سؤال للشباب فقط ؟؟

[صفحة بيضاء]

سلام..
رجل او امرأة عندما تتزوج اوتنخطب
عمرها ما تقول الحقيقة ..وخصوصا المرأة تكدب باش توصل للحاجة اللي متمنيتها
حتى انا شفتهم بعيني هدول مخطوبين ويهدروا مع شباب في بورتابل
قتلهم انا وااااي عيب هاكا راكي مخطوب خافي ربي
قالولي حنا رانا نزعقوا عليه هدا الراجل منبغوهش بصح
ونسمع تقوله نبغيييك وهي مزوجة ..تشوكيت انا
ومين قتلهم قالولي معقدة متقعديش معانا وبداو يهدرو بصوت منخفض
انا تنرفيت رحت قعدت مع العجايز ..احسن شي
انا كنت نقول اكيد الخبيثون للخبيثات ولكن ربي شاهد نعرف ازواجهم
شرفاء ويخافو ربي كيفاش يزوجوا مع وسخات كيما هدو
واش نقول ربي بغا هاك حنا مندخلوش
انا حبيت نسقسي كل شباب المنتدى
واش رايكم في بنات المنتدى وهل عندما تتزوج تقبل زوجتك تشارك
بمنتدى .. اكيد هي تقول جامي نعرف منتدى
جاوبو بصراحة بدون مجاملة حتى لو الصراحة تقتل
ومشكورين جميعا..
​

 

[bilal22]

بنات لمنتدى كبنات لواقع وانا نعرف بنات هنا يعجبوني اكتر من بنات لواقع
ولاكن كل شيء لما تتقرب منها وتتعرف اكتر تم تبان
لها نقول بلي كيما لي هنا كيما لي في لخارج
ولي صاينه روحها هنا او في لخارج الامر سواء
اما هاذي نتاع جامي عرفت منتدى ونتا اول شاب نحكي معاه ومش عارف هاذي تقدر تميزها من كلامها ولاكن لما تتعرف عليها
شكرا لك ختي وان شاء الله نكون قدرت نجاوبك واي استفسار راني هنا


​

 

[ماكانش]

ياي صاري لعجب يا صفحة بيضاء
كون غير حبست لحكاية في التيليفون برك ، وانا مانحكي ونتي مايخفالك ...
وعلى الرجال تاعهم بلاك الظاهر برك راهم ملاح، وبلاك ابتلاهم ربي
بصح ربي سبحانو مايبتليش في العرض ...
كوني على يقين بلي الرجال تاعهم كيفهم يلعبو ...
لأنو الخبيثات للخبيثين ...
أنا على نفسي والله احياننا نفكر في هاذ الأمر ونتخيل وكل مرة بقرار ...
والقرار الأقرب انها ماتشاركش ...​

 

[هآجر]

السلام عليكم

ايييييييييييييييييييه والله هدا هو الزمان اختي

هدوك هما الي ينجحوا في حياتهم بالكذب والهف على رجالاتهم

بصح متنسايش حبل الكذب قصير
والله يمهل ولا يهمل

الراجل ماشي بنيتوا مع الطفلة وحاط فيها كنفيونس واذا كان ربي يحبوا وهو يعرف ربي يجي نهار ويتكشف كل شيء


والله مستعان اختي

مرسي على الموضوع

حقة انا ثاني وليت نحب نقعد مع لعجايز اني كرهت من البنات هدوما راهم غير هما الي دايرين بيا الليامات هذي ونشمئز منهم


وعليكم السلام​

 

[pixau_dz]

yay rabi yba9i elstr hadoma rahom ghir chwi

 

[الحاج كتو]

بنات لمنتدى كبنات لواقع وانا نعرف بنات هنا يعجبوني اكتر من بنات لواقع
ولاكن كل شيء لما تتقرب منها وتتعرف اكتر تم تبان
لها نقول بلي كيما لي هنا كيما لي في لخارج
ولي صاينه روحها هنا او في لخارج الامر سواء
اما هاذي نتاع جامي عرفت منتدى ونتا اول شاب نحكي معاه ومش عارف هاذي تقدر تميزها من كلامها ولاكن لما تتعرف عليها
شكرا لك ختي وان شاء الله نكون قدرت نجاوبك واي استفسار راني هنا


