ارضاء الجزايريات غاية لا تدرك هههه

[امورة المنتدى]

السلامـ عليكمـ اكل ناس اللمة حبابي وصحاباتي لعزاز توحشناكمـ بزااااااف راكو تعرفوا الدنيا شغالات

المهمـ وشرآآآآآآآكمـ

اوكي بروميارمون نحب نسلمـ على سارة ايمو حنونتي :yahoo: وسندرينة بنت الليسي :yahoo:






جبتلكمـ ميضوع :heh: نشالله يعجبكمـ يالوكان شوووويطح :sneaky2: ماتحشموناش برك ولا واش قالو؟:music_whistling:

اليوووم حبيت نهدر معاكمـ على التقطاع والتمنشير ههههه كي العادة


بصح وشنهي المرة هادي صرالي كيما جحا وحمارو

ايا انا لبست ليكات وسروال كي العادة وخرجت رحت للسيام سمعت زوج عجايز يحكو عليا

(هادا حجاب هدا وش راهي لابسة "كانت عليا" هه حجاب نص طياب "

لخرى قاتلها (يخي جيل يخي يحبوا يوروا رواحتيهم للرجالة )

نروح نعطيهم ببونية ماجاتش كبار عليا عيب اوووشت عيب

رحت للدار لبست ليكات واسعة شوية ورحت بيها للسيام



ايا سمعتلكم وحد الزوج بنات يهدروا

(يا شوفي الليكات تاعها ديمودي هه) درت للطفلة قتلها في قلبي (لالا حوايجك تع 2020 )

غدوا من داك نحيت ديك الليكات ولبست وحداخرا

الريح اللي يجي يديني :surrender: هههه هكدا انا


صرالي كيما جحا وحمارووووووووو وش لبست ماعجبهمش



إرضاء ليزالجيريان غاية لا تدرك ههههه مقولة من عندي


لذا ماتخافوش توصلت لحل لارضاء الجزايريات لازم

1/تلبسي كيما قالولك اللي عجبتهم ديريها واللي ماعجبتهمش نحيها :busted_red:


2/كوني شيك دايماااااااا


3/حوايجك لااازم يكونوا من الفيتيرينة يعني اصغر حاجة مية الف


4/تلبسيهم مرة في السمانة فقط سينون يقولولك (لصقوا في لحمك) ههههههه


.........................................زيدولنا .........................................................................................

نصيحتي لخواتاتي ههههههه ماتسمعوش وتديرو كيما درت انا وجحا ههههههه

كل وحدة تحكيلنا اذا صرالها موقف مماثل :surrender:

 

[BARCA232]

السلام عليكم ورحمة الله تعالى وبركاته
مشاكسة المنتدى
ندور ونرجع لموضوعك
بالتوفيق
​

 

[wafa peace 2011]

واش نكره هاكدا البس واش يعجبك وكول واش يعجبك هادي هي درك

 

[barca.moha]

كل وحدة تحكيلنا اذا صرالها موقف مماثل :surrender:


تاني بروبلام عند ليجان هدي​

يفرحوك الـgــــــــور في اللبسة
المهم يلبس ويبان نقي ومنظم
اما حنا نتبعو غير لا مود عليها مطورناش
سيستام مسموم
أوبسيون عيانة
كاركاس متهدروش عليها برك
من لبستنا اخترعنا الطيارات والصواريخ ورانا في الفضاء ندورو
ياخي عبااااااااد
تحياتي أخوكي مـــــــــــ14ــــــوح​

 

[sisou023]

والله معلبالي بحتى عربي نلبس واش نبغي المهم في الحدود وراكي عارفة الجزائريين معروفين بالتعلاق و التمنشير الله يسهل ندير واش قلي راسي المهم الواحد يكون انيق و نظيف

 

[رقيقة المشاعر]

4/تلبسيهم مرة في السمانة فقط سينون يقولولك (لصقوا في لحمك) ههههههه

ههههههههههـ...التالية هذي

 

[AnGeL*dZ]

ياو يباثو يغنيو ماني لاتية بعبد
ديجا محسوب جامي سمعت تعليق على لبستي
غير من عند ابي كي يلقآني عديت les limits لك يؤبرني
ربي يحفظو
عندك الحق ارضاء الجزائريات غاية لاتدرك

​

 

[khadija1805]

