كي تتقلق .............

[bilal22]

يعطيك الصحة بلال
كي نتقلق نحب نتخلوا مع روحي ونحب الكالم
وبعدها نروح للجبل ولا الخرجة ولا بلاصة بعيدة ونقعد براسي ومعايا كاس تاي ههههه​

والله يا كاس تاي ولقارو ولا مكانش ههه
مليح لي يحب يكون وحدو خير يرتاح مع راسو
يعطيك الصحه خويا

 

[bilal22]

وعليكم السلام هههههه
مممم وديما التحية الرائعة لي ماتتنساش ههه
يحياو ولاد الكارطي
هه سبق ان جاوبت على هدا الموضوع
هيا انا كي نتقلق ندير كيما تاع الافلام الرومانسية
نجري لشومبرتي ونبكي خخخخخخخخخخخ
شوي واحد ميقمني من تاع الدار
شكرا على المرور ​

ها راني جاوبتك لهيه قبل ههه
والله يا رومنسيه نتاعك علابيها سمنتي اه شينتي ههه

 

[bilal22]

و عليكم السلام و الرحمة و الاكرام اخي الفضولي

يا خويا انا كي نتقلق نديها رقاد مانشوفش في العرب خلاص
نفعد وحدي و ما نحبش نخرج و نواجه الواقع اللي راني فيه
​

والله يا وفاء هههه
هاو انا منقدرش نرقد راسي ميخلينيش نرقد ههه
بصحتك الرقاد

 

[bilal22]

ههههههههههههههههههههه

يااااااااااااااااااااااااا شرطية متبدليش خفيفة الدم والله

رمنسية انت بزاف

كنقلقك منحكمش روحي ونولي نهدر اي حاجة ومن بعد نولي نبكي خاطر نندم على الهدرة الي قلتها وهذي المصيبة دارتلي المشاكل في حياتي العملية والخاصة عندكم حل ليها ؟؟؟؟؟؟؟؟؟؟؟؟؟؟؟؟؟؟؟

هيا وشكون يقرد يساعف وحدة كيفي يقولي ؟؟؟؟؟؟؟؟؟؟؟؟؟؟؟؟؟؟؟؟؟؟

ههه ونتي تبدلتي ولا حتي تتبدل لمهبوله نتاع شوشو ههه
حاولي كي تتقلقي تحكمي فمك تمسكي في روحك مش منطقي تبداي تقولي برك
مي نورمالمو لي يعرفوك ميديروش عليك في تلك الحاله يعلمون انك مش في وعيك هههه

 

[bilal22]

يوم وراء يوم
كل ما ندخل نلقا بلال دار موضوع
وبسبابو ماجاني نوم
وش راح نقولك ان شاء الله تروحلك التريسيتي ولا الكونكسيون يامات باه نتهنى من مواضيعك
المهم كيما انا ضرك قلقت وراني خارج ونطفي الميكرو ونرقد
هيا صح انا كي نقلق نرجع ماش بشر غير لي ما خلطش فيا خاطر قادر نرسملو في وجهوالموناليزا رايح
يعني الا شفتني قلقان اجبد روحك وخليني مع القارو وقهوتي وروح تريح​

نتا باين كي تتقلق تخسر يا حسام ومنعرف احساس يقول هكا
ههههههههههه
ربي يحفضنا برك وحاول تبطل الدخان لقهوم معليش ههه

 

[bilal22]

ايا خويا بلال بغيت نشارك مي لقيتك سبيسيال
مي انا نتقلق خاصني نرد هههههههه
ايوا احممم
درك راني نرد عليك والقلق راه شادني
قالك جزايري ماتقلقش مات ربي يرحمو شفت القلق يمشي فالدم
نت بروحك مقلق على الخضورية هههههههههه
ايا ادا استجد شي نجي نقوله وادا تقلقت نجي هه
سلاموووووووووووووووووو
​

يردي وموتي اها وتهناي هههه
هيه نتي درك موف راكي تتكسلي مي معليش انا ميهمنيش لموف راه جاي وانا برك لي مش قاعدلو
الردود راهي باطل مش كيما قبل دارونا 25 رد في النهار متكفيش طول ههه
هيا علا خير واهلا بيك

 

[bilal22]

ههههههه
أأنأ كِــي نِتقـــلقْ
نُســـكتْ خَــلااأصْ
مــأأنْـزيــدْ حَـتَى كـَــلْمَــةُ
مِـــرْسِي.....}
​

مالا اسكت خير راك هايل هههه
شكرا لك

 

[bilal22]

انا كي نتقلق نفرغ غير بالبكي

يعطيك الصحة خيي بلال وربي يبعد علينا القلق ان شاء الله
​

هيه ابكي بنيتي لقرع فارغين ههه
امين يا ربي

 

[bilal22]

مساء الخير حلاق لديد انا كي نتقلق نضري فيها قارو دخان نتاع العرعار هههههههههههههههههههههههههههه
كي نتقلق نبقى نعيط ونهدر ونخرف شكرا بلبل
​

هههههههههههه اهلا بيك مهبوله
نتي باينه بلا ما تقولي كي تتقلقي تولي تغلي وحدك وحدك ودايره عرس بلا بندير
والله شبه متاكد بلا ما صادفتك في لواقع ههه

 

[bilal22]

