ماذا ستطبخين اليوم سيدتي الجزء 2

[nada242008]

يعطيك الصحة مريومة القاطو جاك هايل بصحتكم
شكون تجي تشرب عندي التاي

 

[روز]

الله يسلمك مريم ان شا ءالله تزوري الاغواط وتفرحي ونفرحو بيك ان شاء الله
لاتارت نتاعك راني قبل الريجيم كنت كل يوم نعملها مي دركة حبستها منين بديت الريجيم رووووعه مانشبعهاش وانا نقسمها تاني في النص ونعمل القليل من القلاصاج من داخل تاني ولي تبقى نكمل بيها من فوق
ومرسي على الشرح السلاطة تقريبا عرفت وش فيها من داخل لكن قلت يمكن المايونيز ماتخليهاش تكون جامدة هكدا مرسي على الشرح

ام ندى راكي متفكرة رمضان والله ننصح البنات غير رمضان في اللمة عندو طعم آخر تماما تكون الدنيا مجمعة والوصفات والمسابقات و متلمين قبل وبعد الفطور روعة صح انا والله ماحسيت بالغربة وقتها
ربي ويقدرنا على صيامو ان شاء الله

 

[كوثر الوهرانية]

مريومة جاتك الكيكة هايلة جربتها عدة مرات و تجي روعة بصح قوليلي واش من قلاصاج زينتي بيه
ام منصف مشفتهاش اليوم و لبنات وين راهم بلاك كي عاد اليوم جمعة راهم خرجوا يحوسوا

 

[كوثر الوهرانية]

ندوشة راني طبطب عليك حلي الباب وجدي كاس تاي
بصحتكم اختي زدتي حلوة الترك راهي حبيبتي بصح راني مقاطعتها هدوا لاليام ههههههههه

 

[M!ss D!or]

امممممممممممم على هداك القاطو اختي مريم حاسي والله يشهي بصحتكم
عفوفة انا نجيييييييييي خلاص ريزارفيت هههه بصحتك و ماتنسليش تبوسيلي ددوشة
سلامي لكل الغائبات ان شاء الله غير الخير​

 

[ibtesem]

ندو تاي في كاس كبير متحطيش السكرا خلي ورقة النعناع
مريومة ميل فاي وعليها الكلام اي الكيكة والله منضرها هايل اختي
روز مشاء الله الصيف لقبل لفات رحت للاغواط مشاء الله عجبتني سبحان الله باردة في الصيف

 

[assia dz]

بصحتكم كامل واش طيبتو، راكم غيرتوني بزاف يا البنات، طباخات ماهرات وزيد راكم شاطرات بزاف فالكمبيوتر والانترنيت انا راني عاطلة بزاف راني مازال ما حطيت حتى صورة مازالني لليوم نتعلم، وما عرفتش:shay:،راني غير نقرأ ونشوف في إبداعاتكم بصح نوعدكم كي نتعلم رايحة نساهم في إثراء المنتدى بكل واش نعرف. المهم راني درت الدونات لقهوة لعشية مازال ماطيبتهمش بصح ندير المستحيل باش نحطلكم صورتهم.
المحاجب درتهم البارح للغداء وفي العشاء درت مسفوف بالرايب، واليوم للغداء درت ماقارون في الفور.

 

[nada242008]

هيا مرحبا بيكم بسومة وكوثر وصافي ضرك نزيد نحط الكيسان :sheer:
اسيا بصحتك الدونات ورانا متشوقين باش نشوفو طيابك وتبعي الخطوات فقط وان شاء الله تتعلمي كيفاش تحطي الصور
صحيح يا روز والله اللمة في رمضان لها نكهة خاصة
ان شاء الله نفوتوه مجمولين مع بعضانا فيها

 

[ibtesem]

بصحتكم كامل واش طيبتو، راكم غيرتوني بزاف يا البنات، طباخات ماهرات وزيد راكم شاطرات بزاف فالكمبيوتر والانترنيت انا راني عاطلة بزاف راني مازال ما حطيت حتى صورة مازالني لليوم نتعلم، وما عرفتش:shay:،راني غير نقرأ ونشوف في إبداعاتكم بصح نوعدكم كي نتعلم رايحة نساهم في إثراء المنتدى بكل واش نعرف. المهم راني درت الدونات لقهوة لعشية مازال ماطيبتهمش بصح ندير المستحيل باش نحطلكم صورتهم.
المحاجب درتهم البارح للغداء وفي العشاء درت مسفوف بالرايب، واليوم للغداء درت ماقارون في الفور.

