ناس قاطعة الامل

[هآجر]

نو مشني نغرق ونشعل في النار راني نتمسخر برك سي مع عبد خلاف ما نديرهاش على خاطر بلال برك نعرفو بيان ما يزعفش، أو مام انا سكيكدية ونقول قلتي للطفل وللطفلة، أو باش نغزل برك الطفل هذا لي اسمو بلال خخخ، أو ما يقلقش منك ما تخافيش، سلامو اختي
​

السلام عليكم

مش مشكلةاختي نور انا ثاني راني غير نتمسخر او تفهمنا مع خونا بلال

 

[SAFA-94]

استغفر الله .صح كاين ناس بزاف يتمناو الموت ربي يهدي من خلق.شكرا على الموضوع

 

[عاشق الجنون]

باراك الله فيك حاب نزيد حاجه
ليتمنى الموت فعلا ياعنى انه علاقته بربي العالمين ماكنش او مقطوعة تمام لوكان يصلي مثلا لما تمنى الموت لانه يشعر كلي الدنيا الكل بجيبه اي يزهد منها
​

 

[bilal22]

بلال نجاوبك بكلمات قالهم لطفي دوبل كانون وانت قلي مع الاخر كي تكون هكذاك وش تحس
مي لوجيك لاروتين تعذب تخيل تنوض كل يوم وماعندك شيء ما تعمل تحس روحك قديم ثقيل وعاطل تعود تقول راني عايش هناية باطل.وفوق هذا الكل مانحكيش على المصروف .على الناس لي تخدم وانت قاعد تشوف على باباك لي كل يوم يجيب القضية بعرقو وانت تغيضك وتحشم حتى باه تقابلو
والpur الشي الكبير لي قاعد يصير تسمع تكذب تبقى محتار دي جان كبار من الدمار راهم بكاو. مالقاوش باه يعيشو غير بنصبة تاع كوكاو.تشوكاو ومن بعد الشوك يجي المرض يعود يقول واش قاعد ندير فوق هاذ الارض.وبزاف اخرين راهي حاجة اخرى لي صراتلهم جاو يقتلو الوقت وعلى الاخر الوقت هو لي قتلهم
قبل ما يموتو سمعوهم صحابهم يقولو وش من فايدة نعيشو مادام مارانا نديرو في والو.
قولي رايك ​

نقولك حاجه وحده هوما ولا حنا لو عندنا الايمان بالله صح يا اخي راني قاعد برك معليش نصلي ونحاول نصعى بعدها ودير في بالك اذا كنت مخلص لربي اكيد مش راح يخليك
يعني كل حاجه وعندها سبب هاذي هي
لي يدير ربي والنبي في بالو ويكون مقتنع وعندو كل الثقه وطايع مولاه صح اكيد راح يكون معاه
يعطيك الصحه علا لكلام الزين يا لمهبول ههه

 

[Jeune Sghir Mc]

أنا مالناس لي راك تحكي عليهم
الله غالب صاحبي
Dégoutage fi bladi l'Algerie
​

 

[bilal22]

بون كل واحد كي يطيح في بروبلام و يولي يحس بلي مكانش حل و سي دنيا حبست نهاية تاع العالم

و غي هو الي راه مظلوم في هادي دنيا ملقري ماداير والو في حيااتو ....الخ

مي كي يستغفر ربي و يدعي ربي بالهداية و يتوكل عليه بالقلب الصافي غادي ميوليش كاره

و البروبلام يتحل بلا مايحس و في لحظة و هادي تجربة شخصية

هيه نتي راكي عطيتي الداء والدواء
مي لازم يكون مقتنع ومتاكد بلي ربي هو لي مكتب هكا وهو لي يخرجو من هاذا مش يقول مكتوب
وهو قانط ومنعرف كفاه يخمم
شكرا لك ختي

 

[bilal22]

موضوع رغم عنوانه المفزع إلا أنوا مليئ بالتفاءل
لازم العبد يكون مؤمن بربي وبالقضاء والقدر
ومتفااااااااااااااااااااااااااااااائل
شكرا لك أخي على الموضوع

هههههههههه مالا خلعتي جيتي تجري هههه هاو حبيت نديرو عنوان محير حتى يلقى تجاوب
شكرا لك ختي وكيما قلتي لازم نتفاؤلو مهما كان

 

[bilal22]

والله كثرت تاع الصح انتا لاه كل يوم موضوع؟؟
ايه عندك الحق صح ساعات العبد يكره روحو
ويكره لمعيشة في الواقع لي رانا فيه مي مش
لدرجة نتمنى الموت علا خاطر كيما قلت علابالي
الشي لي نسوفخيه هنا مش قد الشي لي نسوفخيه
في لقبر ، العبد راه ناقص زاد يثبت بيه روحو لهيه
مغسي بلال عالموضوع هيا سلامو
​

