انا اب وابنتي فقدت شرفها ساطردها من المنزل

[THE GNAWIE]

كلشي يتحل بالحوار
و الطرد عمرو اذا كان حل
باسكو كي راح ترمي بنتك برا راح تضيعها
و انت باباها و مسؤول عليها
و اذا وقعت هي فالخطا اعرف بلي انت
تتحمل جزء من المسؤولية
لذا اللي عادو ولادو يغلطو يرميهم ما فراتش
رايحين نولو مجتمع متشرد...
انا نشوف بلي يعاقبها باسلوبو
و يسييو كيفاه يصحو الخطا
ماش يزيدو يوقعو فخطا اخر
و السلآآآآآآآآم...]​

 

[nadimm]

شكرا اخي الكريم بارك الله فيك

والله معك الحق ربي يهدينا

 

[عصام ابو عماد]

الله المستعان الله المستعان
تربية الفتة و الولد كيما بعض صعيبة
الله المستعان
الخطأ نتاع الوالد كيفاه خلالها المجال انها تخطئ
ممكن لو كان حريص عليها بزاف كاتوصلش لهذا المستوى
و الخطا الثاني هو خروج البنت من بيت العئلة كيما رانا نشوفوهم في الجزائر الساعة العشرة ليلا و البنت مازال مادخلتش للدار و اش رايح يستنى منها يعني راهي كانت في المسجد تصلي و لا وين
انا رايي انو الوالد الي يخلي بنتو تبات في الخارج سواء كانت جامعة و لا تسهر في الشارع راهو طردها قبل ما تخطئ

 

[nadimm]

والله عندك الحق عصام

بارك الله فيك

ربي يهدي الناس

 

[brahimalg]

نقدر نقول حاجة برك ... لانو ممكن تكون هذي حالة من مليار حالة أسوء منها
و نقولهم ربي يهدي كل البنات و الاولاد

درك ياخي خلطات هي و صاحبها ؟ وين راهو صاحبها ؟ و لا هي غالطة و هو والو ؟

علاش لعب ببنات الناس ..

و الوالد نتاعها نورمالامو يزقي عليها يضربها بلاك تفيق مي ما يطردهاش
الغلطة انو الاب انو رخف عليها الحبل شوية و منبعد طلقو كل كي طردها و ربي يهديه
كان يسو الحالة بينهم و بين الولد و العرس و يتنغلق المشكل كي لي ما كان والو

ربي يهدي برك
البنت تغلط و والدها يغلط اكثر من غلطتها
​

 

[La contesse]

الله يعفو و يبعد الشر و البلا علينا ​

 

[كريستيانو9]

واش رايح دير
هذه هي الحياة

 

[*nassima*]

لا اله الا الله محمد رسول الله ناس بلا ضمير و بلا احساس اباء يطيشو بناتهم و لادهم و ناس فالشارع متشردين يستغلو هذا الوضع لاشباع رغباتهم و العياذ بالله يا ربي يسترنا و يحفظنا و يهدي الناس و يرجعها للطريق الصواب ناس بلا ضمير

 

[naGam]

استغفر الله العظيم
حل المواضيع التي مثل هذه ليس بالطرد وانما بطرق اخرى كإعادة تربيتها من جديد ومعاقبتها وغيرها....
​

 

[دقات قلب * sali*]

موضوع في القمة والنقاش مفتوح

لي عـــــــــودة للرد


الجزائـــــــر sali
​