اسيا استعملي هدا في تحميل الصورة

http://www.herosh.com/

ام منصف عاملة موضوع تصغير الصورة
تبعيها شرحاتو مليح
ربي اوفقك مرحبا بيك معانا

 

[روز]

آسيا لي مافهمتيهاش ابعثيلي في الخاص ونفهمك مليح وبالصور تاني اذا مافهمتيش ان شاء الله
ابتسام زرتي الاغواط! والله هايلة خسارة ماكنتش نعرفك ومانيش تم كن جيتي لعندي ايامات هي باردة صح سيرتو في الليل و كاينة بلدية اسمها العسافية تم فيها غير الحقول والجنانات صغيرة لكنها تحفة وباااااااردةة سيرتو في الليل تتغطاي بالكوفيرت رووووعة دار جدي تم عندو فيلا وسط جنان كبير و لابيسين روووعة ماتكرهيش خلاص
اذا جيتي لازم تقوليلي

 

[كوثر الوهرانية]

روز اختي كي عاد السكنة نتاع جدك كبيرة و فيها الجنان انا تاني نجي هههههههههههه ربي يخليهلكم و يفرحكم بيه

 

[روز]

ياحسراه ياكوثر نتي برك خلي عينك ترمش وتلقاي دار جدي تحت أمرك
ياريت والله ياريت نقدر نشوفكم وتجوني ونجيكم الناس الملاح من حظي دائما بعاد عليا ان شاءالله تجي فرصة ونتلمو في الصح والله ياريت

اطلبو عفاف تتزوج ونتلمو عندها هههه والله غير نجي نهبطلها للدزاير

 

[assia dz]

شكرا لكن ندى، ابتسام، روز على الرد، شوفو راني رحت من قبل للموقع الذي توضع فيه الصور وحملت صورة من جهازي ولما وضعتها في المشاركة لم تظهر هل هناك خطوات اخرى بعد تحميل الصور في الموقع؟
يعني لما أضع الصورة في الموقع ماذا أفعل حتى تظهر في المشاركة،أنا مثلا في المرة السابقة ذهبت إلى أيقونة إدراج صورة ولصقت الرابط الموجود في الموقع، لكن الصورة لم تظهر. ثم ما هو الحجم الذي أصغر إليه الصور حتى تظهر مثل صوركن؟، عندما ذهبت إلى الرسام وجدت الصورة بالبيكسل.

 

[assia dz]

اسمحولي نروح نطيب الدونات ونعاود نرجع.

 

[imane27]

مساء الخير عليكم لبنات انشاء الله راكم لباس وجمعة مباركة عليكم
كوثر فطورك وعشاك هايل بصحتكم والله ديتى دعوة الخير من عند يمات على واش راكى ديرى معاها
مريم حاسى بصطيلة وسلاطة يشهو يعطيك الصحة
ندى الله الله على هادوك لمحاجب دوخونى سغتو مع لبطة تاع لهريسة
عفاف عضم الله اجركم وان لله وان اليه راجعون
والباقية صح فطوركم كامل
انا هدا كان عشايا درت قرتان بطاطا وكوتليت

 

[ibtesem]

بصحتكم ايمان العشا

 

[روز]

أسيا لما تكون الصورة كبيرة مركز التحميل مايقدر يطلعها وحتى هنا ماتخرجشش
راكي تعرفي تنقصي في حجم الصورة ولا لا...؟
اذا لا نفهمك في الخاص

 

[ibtesem]

حالياً الأعضاء النشيطين الذين يشاهدون هذا الموضوع : 29 (11 عضو و 18 ضيف) ‏ibtesem, ‏**بائعة الكبريت**, ‏أحلام 86, ‏Djazaire-El-Ghalia+, ‏High hopes, ‏imane27, ‏روز22, ‏samora68, ‏s_luna, ‏كوثر الوهرانية+, ‏tasnim55

مشاء الله جمعة مباركة على الكل
ربي بارك وايد

 

[حاملـة المسك]

يعطيك الصحة مريومة القاطو جاك هايل بصحتكم
شكون تجي تشرب عندي التاي

شوف ديك الاناقة ...شوووف
نعناع بسكرة و لا باتنة ؟؟

اليوم غدانا تشيشة مرمز
مع معارك محاجب ....خلطة بقات من يومين كملناها ​

 

[كوثر الوهرانية]

عشاك يشهي ايمانوا بصحتكم
اسيا دي زاد بصحتكم الدونات اختي
اختي روز يوم المنى لما اشوفكم و ملاعيني بنضرتكم يا ربي حتى يجي نهاروين نتلاقوا فيه يا رب