الخيانة والكدب

[يسرى 2008]

السلام عليكم
الموضوع باين من عنوانو
انا دقت طعم الخيانة والكدب
بصح المرة هادي المرة مش ساهلة رايحة نحكي حكايتي
وش رايكم ادا اول مرة تجرب تعمل اصدقاء حميمين وترتاح معاهم
طبعا بحدود التربية والاخلاق مش الحوايج لخرة
في فترة الصيف مكنتش تشوفهم وطريت تحكي معاهم في النيت ولا التلفون
حتى كيما تشوفهم على حقيقتهم يبينولك تربيتهم ولطافتهم
وحبهم بصح مع الناس لخرين لا
تجي تسقسي تلقاه تاريخو مليان مش متربي مع الناس يتمسخر بيهم يلعب بيهم
خدمتو يكرهلهم حياتهم
بصح شعور انك تحسي روحك انت لعبة تحت يديهم
ما هو الحل هل هو الانتقام او مادا

 

[SIRMA]

الحل يا اختي ليس الانتقام الابتعاد عنهم وتفادهم وكما تدان تدين وشكراااااااااالان الخيانة والكذب صعبة جداااااا

 

[ماكانش]

الحل هو الإنسحاب ...

 

[نسمة البحر]

مكاتنش واحد لمنخدعش واناوحدة منهم بصح إنتقما ما هوش الحل على خاطش إنتقام زيد من توتر العلاقة بينتكم الحل وحيد كما قالوااصدقائي أعضاء هو إبتعاد عنهم و كلي ربي عليهم​

تقبلي مروري

 

[يسرى 2008]

وادا كان البعد عنهم صعب

 

[**حبي الجزائر**]

و عليكم السلام
انا أشد ما أكره الكذب و الخيانة و كي تعرضت لهذا الموقف البشع الصراحة دمعتي نزلت
و أما بعد التفكير لقيت بلي هدوما ما يستهلوش و لا دمعة من عيني و ابتعدت عنهم دون اذائهم
لا عن قرب و لا بعد

 

[نسيم الربيع]

اجبدي روحك ختي يسرى
ومتخليش قلة تربيتهم دير عندك الحق او الرغبه فالانتقام
حافظي على صفاء نفسك

 

[TIBA BITA]

اخطيك منهم و ماتزيديش تقيميهم خلاص ناس الله غالب والفوا بالكذب و النفاق
عادت عندهم عادة سيئة و ميقدروش بلا بيها الله يهديهم اذا ربي حابهم

 

[lamilam88]

الصاحب ساحب
يعني رفقة السوء ماهيش مليحة
ماكاش كيما اللي يحافظ على صلاتو و يخاف من ربي
بعدي عليهم و وكلي ربي.​

 

[H@teM]

وش شفتي انتي مع لي شافاتوا الناس
...........
نورمال هادي توصي للجاية
​

 

[HICHAMBECKHAM]

أعفس على قلبك ونسا

 

[wafa peace 2011]

اخطيك اختي منهم مايستاهلوش حتى تقيميهم

 

[كنزا]

اختي الانتقام ماشو مليح واقطع علاقتك معاهم خير

 

[TAKWA]

الصداقة ملح الحياة ، و لكن يبقى السؤال هل توجد صداقة فعلا بهذا المعنى في حياتنا ؟؟؟؟؟؟؟ بالطبع لا .
لأننا في وقت كثر الخداع فيه و اصبح جميع الناس - هناك القلة الطيبة - يرتدون أقنعة يخفون بها وجوههم الحقيقية التي تقطر شرارة و حقدا على كل من هو أحسن منهم.

​