ها وكثرت وونتي وش حيرك هههه ياو الهاي بالكونكسيو نتاعك برك كي ترجع راكي تجي ههه
صح كيما قلتي اذا كنت مستعد لما بعد لموت مالا قول هكا ههه
مي كمال مناش مجهزين ما يكفي ونتمناو يخي حاله يخي
هيا صحيتي علا الرد السامط يا لمخلوعه ههه

 

[bilal22]

أوهو طَوْشتلو قالتلو قلتي ههههه
​

ونتي وش خدمتك قولي برك ههههه

 

[bilal22]

يعطيك الصحة خويا بلال موضوع هايل
كيما قلت قاع شا رانا نعيشو في هاد الدنيا من مشاكل و عذاب ما يجيش كيما عذاب القبر و المؤمن مصاب ربي ما يبلع باب حتى يحل 7 بيبان الواحد يليق يصبر شوية برك
لا يأس مع الحياة و لا حياة مع اليأس

أنا نروح ضروك ضوك نبدا نتفلسف ما نكملش قااع لوووول

شكرا لك خيتو
وصح كيما قلتي لازم لواحد يتحلي بالايمان مهما كان لان الدنيا هاذي ما راح تدي منها غير لفعل
ربي يثبتنا برك
اتفلسفي خيتو حاجه مليح وانا نحب نستفاد
شكرا لك ههه

 

[bilal22]

والله هم يضحك و هم يبكي
ناس 24/24 يتمناو يعيشو 200 سنة
و ناسـ تجري ورا الموت
ربي يهدي ما خلق
تجي تفهم تحير
أبسط حالة اكتئاب توصلهم لجهنم و العياذ بالله
نورمالمون المؤمن مهما صرا معاه مييأسش من رحمة ربي

ربي يهدينا
و ميرسي عـ السيجيـ خوبا يلال
اتهلا في روحك​

اهلا ماجده عاش من شافك خيتو
هيه كيما قلتي ابسط امر يخليهم يتمناو لموت هاذا ايمان ولا بطل ربي يهدينا برك
صحيتي علا الرد الزين ميمي ربي يحفضك ويخليك مميزه كي لعاده

 

[bilal22]

يا أخي هاذي ناس ماعدهاش الايمان في قلوبها و شكرا على الطرح الممتاز

هيه علا هاذي رانا نحكو ونحاولو نقنعوهم يتحلاو بالايمان
شكرا لك خويا

 

[bilal22]

يا اخي قف لحضه هل انت مستعد لما بعد الموت

عجبتني هادي الجملة

صح خويا والله حاجة تحير
تلقى هاك و تلقى هاك
مي نتمناو ربي يهديهم ان شاء الله
يعني ماكان حتى حاجة تستاهل انو العبد يتمنى الموت على جالها
صح كاين المشاكل و المعيشة صعابت و ووو

مي ربي يدارلنا الصبر كل واحد و بواه ابتلاه ربي

مالا ماكانش يأس مع الحياة

صحيت خويا هادا موضوع هادف
​

شكرا لك صفى خيتي وصح كيما قلتي لازم المشاكل ولهموم مكانش منها تعيش حياة مستقيمه
لازم فيها هكا وهكا وهاذي هي حلاوتها
ولاكن ملزمش نقطعو الامل لازم نكافحو
ربي يهدينا شكرا لك خيتو

 

[bilal22]

والله عندك الحق اخ بلال ناس كثار يقنطوا من رحمة ربي وتوصل بيهم حتى انهم يفكروا فالموت ..عباد الله كاملين يواجهوا مشاكل في حياتهم لكن يواجهوها بحكمة وما يخلوهاش تأثر عليهم (المومن مصاب) واش نقولوا الله يهدي خلقوا يعطيك الصحة خويا

صحيتي ختي مي هاذو عباد يحوسو علا حياة الرفاهيه مش قادرين يحملو
ربي يهدينا برك يحسبو بلي خلقو هكاك برك ومكاش مشكال وصعاب نورمال
شكرا لك ختي نورتي

 

[bilal22]

والله عندك الحق خويا بلال في كل كلمة قولتها..

يعطيك الصحة ..