​

هههههههههههههههههههه
تعجبني يابلال والله فور برك الله فيك
تقولك امانة سبحان الله
احبك في الله


؟؟؟
​

 

[هآجر]

اما هاذي نتاع جامي عرفت منتدى ونتا اول شاب نحكي معاه ومش عارف هاذي تقدر تميزها من كلامها ولاكن لما تتعرف عليها

معليش خويا بلال سعات نقرى جمل نتاعك ونلقها وكانها الغاز

ولازم تعرف الي صاينة ورحها في المنتدى وخارج المنتدى هديك هي الي تربح في الدنيا

و كل راجل عندو صورة خاصة للفتاة التي تصون نفسها
منهم من يقول الطفلة الي صاينة روحها هي الي عمرها ما هدرت مع راجل حتى اثناء الدراسة نتاعها وهذا شيء مستحيل بحكم المراس والجامعات المختلطة

اثناء الدراسة نتاعي من ابتدائي الى الجامعة نهدر مع زملائي ولكن ليس لدرجة اني نقعد معاهم قعدة نتع قصرة فقط كلام على الماشي مثلا على الدراسة ولا على جا الاستاذ ولالاء هذا مكان

 

[ماكانش]

كيما يقولو ماكانش شجرة ماقاسهاش الريح ...
مي القيسان تاع الريح يختلف ...​

 

[الحاج كتو]

السلام عليكم
الناس معادن معدن نفيس ومعدن بخيس
فمن كان معدنة نفيس وغالي ربي يلقينا بيه ومن كان معدنه بخيس ربي يبعدنا عليه ويكفينا شره
شكرا اختي على الموضوك ويعطيك الصحة

​

 

[bilal22]

هههههههههههههههههههه
تعجبني يابلال والله فور برك الله فيك
تقولك امانة سبحان الله
احبك في الله


؟؟؟
​

هههه متحرجنيش يا لحاج راني نحشم هههه
والله اعطيتني اكتر من اللازم وحشمتني فعلا
لك منى فائق التقدير والاحترام يا حبيبي

 

[صفحة بيضاء]

ياي صاري لعجب يا صفحة بيضاء

كون غير حبست لحكاية في التيليفون برك ، وانا مانحكي ونتي مايخفالك ...
وعلى الرجال تاعهم بلاك الظاهر برك راهم ملاح، وبلاك ابتلاهم ربي
بصح ربي سبحانو مايبتليش في العرض ...
كوني على يقين بلي الرجال تاعهم كيفهم يلعبو ...
لأنو الخبيثات للخبيثين ...
أنا على نفسي والله احياننا نفكر في هاذ الأمر ونتخيل وكل مرة بقرار ...

والقرار الأقرب انها ماتشاركش ...​

بصراحة من اجمل الردود اللي شفتهم ..يريح القلب
سمحول لينا اعضائنا الكرام منقدرش نرد ع كل واحد ولكن مشكورين جميعا
انا امنيتي نترك المنتديات ونريح راسي .. راني باغي نكون من الطيبين
والسؤال بغيت نعرف راي الرجال ولكن شبابنا تغيروا ماشي غي لبنات
وعجبتني متشاركش .. تستاهل عليها تقييم
الف شكرا ​

 

[bilal22]

معليش خويا بلال سعات نقرى جمل نتاعك ونلقها وكانها الغاز

ولازم تعرف الي صاينة ورحها في المنتدى وخارج المنتدى هديك هي الي تربح في الدنيا

و كل راجل عندو صورة خاصة للفتاة التي تصون نفسها
منهم من يقول الطفلة الي صاينة روحها هي الي عمرها ما هدرت مع راجل حتى اثناء الدراسة نتاعها وهذا شيء مستحيل بحكم المراس والجامعات المختلطة

