شوفوا حالتي ................. بواش تنصحوني ؟

[Jeune Sghir Mc]

أنا نقرى فالليسي شفت وحدة وعجبتني بزاف شابة يامحينك:thumb_up2:
هي صح كبيرة عليا بعام وأنا ماعنديش مشكل من هذي الجهة
آيا وليت toujour نخزر فيها وهي عرفت شعوري جيهتها
وولات تبادلني النظرات في حدود :luve_1:
....................
وأنا المشكل اتاعي مالقيتش كيفاش ولا ماعرفتش كيفاش:du_nno:
نروح ونهدر معاها ونعبرلها:ax_flw:
....................
وحبيت نستشيركم في الموضوع وحاب نسمع رايكم
فبماذا تنصحوني؟؟؟
لأني راني نموت
​

 

[ماكانش]

هههههه
راني حاس بيك يا حبيبي
بصح مانهدرش خير لأني راح نطيحلك المورال
نقلك غير اخطاك يا حبيبي لعزيز من هذ السوق
والله سوق فارغ وغير تكسار الراس ...
وماتغركش شوفت الطفلة راهم هكذا يشوفو ويتبلاو وكي تروحخلها تقلك واش بيك شاك في روحك وتخرجلك خرجة تحيرك ...
هكذا يحبو يجبدو اكبر عدد ليهم من المعجبين هههههه
​

 

[Jeune Sghir Mc]

يلزملي معرفة باش تردوا عليا ولا واش
ياخي حالة مغبون في كلش أنا
.................................

صحيت خويا ماكانش أنا راني نقولك انت كاين بدل اسمك
​

 

[دمعة اشتياق]

مادامني بنت ونعرف عقلية لبنات مليح نقدر نرد عليك
اولا يلا راك تحبها ارسل لها طفلة صحبتها تقوللها بلي راك تحبها
يلا قبلت روح عندها هدر معاها ويلا ماقبلتش متستاهلكش
ربي معاك وانا نظن مادام قلت تتبادلو هاديك النظرات راهي تحبك

 

[algerienne d'origine]

اسمع نقولك تبانلي غير روح صارحها بالاك راهي تستناك تصارحها ولا هي راهي تبادلك نفش الشعور
ايا غدوة الصباح روح ديراكت صارحها ههههههههه خير مايديهالك شي واحد .انا هاذا رايي وشوف انت الي يناسبك

 

[بياديق الشطرنج]

انا في رايي روح على روحك اهدر معاها بصح مالازمش تكون قدام الغاشي باش هي ماتحشمهاش وباش مايكونش ردها سلبي قدام الغاشي وباش انت ماتتبهدلش هههههههههه الور مايهمكش فارق السن كي عادت هي اكثر منك يخي الحب اعمى وربي يكمل بيناتكم لطريق الحلال

 

[{مُدَلَّلَتُهُ}]

ya khouya ro7 7ki m3aha ki rahi 3ajbatek w kima galet el bent li 9abli ma tro7ech goudam el nass . aya w rabi yjib li fih el khir

 

[ماكانش]

ياي تبالي غير ماتروحش وخليك من تكسار الراس ...
وراني على يقين بلي راهي غير تلعب برك لأنهم يشتيو يتمسخرو باللولاد

 

[بياديق الشطرنج]

ياي تبالي غير ماتروحش وخليك من تكسار الراس ...
وراني على يقين بلي راهي غير تلعب برك لأنهم يشتيو يتمسخرو باللولاد

واش خويا ماكانش غرت ولا سيرتو كي قال شابة sure راك تحسد فيه هاهاهاها علاه عليك علاه تخليه يتعذب هذا في العوض تدعيلو ربي يقرب بيناتهم في طريق الحلال .وعلابلك راك تظلم في البنات هكذا احنا مانديروش كيما راك تقول خلالالالالالالالاص انتوما برك اللي ماتفهموناش افهموووووووووووووونا واهدروووووووووو

 

[Jeune Sghir Mc]

merci a tous

​

 

[touffik]

هههههههههههههه هبلت خويا كاين باب وحد تدخل منها روح اخطبه من ولديها ومن بعد عندك حق

 

[iktimel]

