عارفين الثواني والدقايق اللي يفوتو كي الساعة..؟؟

[عالي الحمدي]

​

السلام علكيم .. يا معشر العرب // عفوا يا معشر اللمة .

​

قلبي يوجعني وراني نتقطع الللداخل وما نلقى ما اندير غير نستنى الثوني والدقائق اتمر ..

​

وراهي أثقيلة ، اثقيلة .. أتفوت كي الساعه خاوتي اكيد عارفين هذا لوقات المرين ؟

​

كي انكون مع بعض الثقلاء وتجمعني بيهم الاقدار ومعنديش حيلة باش نتخلص منهم ولازمني اريح معاهم ..

​

يضرني قلبي ويهبط المورال .. رايح نحكي على ثنين ولا ثلاثة على حسب ما تسعفني الذاكره .. واكيد كل واحد منكم جرب وفات أعليه مثل هذا الثواني المرة.

​

الموقف رقم وان : كي يجيك زاير بلا موعد ومضطر باش تستقبلو وانت عندك شغل ويطول في القعده ويحكي ويحكي وانت على اعصابك حكايات الريح في الريح .. يريح اعليك الوقت في الفارغات.

​

الموقف رقم تو : كي اتكون اتصلي ويلصق فيك واحد تقدر اتقول اعليه مدخنه يرهج بالريحة امتاعو .. –ريحة المسك والياسمين- امتاع رجليه وإلا امتاع قشو من الدخان صدقوني بعض المرات نحبس الانفاس ونتنفس غير وين يبعد اعلي شوي وووووو، نطلب ربي الامام ما يطولش اعلينا كون غير يقرا بقل هو الله احد ، ولا قل اعوذ برب الناس .. باش نتهناو من الناس ..

​

هيا فيها براكه ..واذا سمحت الفرصة انكمل اللي بقاو ..

تصبحو وتمسو على خير .​