اثناء الدراسة نتاعي من ابتدائي الى الجامعة نهدر مع زملائي ولكن ليس لدرجة اني نقعد معاهم قعدة نتع قصرة فقط كلام على الماشي مثلا على الدراسة ولا على جا الاستاذ ولالاء هذا مكان

شوفي ختي اذا تبعي كلامي فصدقيني اغلبيتو معاني وانا تركيبتي هكا في امور هاذي نوصل المفاهيم بالمعاني
اما تعقبي علا كلامي وا تحبي نتناقشو فيه فعلا العين والراس ومتفكريش ان هاذا يقلقني بل لعكس علا الرحب والسعه
نرجع لتلك النقطه يا اختى نقلك حكايه مره واحد صاحبي كان يحوس علا وحده هو يحوس زينه وبنت ناس
انا قتلو كاين وحده موالف نشوفها تفوت عليا وين نخدم ويعني محكمت عليها والو وبنت ناس لاباس بيها قتلو تقدر تشوفها او تحط عليها لبال قالي هاذيك نعرفها وكانت عاجبتني مي لما شفتها تركب وتتعلم السياقه مع لي لي يعلمهم يسوقو قالي لما شفتها تركب معاه وحدها هنا بطلت وطاحت من عيني انا تشوكيت قتلو يا بني هاذي ركبت معاه برك وبانتلك هكا انا لعكس يعني راهي مليحه مدارت والو وهنا تلقاها كونفيونص وصاينه روحها باسكو كاين لي مش تركب برك ياو دير امور كتر
وان شاء الله فهمتي معنى وش قصدت هههه
نزيد نوضحلك صاينه روحها يعني مفهومها باين وصح تغير شوي باسكو لوقت تبدل وعقليات تبدلت
ونقلك لي تحكي ولي كانت حتى تتجمع وتشايخ مع صحابها لي يقراو معاها هاذي امور عاديه جدا
درك دير في بالك لي عندها لحريه ومدارت والو اكيد بنت ناس باسكو مدام كل شي ساهل قدامها
ولاكن متعداتش يعني تحكي وتضحك مع لي يقراو معاها هنا راهي هايله ههه
شكرا لك ختي وطولت عليك وصدعت لك راسك
سلامو

 

[bilal22]

عذرا يا صاحبة الموضوع ان خرجنالك علا اطار هدفك ختي

​

 

[صفحة بيضاء]

عذرا يا صاحبة الموضوع ان خرجنالك علا اطار هدفك ختي​

بلعكس الموضوع راه ليكم
شاركو وردو ع بعضكم وقت ما حبيتوا​

 

[ماكانش]

بصراحة من اجمل الردود اللي شفتهم ..يريح القلب

سمحول لينا اعضائنا الكرام منقدرش نرد ع كل واحد ولكن مشكورين جميعا
انا امنيتي نترك المنتديات ونريح راسي .. راني باغي نكون من الطيبين
والسؤال بغيت نعرف راي الرجال ولكن شبابنا تغيروا ماشي غي لبنات
وعجبتني متشاركش .. تستاهل عليها تقييم

الف شكرا ​

الله يحفظك يا صفحة بيضاء، فعلا راك صفحة بيضاء ...
ما عليهش يقدر الإنسان يبقى يشارك مع خاوتو وهوا انسان طيب ...
اللهم إلا إذا شاف الأنترنت والمنتديات أثرت عليه سلبا وراح تجرو لأمور ماشي مليحة، فهنا درء المفاسد أول من جلب المصالح ....
على اننا نتمنى ان يبقى قلمك الطاهر بيننا ...​

 

[هآجر]

السلام عليكم

سامحنا اختي صفحة بيضاء خرجت على موضوعك ولكن راهو ولد عموا النقطة الي نهدرو فيها

اخي في الله بلال

كلماتك الغاز نتع الصح روح للمنتدى نتع وش راك تهدر تلقى عندي مناقشة معاك في موضوعك نسيت وش اسموا