بو قبل كل شيء عندي ملاحظة: واش بيك رجعت كل يوم تدير موضوع؟ تعاند ولا تعاند عليا ؟؟؟، وآآآآآآآآآآيوة التحية هذيك تاع خليه بشعرو ما تتحففلوش، آطونسيو تنساها كاش نهار، ايه انا سبقت وجاوبت على الموضوع هذا لهيه، دونك نزيد نرحّل اجابتي هنا، انا كي نتقلق كيما قالت شوشو نرفد روحي ونرح لبيتي نبكي زعما حتى يوجعني وجهي من لبكا نرجع وكأن شيئا لم يكن، ولا نعبي ورقة وستيلو ونكتب تعرفوني كاتبة خخخخ، هيا مغسي عالميضوع، اتهلا، سلامووو
وكيما كل مرة التوقيع السحري شلل بيه عينيك ههه

​

بووووو انا مهبلتش نعادن وحده كيما نتي وماذا بيك متشبهينيش ليك في حتى حاجه ههه
التحيه راهي لناسها كي لعاده ياااااااو
حكايت لبكا اوكي اغلبيتكن يبكين بزاف هههه اما كتابه هاذي نفوت عليها مرور الكرام وكاني لم ارها لاني لا اصدقها هههه
ونحي جد التوقيع هاذا خير لك هههه

 

[bilal22]

ســــــــلام

أنايا كي نتقلق نخدم صوالح بزاف ماشي ملاح .

بارك الله فيك أخي الفاضل
​

لالا حاول تحكم في روحك ولو بالانصراف والبقاء وحيدا
شكرا لك خويا

 

[bilal22]

مرسي على السوجي​

انا كي نتقلق

يكون لي في gلبي على لساني

و يا ويله

لي gدامي راحت عليه خوي بلال

تحياتي

هاذا لاه يا خويا ها بالعقل برك ههه
نوعيه هاذي لي منحبش نقربها في تلك الحاله هه

 

[bilal22]

كي نتقلق
لا هدرة لا تخلاط لا والو
خاطر عارف روحي الا كنت مقلق
و هدرت نفسد كل شيئ
تطفر في لي قدامي
ههههههههههههههههه

و الحل في الرقاد
جرب و ردلي الخبر
هههههههههه
​

اواه منقدرش نجرب باسكو كي نتقلق راسي يخدم مليار ومحال نرقد مالا لازملي نحاورو ههه

 

[bilal22]

كي نقلق نحب نسكت ونبكي ومكانش اللي يهدر معايا حتى نتكالمى باسكو اذا هدر معايا نبدا نخلط وممكن نخسرو

ها مليح لي يبكي ولا يسكت لمهم ينعزل عن الناس حتى ميخسرش

 

[bilal22]

المصري لحنين والتونسي البارد والمغربي الخابط و و وو
هادي vريمون ضحكتني
كي نتقلق تحكمني ليسطوما
مانقدر لاناكل لانرقد
نضربها بسكتة ومانجاوب حتى واحد نهار كامل
لالا غدوة من داك نصبح نورمال كاللي ماصرا والو​

ربي يدوم الضحكه ههه
اصمطهم لي يجيب نهار كامل ساكت وزيد ميجاوبش من يحكي معاه انا هاذو لي منحبهمش ههه
شكرا لك خيتو

 

[pixau_dz]

انا كي نتقلق نبدى نخلط في الهدرة ومانعرف واش نقول وخطرات نولي نبكي

oui b1 sure 16ans mazalk sghira 3la lkalka aslan

 

[bilal22]

انا كي نتقلق نسكت ومانحب نهدر مع حتى واحد ولا نشوفو
يانروح لبحر نقعد مع راسي نراجع اموري يا اما نقعد وحدي في الغرفة
والي يهدر معايا خلات عليه مانوليش انا
مرسي بلالو على الميضوع
​

هههه حسيتك تحكي علا فيلم بسومه نروح للبحر هههه
هاو نتي باينه مهما تتقلقي متخلعيش هههه
صحيتي بسومه علا المشاركه ههه

 

[bilal22]

و الله انا ا خويا عرب ما نديهاش فيهم بلال كي نقلق بزاف نبكي و نقعد وحدي بصح كي يقلقوني لعرب ما نديهاش فيهم تغيضني روحي بصح ما نطيحش دمعتي على جالهم
شكرا على الموضوع

هيه عمرك لا طيحي دمعه علا جالهم صح تغيضك لخدعه او لمكره مي هكاك ومحال يحسوك انهرتي امامهم
شكرا لك ختي

 

[bilal22]

انا لما نتقلق,ما نطيقش حد يتكلم معاي,اي كلمة ممكن تعصبني وممكن ايدي تسبق لساني,ولكن بتأسف بسرعة ومافي شي بيدايقني اكتر من يوم او يومين,ولو حطيت في راسي انساه بننساه خالص وما بيأثر فيا تاني,وبنشرب شاي بزااااف بزااف,وبندخن بزاف

ربي يستر هههه
مي نتا ملازمش يخلطو فيك لانك باين اذا تقلقت نورمال مي اذا خلطو فيك رحت فيها هه

 

[bilal22]

اولا القلقة من الشيطان
ثانيا انا كي نقلق نبكي خييييييييير

هههه
وعلاه خير يعني صح خير من انك ديري امور اكثر ههه يحاجي ويفسر
شكرا لك ختي