وعلاه كلنا فدام الميكرو ملاك وفي الصح رانا شيطان اخرص وعلاه

[يسرى 2008]

السلام عليكم
ظاهرة منتشرة بزاااف
وعلاه احنا الكل وبدون عنصرية نبانو ورا النيت ملاك
مي كي تشوفو في الصح يظهر العيوب
وعلاه كلنا نبانو صافين ومتربين وكلش فينا مليح
مالا شكون الي يعمل في السوء في الدنيا وشرايكم

 

[BARCA232]

السلام عليكم ورحمة الله تعالى وبركاته
اهلا يسرى
واش نقول لختي اللي متربي عمره لا يخرج عن الاصول
بالتوفيق وربي يهدينا برك
بارك الله فيك
​

 

[فراشة الايمان]

الله أعلم .............

 

[ايمان 02]

كاين وكاين ماشي كامل الناس كيف كيف
كاين لي كيما في النت كيما في الواقع نفس التصرف
​

 

[amouna.dz]

موضوع قمة بارك الله فيك
الانسان المتربي صح ما يتنيفقش هاذا واش نقدر نقول

شكرا يعطيك الصحة
​

 

[انتصار*]

الأعضاء في النت كامل دلاع بلا طابع وغير ربي لي يعلم اذا احمر ولا ابيض أنا منكذبش اعليك مزال مطبتش :blush:​

 

[JSK 14 CH]

هدا نفاق 200/100 ختي وشكرا

 

[khalil hip hop]

اللي متربي في صغره خلاص كي يكبر ماتخافيش عليه

ماراح يخرج عن الطريق

السلام عليكم

اختي يسرى كما قلتلك اللي متربي في الكبر مايخرجش على الطريق

لأن كاين 2 من صحابي واحد صاحبي متربي والله ناس ملاح والله سعات

ومرة ناذيه ميش قاصد فيه والله يتقبلها مني بصح حتى انا

مانزيدش نغلط معاه وحتى انا قلتله سامحني وهاذي كلمة

الصراحة لأنني نحب واحد كيما يدوصرني ندوصره وكاين

اللي ميش متربي انا نقلك انا مانمشيش معاه اصلا انا

من كان عمري 18 كان واحد صاحبي ربوه بابا وماماه

ربوه شويا و دارو فيه الثقة وحلو فيه أصبح ياذي

في لعباد انا واحد من الناس أذاني عطيته طريحة

حتى قال يزيني بشويا شويا ياذي صحابي لخرين عادو كل

ماياذي واحد من صحابي يظربه صحبي المهم الجماعة

الكل كرهاته بشوي شويا املا روحه ضاقت لكنه لن يتربى

كيما قتلك اللي متربي في صغره خلاص في كبره يولي

عمره 25 سنة ماتخافش عليه راح يهنيك لأن ميش كل

الناس متربيين وانا الحمد لله بابا وماما مربييني

احسن تربية والحمد لله لاخالف شورط بابا وماما الدخول

من الخارج بعد المغرب بادقيقة انا كل يوم هكذا يقولولي

ادخل بعد المغرب و اذا ضاقت روحك هاو الميكرو احمه

أشبع بيه لهذا الكل بابا دارلي القوانين هاذي باش

مانجيحش وباش يربيني انا برك مخبي عل بابا وداير روحي

كاللي راني مانيش عارف والو وهو على مصلحتي باه

مانجيحش هاذي احسن تربية اختي الفاضلة يسرى كاين

واحد نعرفه من الوجه المهم باباه وماماه خاطيينه

وانا مانيش عارف بلاك يهرب عليهم المم كان من

يخرج في الصباح يهمل حتى بعد لعشاء كي يكمل السهرية

هاذي تربية هي ؟؟؟؟ هاي مكانش منها تلقاه في هاذيك

الوقت يروح يسرق او يجيب في العيب الى باباه وماماه

وربي يهدي ماخلق انا الحمد لله لا يمني اي شيئ الا نفسي

و بيتنا برك .

سلامــــــــ . :re_gards:
​

 

[D@rk Angel]

والله كل انسان فيه حاجة مليحة وحاجة مش مليحة
والكلمة الطيبة هي كل شي ..

 

[sahiko hamza]

وعليكمـ السلامـ ورحمة الله
هاني حاير فيهمـ ؟
عمك سايكو والو
كيما هنا كيما الواقع ....
عندو وجه واحد مايتبدلش .
​

 

[رقيقة المشاعر]

عندك الصح خيتو
فالنت يبانو ملاك و هو فالحقيقة شيطان
و هذاك لي 9ـاع قاللهم ارقدو و نغطيكم لي فالنت لاعبها متدين و يمشي في طريق ربي ووووووووو ...... تقربلو و تعرف العقلية تلقاهم داير ما داير بخارير
ربي يهدي ماخلق

 

[عفاف الجزائرية]

لوكان نقوللك يا اختي بشرى
انا مثلا في التلفون ولا في النت نحكي ونشايخ ونضحك ونقسر
وكي نكون في الحقيقة كيما قلتيها انتي الكلمة ما نعرفش ننطقها
والله نبقى غير ساكتة
​

 

[mir@cle]

99 بالمية من أعضاء كل المنتديات يصوروا رواهم مثاليين
البنت تشوفها فالمنتدى تقول هاذي فلة والولد تقولي عليه كابتن ماجد في الضرافة وحسن الخلق والتربية ....بالصح هما فالواقع العكس .... أنا نحاول نكون واقعي في المنتدى ومانمثلش .....والله المستعان
​

 

[كنزا]

ماش الناس كل كيف كيف
تحياتي

 

[المتفائلة_91]

ايه ويبانو تاعين مبادئ واصلاحيين للمجتمع

الله غالب

بلاك عندنا عقدة

مانعرف

 

[{مُدَلَّلَتُهُ}]

Koul wa7ed w kifah kayen li nass mla7 fi el net w bara ana tbanli le yel3abha hadak mounafi9

Merci 3la el mawdo3

 

[Estrella]

الي متربي و ماصل مايبدل روحو لا فالنت ولا فالواقع
كيما يتصرف فالواقع يتصرف فالنت
متبدلوش الظروف
شكرا لكي​

 

[mer10]

ya khti ana li hna manahkamch 3lihom hata nchoufhom falwaka3 wach ydiro; basah manchakach farodoud tahom

 

[adeldk]

تسلم يداك مشكور

 

[meriem150491]

انا منيش ملاك وكما يعرفوني الناس في النت يعرفوني في الواقع وجامي نتونفق

ومستحيل نرجع روحي معنديش عيوب ولا مكانش كيفي

عندي مبدئ والحمد لله ديما نمشي عليه


مستحيل نعت صورة مش صورتي للناس

ديما نبان بشخصيتي اللي عجبتو عجبتو واللي معجبتوش تجيه في الصبر

اما العباد هدوك ربي يهديهم انا نعتبرهم ضعاف شخصية وميقدروش يبانو بشخصيتهم الحقيقية كيعاد يخافو من الناس لا متعجبهمش عقلليتهم


الخلاصة ربي يهدينا ويهدي امة محمد

​