عندك حق في كل كلمة قلتها

نحكلك تجربة شخصية

شافوني نهدر مع واحد يقرى معيا عدت مرات وفي المرات هذي كان يسقسي فيا على لي كور ونمدلوا يدير فتووكوبي راحوا دمرولي حياتي وقريب رجعوني متزوجة به وفهمك كفايا مع اني اسنانة ملتزمة والحمد الله والكل يشهد الا انه الله غالب كاين ناس مريضة وش راح ندرلهم نقول ربي يهدي وحسبي الله ونعم الوكيل ودمرولي حياتي نتع الصح وربي يمهل ولا يهمل



وصاحبك عندو حق في كل كلمة قالها لانها تعتبر خلوة كما هكداك

وكما قلتي الوقت تبدل دركة منعدت نواحي واهمها ان صمعت الطفلة ولات لعبة والناس عادت تصدق كل شيء خاطر معنهاش ثقة في روحها كون جات واثقة في روحها متنش الناس وس تقول على فلانة وبنت فلان العرض صعيييييييييييييب ياسر


وعليكم السلام

 

[bilal22]

منين نبدا خيتو هههه
شوفي لي اسم الموضوع ودرك نروح وان كان الله اعلم رديت لك عليها ولاكن معليش نتناقشو في اي نقطه راني هنا هاذا بخصوص الموضوع لمهم ذكريني بيه برك

شوفي ختي من قصتك نعطيك حاجه بلي حياتك مزالت هي هي ولاكن ضعف شخصيتك وعدم ثقتك في نفسك خلاتك تنهاري وتحسي بلي صح دمروك
علاه مدرتيش في بالك بلي كاين لي ينتقم وكاين لي يحفضى ويصوني مدامك متاكده من نفسك وعندك قناعه بلي لي كتبهالك ربي هي لي تلحقك كي يحبو يدمروك مش شرط يشوفوك مع واحد يقدرو يركبو لحكايه بكل سهوله ولاكن همه الوحيد هو انهم يشوفوك نتي ضعيفه وتبري في موقفك وتفهمي في الناس وتشرحيلهم خليهم يهدرو كيما يقولو الكلاب تنبح والقافله تسير فلما تصغين لنباحها ان كنتي تعرفين انها كلاب

اما صاحبي يا اختي انا من وجهة نظري طبعا هي صح خلوة ولاكن المفاهيم تغيرة ومبقاش كيما بكري يعني حاجه كيما هاذي عاديه بل لعكس الطفله هاذي كانت تقدر دير امور اكثر مدام خلات بيه ولاكن لم تفعل يعني كانت لها حجه خاصه تتتعلم وتكمل ساعتها وتروح ولم تنزاح وراء امور اخري بالرغم من سهولة الموقف والله لوقت هاذا تبدل خلاص واصبح كل شيء مباح وسهل المنال علا هاذي لي ولينا نخرو بمنظور اخر
ومتقوليش قلتي ياااااااااو هههه نحسك تحكي مع وحده هههه
هيه سمعت الطفله ولات لعبه صح مي وش راح نقلك رانا في وقت فتن صح
كاين لي توصل روحها وكاين لي من عفتها يحبو يتبلاوها وكاين وكاين والله هاذي النقطه تدوخني صح هههه
شكرا لك ختي

 

[somi]

أنا عن نفسي ما نشوف حتى عيب أنو البنت ولا الولد يشاركوا في المنتديات ويتناقشوا
وكل واحد أعلى أحساب تربيتوا
إلى مربي ياربي تحطوا واين تحطوا عندوا مناعة والى ما مربيش يا لوكان تحطيه في جامع أقل شيئ يمنشر في الناس

 

[قلبي يبغيك يالجزاير]

يوجد نوع من البنات ,,اذا اخلص في الحب بيكون على قد الثقة, وما تخاف عليها,,ولو حكت مع شخص اخر بغرض مصلحة عمل او او ,بتكون فعلا كذلك ,,,ربنا يعطيكم نساء كيما هدو النوع

 

[Bad Boy MMA]

7aja 3adiya jidaaaaaaaaaaaaaaaaaaaan


fi mizkoume ntoumaa rjalhoume ma3labalhomshe
​