مكالمة هاتفية اوقفت قلبي

[ملكة جمال اللمة]

واشراكم يا اهلي نتمنا تكونو ملاح بلامنطول عتيكم ندخل في صلب الموضوع

راهي جات العطلة و جاو لحباب ليوم عيطت خالتي ليما و قاتلها السيمانة الجاية نجيو نفوتو يامات عندكم انا كي سمعت لخبر حكمتني الفشلة و تقلقت

والله مادابيا يجيو بصح الشغل كامل يطيح على راسي مايديرو والو غي يوسخو و يرميو هاد ليامات نقيت الدار راهي تبرق و فرحت قلت نريح شويا و الله ما كملتلي الفرحة كي عيطو شوكاوني

ادا شفتوني غبت عن المنتدى سووور نكون في ورطة سااااااعدووووووونيييييي
راني طولت عليكم اليكم الكلمة

انا انتظر ردودكم
ادا تفاعلتو مع الموضوع نحكيلكم واسم يصرى كي يجيو​

 

[هآجر]

السلام عليكم
اعانكم الله غالتي
واعنك انت بالدات
راني حاسة بك
كشما سحقيتي عيطلي نجي نعاونك هههههههههههههه ايا معليش اختي اصبري وخلاص وشراح اديري الله لا يغيبك عن المنتدى ونشوفوا مشاركاتك الجميلة

ايا السلام عليكم​

 

[girl-alg]

اصبري اختي راهي جاية تورتنا هههههههه
واش حابة تديري فوتي هادوك ليامات وصاي

ربي يعاونك​

 

[massilia]

hhhhhhhhhhh rabi ykoun m3ak khti mais bla39al bark éw 3moi wénzidou nodokhlou na9raw
rabi m3ak nchalah

 

[{مُدَلَّلَتُهُ}]

ya khti ga3 tfout 3lina mais ma 3adna ma ndirou ghi nsobrou w sayi lah ghaleb 3lina
merci 3la el mawdo3

 

[وائل ابن الجزائر]

الصبر مفتاح الجنة لازمك تصبري

هاد واقع الحال

والصبر احسن حل​

 

[Jeune Sghir Mc]

آيا الشاطرة اخدمي الشغل وبلا زعاف
​

 

[NaNouS]

معليش ضياف استحمليهم الايام يعديو وتبقى غير الهدرة كيما يقولو​

 

[منال.48]

أنا نظن نروح نظيف قبل مايسبقوني ويجو هههههههه
والله قاع هكا هما ينقو في ليام قرايتنا وخنا مين نقو ونكملو يجو ايه هادي هي

 

[rima29]

ربي يكووووون في العون ان شاء الله
ضياف راهم يجيو ويروحوا وما يبقاوغير الذكريات​

 

[امورة المنتدى]

خخخخخ اصبري وشدي في ربي هههه ماعندي مانقولك غير الله يعاونك وربي معاك راني حاسة بيك وراني معاك رب وقلب خخخخخخخخ كوني قوية ولا تتراجعي هههههه الى القتال

 

[شجـ الروح ـون]

الضيف ضيف حنونة
يليق تكبري بالك وتوسعي خاطرك
لانو الايام يفوتو وراح تبقى غير الهدرة
وزيد مهما كان راكي فالفايدة
تتعلمي شغل الدار ههه
ماتقلقيش حنونة ووسعي خاطرك
مليحة صلة الرحم
ومكاش كيفها​

 

[ملكة جمال اللمة]

شكرا ليكم راكم نورتوني و درتولي الكوراااااااااااج والله كامل تستاهلو تقييم و انا على وعدي​

 

[زهرة الندى]

واش راح تديري يا خيتي اصبري وراهم يروحو

ماهمش رايحين يبقاو عندكم طول

ربــــــي يعاونك

وكشما تسحقي حنا بنات اللمة رانا هنا هههه​

 

[nour el yakine]

ربي يعينك أختي مكانش مشكل كلش يعدي مكانش حاجة تقعد فاليدين دمتي.

 

[يوسےفے]

ما تكبريش الحاله علبالي بلي تقدريلها ....الله يسهل​

 

[ISMA.dz]

حبوبتي راني حاسة بيك مجربتها
لكن حطيهم فوق راسك راهم ضيافك وكلشي يفوت ماتقلقيش روحك
ربي يعاونك

 

[da3boulla]

ههههههههههه، رانا كامل كيفكيف، معليهش، عقبي الوقت و ماديري في بالك والو، ازهاي مع خالتك و ديرو l ambiance و راهو كلشي يفوت، و حطيلهم نظام برك باش مايوسخوش الدار
تقبلي مروري الخفيف
​

 

[pixau_dz]

ربي يفرج عليك ان شاء الله

 

[دعاء19]

ماعليك اختي غير تصبري راه كولشي كيفوت ويبقا غير تعاويد