نانا وجدي وقصة ال16طفل...آسكو نتوما تاني عندكم هد الظاهرة

[مسعود-92-]

او بكري كان يكي جيب 10 ماهو خاسر والو يكبر يولي 14 سنة يعطيه طرف تاع ارض ويقولو ربي يعاونك
وضرك كي يجيب 5 واحد يخدم و4 يتفرجوا .........الزمان ميش كيف كيف ........وش كاين بكري كايم ضرك
بصح دخلت العولمة يا بلادي بدلت كلش والحمد
وشكرا علي الموضوع
​

 

[تسنيم22]

يا اختي انا جداتي ام ابي جابت 4ولاد وبنت وحدا ماشي بزاف ياك .بصح ضرك نفهمك علاه بلاكي تحسبي جابت خمسة برك علاخاطر كانت تخاف على لاطاي تاعها ههههه لخطرش جدي كان مجاهد فلجبل وقعدو غير 7سنين تاع زواج وستشهد انا خممت قلت لوكان جدي قعد حي لوكان جابو بلاك 25طفل هههههههههههههههههههههههه

 

[adraa]

هههههههههههههههههههه
على حسب الشوفة راك معول على 20 من لوولااد...

ربي معااك

ههههههههههه

احنا لافامي نتاع عمومي هوما اللي عندهم بزااف..

بصح خوالي الماكسيموم 7

و حنايا رانا في 5 ^^

البركة فالقلييل..

لولاد غيير لتكسار الراااس

هههههههههههه​

 

[معاك يا الخضراء]

و عليكم و السلاااام اهلا بيك وائل
جدي و جدي تاع ماما عندهم <<<< امي + 5 خاوتها
جدي و جدتي تاع ابي عندهم <<<< ابي + 4 اخواتو
خالتي الله يبارك لازم ندخلها فالحساب عندها 11 ولد :scared:

واانا ان شالله مانزيدش على 3 اطفال
يا ربي نقدر عليهم
تحيتييييييي​

 

[جزائرية للابد18]

حالك كي حالي يا اختي العزيزة الين نضت على 9 لقيت الصالون يستنى في والماعين ايضا واش نقلك سمانة كاملة انا نجري بصح الله غالب لازم نعاونو الام زيد بزيادة عاونتني نشري قش العيد

 

[adraa]

و عليكم و السلاااام اهلا بيك وائل

جدي و جدي تاع ماما عندهم <<<< امي + 5 خاوتها
جدي و جدتي تاع ابي عندهم <<<< ابي + 4 اخواتو
خالتي الله يبارك لازم ندخلها فالحساب عندها 11 ولد :scared:​

واانا ان شالله مانزيدش على 3 اطفال
يا ربي نقدر عليهم

تحيتييييييي​

اييييييييييه ولاد عمتي طيمي بزاااف >> منعرفهمش بكل..:music_whistling:

و نسيتي ولاد عمي حمد عندوو هو ثاني بزااف...>> منعرفهمش ثاني:no_1:

هههههههههههههههههه

و ولاد هودى نسيتيهم...الله يباارك

بكل فوق ريسان بعضااهم...:surrender:​

 

[إحسَانْ]

إيـــــــــــــــــــه

على ياامات زمااان

هههههههههههههههههه تقولهم روانب كل عام يجيبو واحد

وضك زعما تطور تنظيم نسل

ايه عندك الحقـ تروح للغرب صدقني بالله ماهم كيما حنا في الـشرق

تقولنا نجريو يا

والدليل تشوف في سطيف 2 ملاين عدد السكان وتلقا الكثافة السكانية في الشرق اكثر من في الغرب

ربـي يستررررررررر
​

 

[aMiNa-K]

الله يبارك .. جدودكم كانو يجيبو الدراري بالجملة

احنا جدي و ماني الله يرحمهم ( والدين بابا ) جابو زوج بنات و 3 دراري
و جدي و جدة ( والدين يما) جابو 3 بنات و 2 دراري
من بكري مانحبوش بزاف دراري

حتى انا ماشي معولة بزاف 1 برك يكفيني و ادا مولا بيتي بدا يصمط نزيد واحد برك
واش نديرو بعايطة دراري و زيد التربية راهي واعرة ماشي ساهلة .. و رانا في وقت صعيب بزاف​

 

[قمر الاسلام]

انا جدي من بكري مقلش عندو 4 ولاد برك

 

[برنســ اللمة ـيسة]

سلام

شوف يا سي وائل

بكري بكري

كانت بلادنا تحتاج للزيادة في نسبة الولادات
و راك تعر ف السبب
الحروب اللي صرات في بلادنا و راحو عبادنا كامل
و الامية ما ننساوهاش
و دركا راك عارف في المنطقة تاعنا
بالي هاداك لاشان عليه على 5 تاع الصباح
النساء كامل يجيو ليه باش يديرو في تحديد النسل باش ما يزيدوش الاولاد و دركا تطورت الحالة ما بقاتش كيما بكري
الواحد يجيب طفل و لا زوج و يقولك يا ربي و نكفيهم و نعيشهم معيشة تصبح

اففففففف
غلبت من الكتيبة
ايا صحا طولت عليك بزاف
مرسي عليك وائل موضوع فور صح ​

 

[sahiko hamza]

صحيت وائل كي راكـ ؟
احمدو ربي انتوما عدكم أعمام وأخوال ...
شوف احنا ربي ماعطاناش الاخوال
كلهم توفاو غي خال واحد برك ربي يخليه لجدي وعايلتو و ولادو ...

انا شخصيا نفتقر لجو العايلة لأني ماعشتش ...
اما الأعمام عندي مي من الجد وراني لاعلاقة بيهم غي سلام وفرات .
​

 

[شيماء2]

بكري كانت الباراكا كانت المعيشة ساهلة
كل شي غارسينو عند الدار التربية ساهلة
و مكانانش دعاوي الشر نتاع ذورك
الله يرحم ايامات زمان كانو زاهيين مالgري ماعندهمش المكانيات نتاعنا

 

[Houda Chaouienne DZ]

السلام عليكم أخي
الله يبارك
أنا ثاني نانا ولدت 10 الله يبارك
واحد مات
و 9 راهم مزوجين كامل .. ماشاء الله
و الله بزااااف هكا
و نقولك ذرك الوقت ماشي مليحة
مليح لي يولد كيما قلت 2 3 4
ما يفوتش .. غير يربيهم برك
و الله أنا ضد الغاشي .. يديرولنا انفجار ديموغرافي
شكرا بزاااااف خويا على الموضوع
سلااام​