,° تقبل مروري وخالص تحياتي °،​

شكرا لك ختي
ومرورك علا العين والراس ربي يحفضك

 

[يسرى 2008]

نشكرك على الموضوع خويا باسكو كاين منها صح وولا واقع نعيشو فيه كل يوم
انا اول الناس ساعات تحكمني الحالة هادي ربي يهدينا ويغفرلنا
لازم العبد يحمد ربي على اي نعمة عطاهالو صغيرة ولا كبيرة

 

[bilal22]

واش قلتي ؟؟؟ ههه desoles برك حبيت نارفيك مينك ماتبغيش كلمة قلتي
موضوعك رائع ورسالتك نتمنى أن تصل لأنها كثرت حالات الإكتئاب في أيامنا هذه ومحاولات الإنتحار
فالأمل هو الصلة بيننا وبين الله فكلما زادت ثقتنا بالله كان الأمل حليفنا في جميع دروبنا ونور قلوبنا وعيوننا
ألف شكـــر على الموضوع​

يعني نتي حابه تقلقيني هههههههههههه معليش راني نخلفهالك
هيه ونتم لي تعينونا بالردود حتى يتقنعو من الكثره والاغلبيه
بارك الله فيك خيتو ردك زين وعجبني

 

[bilal22]

وعليكم سلام خويا بلال
يعيشك على موضوع الجميلة اعجبتني بلبزاااااااف
والله معك الف حق كل كلاماتك توجد تجده تمنى موت سبب مشاكل التي تاتي له وينسى انه ماوش توجد شي دون حل
كل شي تستطيع حلها باي طريقة
انه تتمنى موت هاته شي ماوش نورمال والله صعبة بزااااااااااااااف
لما تاتيك مشكل انضر برك لمن هو ماوش يملك منزل او صحته ماوش نورمال او معوق او او او وغادي تعرف انك في نعمة تحسد عنها
يااخي مادام لنا صحة نورمال كل شي ماوش يهم
صحيح انه بعض مر نياس مي يجب لانسمح لها ياس تملكنا
اخبرك قصة واعتدر ادا خروج عن موضوع
قال احد الحكماء الايطالين

كنت ابكي لاني لم اكن املك حذاء ....و لكن توقفت فجاة عن البكاء لما رايت رجلا من
دون قدمين
الله يهدينا برك
احترامي اخي
​

بارك الله فيك وحكمه روعه خويا
وصح لواحد ديما يخزر للي تحتو راه كاين بزاف واكثر منو في مشاكل علا هاذي لازم يرفع التحدي ويحاول يحسن مش يقنط ويتمنى الموت
ربي يحفضنا ويثبتنا
لك مني فائق التقدير والاحترام شكرا لك

 

[bilal22]

ياودي ماكانش ثقة في ربي و انو هو الي يفرج ضك تلقاه عندو كلش و خطاتو صحبتو يثور يقلك انا ماعنديش الزهر نسويسيدي هههه يالطيف ربي يسترنا​

يا بنتي صحيتي نتي تعرفي غير صحبتو خلاص كي تخطيه هي روحي نتي عوضيه ههه
علاه تخليه يسويسيدي هههه

 

[bilal22]

السلام عليكم
صح صح صح خويا بلال
والله موضوعك قيم وكلامك صواب
والله العظيم غير الانسان كي يكون بصحتو وعندو عائلة راه في رحمة
ديجا والله الواحد يروح غير للمستشفى ويشوف بعينيه ويلاحظ الفرق
والله الناس راهي تبات تتألم ليل ونهار
اطفال صغار يباتو يبكو من الألم
راهم يعانو صراحة
كي تشوف هاكا تحمد ربي صباح وعشية كي راك عندك الصحة ولاباس عليك
ونزيدو نشوفو جهة اخرى غير برا تلقى ناس ماعندهمش بيت وين يسكنو
يباتو في الشارع في البرد والسخانة والجوع
والواحد راه عندو بيت وعندو عائلة ياكل ويشرب ويقول مانيش مليح
ماكاش في الدنيا هاذي اللي ماعندوش مشاكل
مكاش في الدنيا هاذي اللي ماعدوش هموم
ولكن لازم الواحد يمر بالاشياء هاذي باش يتعلم من الدنيا
شوية فرح وشوية حزن وهي رايحة والحياة تستمر
كيما يقولو دوام الحال من المحال
والحاجة الوحيدة اللي يخمم فيها الواحد
راه كاين ربي سبحانو وهو اللي مع عبادو
وهو اللي يفرج على كل مومن
هاذي هي
راني طولت في الحديث خويا بلال هههههه
يعطيك الصحة وربي يبارك فيك
سلامي
​

حسبتو موضوع جديد بشبوشه هههههههه
علابالك تفكرت بلي شفت رد ليك في موضوع من مواضيعي ومعرفتوش
علا ديك رحت حوست في عضويتك حتى لقيت ردك وعرفت لموضوع هههه
كيما قلتي يا بشرى صح لواحد لازم يتعض من غيرو يعني يشوف الناس كي راهي عايشه
ويقارن روحو يلقى فارق كبير بينو وبينهم وتحير كفاه هوما صابرين وهو راح يجهل
والله ناس ربي يهديهم برك ومي هاذا كلو نتيجة الابتعاد عن المولي ربي يحفضنا
يعطيك الصحه ياعمتي بشبوشه شكرا لك