيا إلى أن تحصلي على طلاء غير سائل .
جربي الطلاء على حبة وإن سال أضيفي السكر الناعم .
تنشف الحبة ديري الخطوط وزيني ب زهرة مصنوعة من
عجينة اللوز وورقة بطابع الثالث من سلسلة طوابع المارغريت



ونرشق حبيبة فضية رشي الوردة باللماع الغذائي
لوني شوية طلاء بالاخضر وضعيه في كيس اخر وحاولي ديري شكل ورقة تحت زهرة ديري خطوط متقاربة



عفسات الدرس:
-لو كانت امكانيتك محدودة يمكنك تزكي الكوكاو بكمية من قاتو نوع كاسكروت casse croute لي جاي حجموا مربعات كبار لي نشربوا بيه الحليب لي يدوب البخف وخلطيه من الكوكاو .
- لي تحب الحلوى جيها كامل نفس الحجم تقطع بطابع تاع مقروطات
-ان شفتي روحك لصقتلك العجينة وانت تخدمي فيها عاوني روحك بالفرينة
-لما تطلي الحلوى ضعيها تقطر فوق شباك او رف الثلاجة لا معندكش باه الزايد يقطر وتتحصلي على حبة نظيفة.
-باه نتحصل على خطوط التزيين رقيقة ناخذ كيس بلاستيكي لا كان تلقاي لي شكلوا مثلث تاع الحلوى تاع الاعراس خير ونضع فيه كمية من الطلاء نثقب الزاوية شوية فقط باه يجي لي ستري او الخطوط رفيعة .
لما تخدمي المخبز اتركيه مدة ينشف قبل ما طيبيه عفسة فكرتني فيها اختي sabira يذكرها على خير
-كيفية تحضير عجينة اللوز الجاهزة
ديري الماء يغلى وحطي عجينة اللوز في اناء يحمل الحرارة
وحطيها في وسط الكسرونة لي فيها الماء الغالي ومسي كل مرة بيدك كي تشوفيها طرات حطيها فوق سطح مرشوش بالنشاء حليها بالحلال وقصي الزهرات .
-لما تخدمي القلاصاج اخدميه بالباتور يجيك اخف وساهل
-باه تعرفي المخبز طاب كي الطبقة السفلى تولي وردي فاتح مالزميش يحمار باه يبقى خفيف ومجيكش يابس
ملاحظة :
يمكن تخدميه باي نوع من المكسرات حسب الامكانيات
وتقطعيه اشكال كيما تبغي بالطوابع داوائر قلوب اكيد على النات رايحة تلقي عدة ديكورات للمخبز العصرية هي الاساس والقلاصاج اما الديكور كيما تبغي
هادو هما الاكياس لي تخدمي بيهم كاين شكل مثلث احسن


كمل الدرس لي مفهمتش حاجة تقول نتمنى عجبكم

 

[عاشقة رجاص]

السلآم عليكمـ ورحمة اللهـ وبركآتهـ:
ربي يوفقكمـ ويجآزيكم بالخير ويعآونكم​