السلام عليكم و رحمه الله و بركاته
حبيت اوضح سبب اشتراكى فى المنتدى هنا معاكوا
اولاً انا عمرى ما اشتركت فى منتديات الا المنتديات المصريه
اه كان فى منتديات بيبقى فيها من كل الجنسيات بس ده مقدرش يساعدنى فى انى اعرف كل شعب
فــ دخلت هنا علشان اعرف اكتر عن الشعب الجزائرى كــ افراد و كــ بلد
لانى للاسف معرفش عنها الكتير
و كان اول احتكاك بين المصريين و الجزائريين هو الاحتكاك الكروى
و طبعاً لو جزائريين حكموا على الشعب المصرى من خلال الاحتكاك ده او مصريين حكموا على الشعب الجزائرى من خلال الاحتكاك الكروى ده فــ ده يعتبر ظلم جامد للشعبين لان اللى بينا مش مجرد كوره او تعصب كروى
لان لو فى كلام جارح من الطرفين فــ ده عمره ما يعبر عن رأى شعب كامل بالعكس ده بيعبر عن قله قليله من شعب كبير
و انا على الفيس بووك كنت مشتركه فى صفحه " مصر و الجزائر قلب واحد "
حقيقى انا لقيت ناس كتير بيحبوا المصريين فيها و انا حبيتهم من الصفحه دى
علشان كده محبيتش اخد فكره غلط او انتوا تاخدوا فكره غلط و ده كان سبب انى اشترك هنا معاكوا انى اعرف الشعب الجزائرى اكتر
كمان و ربى انا نفسى نبطل نقول انا مصرى و انا سورى و انا لبنانى و كده و نقول انا مسلم عربى
علشان احنا وصلنا لــ حاله لازم نتحد مينفعش يبقى فى بين العرب كراهيه
بس و اتمنى اننا نكون اصحاب و اخوات ان شاء الله و تقبلونى اخت ليكوا فى الله