شوفي اختي راكي كيما اختي و ادي هادي نصيحة من عندي
البسي واش يعجبك و واش تحبي و هدرة الناس راهي باطل
و ماتديري على حتى مخلوق
ياو لوكان تلبسي البرقع ولا ..... ماكيش عاجبتهم
مالا البسي واش تحبي و الغاشي يشوفوا مع رواحهم و مبعد يحكيو عليك
+ و اللي هدر عليك نحى عليك
Ok​

 

[ziassia]

هههههههههههههه عندك الحق
والله انا ديفوا نابس حاجة الصباح ونبدلها لعشيا مي انا نكررره ماشي نسمع من الغاشي

مرسي على الموضوع
تقبلي مروري​

 

[هدوء المطر]

يا ختي يخي تعرفي les algeriens عندهم اللسان خاطيك الراي ،، و التعلاق و التمنشير خدمتهم ،،اللي فارغ شغل و ماعندو حتى خدمة يريح تحت الحيط هو و صاحبو و يبدا ( شوف هداك واش لابس ،، هداك باين عليه جبري ...والآخر و الآخر...!! )
بصح لوكان تطاوعيهم تتعقدي من روحك ،، أنا ماعلاباليش بيهم اللي بغا يعلق و اللي بغا حتى يزمر.

 

[AWDIESL]

مالقري يقولو كولو واش يعجبك و لبس واش يعجب الناس انا لالا نقوللهم
ناكل واش يعجبني و نلبس واش يريحني
لوكان تبقاي تبعي فالهدرة تاع الناس و خاصة الانثى كيما قلتي ماتسلكيش خطرش راهي كل واحدة و ستيل ديالها و كل واحدة واش تحب صافي ادا رضيتي واحدة و عجبيتها تلقاي واحوخرا ماتعجبهاش الحطة ديالك صافي يبدا المنشار يخدم و ما يحفاش ....هادي هيا علاش لازم تعيشي وحدك و لروحك برك
المهم تكوني présentable ......اما الهدرة فيها فيها
ميرسي​

 

[السلطانة]

وعليكم السلام

شوفو شكون جات

ليوم نزغرت تزغريتا

تزعزع المنتدى

يووووووووووو يوووووووووووووووووووووووووووووووو

واخيرا رجعت امورة توحشتكككككككككك

:yahoo:
:yahoo:


وعاد التمنغيل

نرجع للموضوع

اييه هادو واش دخلهم في لبستك

موصايب

تطلي عليهم تلقاي حجابهم لاعلاقة

ويطلو بلا خيمار ووووو
والمشكل راهم نساء تاع رجال

مممم ولبنات لي يقولو دي مودي

والله لاتبعتيهم تهبلي

البس على مزاgي
كيما يقولو الاشقاء


صجيتي على الموضوع حنونة
​

​

 

[N@riM@N]

​

​

​

كيما يقولو الاشقاء ​

​

ركزيلي عليها :fish:
هايا نولو لموضوع gمورة المنتدى واش نقلك ياختي تمشير تاع لابسه راني جني وجنو مايتلاقاوش لي نشوفها تخزر فيا ولا في سباطي نحمرلها لعين ونطلعلها تشنيفه باه دور وجها ههههه ايا صحيتي ع ميضوع​

 

[همسات الصباح]

واش تحبي ختي هادو هما الجزايريين واش تلبسي ميعجبهمش .والتمنشير خاطيك ماكانش للي متمنشرش في ختها بصح وصلنا لوقت تشوفي فيه لعجب .يعني تنطقي بدرعهههههههههه

 

[صفحة بيضاء]

ونتي علاش تسمعي لهداري تاع الناس ضميرك مرتاح
وحاسة روحك راكي مليح ايه يهدروا حتى يشبعوا كي يعياو يسكتوا​

 

[sarah02]

حاي حاي لي تهدر معاك دوري ليها وقوليلها ** وانتي علاه راه غايضك الحال * تبلع فمها خخخخخ:thumb_up1:

 

[بنت الجزائر و افتخر]

انا فاتو عليا ايام كنت ندير فيهم على هدرة الناس مي درك يقولو واش حابين

راني عارفه روحي كي دايره

و اصلا هاد الناس اللي كيماهاك العقليه زيرووووووووووووووووووووو

شكرا على الميضوع اختي

 

[NaDiA.]

ندير واش قالي راسي و ماعلابالي بحتى عربي..​

 

[فراشة الايمان]

اذا باه نتبع هدرة الناس مانوصل لحتى بلاصة
المهم انا مقتنعة

 

[loula09]

انتي رضي ربي بلباس محتشم ماشي تاع الموضا حتى واحد ما يلومك و تربحي دنيا و اخرة