ماذا ستطبخين اليوم سيدتي الجزء 2

[روعة2005]

تحية صباحية للجميع مرحبا ام فاروق طولتي الغيبة .....ديري كيما قالت روز التعب راح يخليك ترقدي

 

[ام منصف]

صباح الخير عليكم كامل يا بنات اللمة العزاز
واش راكم ؟؟؟
احنا البارح عشانا كان قراتان لوبيا خضرا
اليوم الغداء شربة عدس

******************
بصحتكم طياباتكم كامل
​

 

[tasnim55]

السلام عليكم وشراكم وصح غدواتكم الغايب والحاضر
امممم ام منصف نموت عليها شربة عدس بصحتكم وبصحتكم لقراتان تاع البارح
فوفة وشراكي حنونة انشاء الله لاباس والباقية وين راهم
لغدا سندويتش بالتون والمايوناز حاجة خفيفة خطراش راني وحدي
​

 

[ام حبيب]

صح فطوركم اخواتي اليوم درت فلفة محشية وبطراف مشرمل وسلاطة ونبارك للناجحين في شهادة الابتدائي اولا ابنت اختي زهرة الف مبروك حبيبتي

 

[nada242008]

صح غداكم يابنات
هذا غدايا

 

[حاملـة المسك]

السلام عليكم

بصحتكم الغدا يا البنات

راني حطيت بإذن الله موضوع و فيه نجمع كل أنواع العصائر المحضرة في البيت
ومنه يكون مرجع لنا في زمان الصيف و رمضان بإذن الله
الكل مدعو للمشاركة و لا يهم إن تكررت نفس الفاكهة المهم الطريقة و المقادير تكون مغايرة

رجاء..بلييييز لا لردود شكراا و من لها نية لشكري نسبق نيتها و نقلها ألف شكر لك غاليتي

شكرا لك حبيبتي *....* على التقييم


عصائر تحت الاشراف​

 

[rima29]

بصحتكم كامل لغداوات​

 

[روز]

موضوعك هايل بائعة الكبريت أخيرا رايحة تجممع كل العصائر في موضوع واحد
ام ندى ياام ندى طاجين الزيتون نقطة ضعفي وخدمتيه كما نخدمو ونحبو علااااه ):

درت حساء الكرم نتاع الريجيم وصورتو باش الناس تستفيد منو مانيش عارفة وين نحطو في قسم الطبخ ولا قسم صحة حواء..وش رايك ام ندى..
عفاف الجزائرية ماهيش تبان خير ن شاء الله؟!

ومننساش نسلم على الكل تسنيم و ريمة وام حبيب وام منصف والجزائر الغالية وبسومة وعفوفة ايه تفكرت
عفوفة هي ام لميس ياك مانيش غالطة؟؟ ههه ولا عضوة اخرى
​

 

[ام شيماء]

الله يبارك يا اختي فوفة وابتسام راني لحقتكم ههههههههههههههههههه

 

[ام شيماء]

اممممممممممممممم يا اختي كوثر يشهي شعال نحب الزيتون

تقبلي مني هده الباقة من ورود

 

[ام شيماء]

اسيا افتخر بيك يا اختي مانسيتيش عادات وتقاليد والله طعام باللبن هايل

 

[nada242008]

الله يسلمك روز وان شاء الله ترجعي للوزن المثالي وتاكلي كل حاجة تتشهاي عليها
طيبتو كالعادة غير زدت معاه حبة طماطم مقطعة ارباع جاا هايل والله
بالنسبة لحساء الكرم من رايي تحطيه في منتدى المطبخ لان نسبة المشاهدة فيه تكون كثر من قسم الصحة وراني متشوقة باش نشوفو :sheer:
ام لميس هي عفاف هي فوفة 2011 :showoff:
وينهي كوثر ماعادتش تبان
عفاف الجزائرية راهي في بسكرة على حد علمي ان شاء الله ترجع بخير

 

[imane27]

مساء الخير عليكم واش راكم انشاء الله بخير صح فطوركم
ام حبيب اطباق تشهى
ندى طبق زيتون هايل جوعنى مع صباح

 

[روز]

راني عملت طريقة عمل لاسوب نتاع الكرم لصحاب الريجيم وهذا الرابط للمهتمين

https://www.4algeria.com/forum/t/281155

 

[nada242008]

يعطيك الصحة روز جاري الزيارة
راني جربت كيك البابا وجا رووعة كان عجبكم نحطو كموضوع

 

[روز]

اييييييييه يا ام ندى غير حطينا كيك البابا نحبها في رمضان وكرهت كل وحدة تعطيهالي بشكر ودائما تجي معجنة وماتعجبنيش شكلها روعة يعطيك الصحة

 

[imane27]

جاك هايل ندى انا تانى نحبها بصح عمرى مدرتوا

 

[nada242008]

روز انا ثاني درتومن قبل ومانجحليش كي شغل خبزة ومرنخة في الشاربات
بصح المرة هذي ذوقو يشبه للبريوش والله فعلا هايل
ايمان الله يسلمك
ساهل ومايديش الوقت
الرابط
كيك البابا من مطبخي
وينهم بقية البنات مابانوش نهار كامل

 

[assia dz]

جاك روعة أم ندى، يعطيك الصحة
​

 

[عفاف الجزائرية]

وعادت عفاف من بسكرة والحمد لله
راهم يسلمو عليكم ناسها
​