انا في راي روح ازدم طول قولها بلي راكي عجبتيني و قصلها شوي لقصايص
ضخم الامور ههههه
ولا نقولك اهدر نورمال باش ماتديهاش في روحها
ادا حبت ربي يوفقكم
و ادا ماحبتش وكل عليها ربي ههههههه
ايا صاحا خويا

 

[هآجر]

السلام عليكم

الرود الكل بكاوني الكلافيي تكسر في جرتكم

السيد راح تحملوه دنوب في ذوب

فقو شويا للرواحكم راكم غير تهدرو برك ومكمش واعيين وش راكم تهردو

خويا المصاحبة حرام وانت راك حسب الهدرة نتاعك حاب علاقة بلا ميدراو لا ولديها ولا والديك

حابة نسقسيك


حط روحك انت خو الطفلة هاذي وفاق بها وبك هذا طبعا بعد محكيتي معاها وكل شي ماشي وش هي ردت الفعل نتاعك ؟؟؟؟؟؟؟؟؟؟؟؟؟؟؟؟؟؟؟؟؟؟

يامحاينك اسور درك نتسحت من المنتدى في جرت الموضوع هذا


ربي يسطرنا من الي جاي

راني نسة الاجباة نتاعك وعند ك لا تهرب راني نقعد فوق راسك يا اخي

وعليكم السلام

 

[هآجر]

اسي توفيق عندو الحق

احسن طريق هي تروح تخطب

 

[قلبي يبغيك يالجزاير]

الله يصبر قلبك والسلام.... المرأة كيما البطيخة .... حمرة يا بيضة
انته وحظك,,,, تروح وتلاقيها حمرة اليوم والمستقبل او تلاقيها حمره وبيضه مستقبلا
انته وشطارتك يا زعيم..... تحياتي الحارة

 

[programmeur]

السلام عليكم

الرود الكل بكاوني الكلافيي تكسر في جرتكم

السيد راح تحملوه دنوب في ذوب

فقو شويا للرواحكم راكم غير تهدرو برك ومكمش واعيين وش راكم تهردو

خويا المصاحبة حرام وانت راك حسب الهدرة نتاعك حاب علاقة بلا ميدراو لا ولديها ولا والديك

حابة نسقسيك


حط روحك انت خو الطفلة هاذي وفاق بها وبك هذا طبعا بعد محكيتي معاها وكل شي ماشي وش هي ردت الفعل نتاعك ؟؟؟؟؟؟؟؟؟؟؟؟؟؟؟؟؟؟؟؟؟؟

يامحاينك اسور درك نتسحت من المنتدى في جرت الموضوع هذا


ربي يسطرنا من الي جاي

راني نسة الاجباة نتاعك وعند ك لا تهرب راني نقعد فوق راسك يا اخي

وعليكم السلام

 

[somi]

والله غير حرت من السؤال والردود
انقولك اتهلى في أقرايتك أو خيرلك خليك مالبنات وغيرهم

 

[Bad Boy MMA]

shouf 5ou tba3 elbad boy ou mat5afshe


elhaja lewla makalh teb3atelha tofla puisque tgolek d3if sha5siya


la 2eme chose 5aliha tji min 3andha mashi min 3andek
bon nzide nweda7 aktare /5aliha hiya demendik mashi ntaya bashe enka win sra probleme binatkome ma dgolekshe ntaya ....

ou ray rayek 5ou
​

 

[إيمان قلب]

عجبا لما أرى
تقرى فالليسي ويقولولك تروح تخطب ؟؟؟؟؟؟؟؟؟
سبقو وقالو الردود بكاوني ياو أنا الردود ندبولي وجهي
ألهى في قرايتك خير وخليك من هاذ اللعب راه طريقو الهلاك

 

[ماكانش]

عجبا لما أرى
تقرى فالليسي ويقولولك تروح تخطب ؟؟؟؟؟؟؟؟؟
سبقو وقالو الردود بكاوني ياو أنا الردود ندبولي وجهي
ألهى في قرايتك خير وخليك من هاذ اللعب راه طريقو الهلاك

هاهو الراي الزين
في الليسي مايقدرش يخطب واش بيكم هذا
أفضل رأي انو يهني روحو ويلتى بقرايتو ...
يعطيك الصحة على الرد الباهي ...