ماذا ستطبخين اليوم سيدتي الجزء 2

[tasnim55]

السلام عليكم وصح غدواتكم
فوفة سلاطة امممم تهبل تفتح النفس الله يبارك بصحتكم ولغدا تحفة يشهي
روز صح غداك حبيبتي وبصحتك دجاج والخضر
​

 

[روعة2005]

https://www.4algeria.com/forum/t/283274
هاو ليك الرابط عزيزتي روز تعرفي جات ميم ميم انا مابدلتش في وصفتها بزاف درت طبقة بيطراف مرابي+طبقة بطاطا غليتها وزدتلها فرماج طري وهرستها با اشوكة +وطبقة جزر رابي +جلبانة مفورة+دهنت الوجه باالمايوناز وزدت طبقة تاع بيض مغلي ومرابي
الله يسلمكم روز وتسنيم وانتما زاده

 

[nada242008]

مساء الخير على الجميع
فوفة غداك يشهي امممم بصحتكم
روز بصحتك الدجاج والخضر
بنت الجسور مرحبا بيك نورتي الموضوع
انا اليوم ماطيبتش بقالي الكرنب من البارح وزدت معاه فريت
صح غداكم كامل
سلامي لكوثر ابتسام دهبيتو ايمان تسنيم اسيا وكل رواد هذا الموضوع

 

[روز]

بصحتك ام ندى الكرنب اهلا بيك تسنيم الله يسلمكم
يعطيك الصحة عفوفة مرسييييييييييييييييييي نجربها ان شاء الله نحب السلايط الباردة خصوصا مع هاد السخانة بصحتك

 

[روعة2005]

بصحتك الكرنب ام ندى والله راني ساخفة نطيبو

 

[imane27]

مساء الخير عليكم واش راكم
صع فطوركم كامل بتك ندى كرمب جا يشهى حنا تانى نقلولو دولمة كرم
فوفة اطباق تشهى يعطيك الصحة بصحتكم
بنت الجسور مرحبا بيك

 

[nada242008]

وينكم ماطيبتوش ولا :scared:
انا عشايا مونجتو في الفور ورخساس
نروح نتعشى ونرجعلكم بالصور

 

[imane27]

ندى رانا تفهما انا تانى رايحا ندير ماشتو

 

[nada242008]

هذا عشايا

 

[imane27]

بصحتكم ندى طبق يشهى يعطيك الصحة

 

[nada242008]

الله يسلمك ايمان وبصحتك انت ثاني مسبقا

 

[كوثر الوهرانية]

مساء الخير عليكم لبنات كيراكم توحشتكم اليوم مدخلتش ولدي الصغير راه مريض الصباح ديته لطبيب و قالتلي انطوكسيكايوا من اايس كرم كلاه البارح و بات في حالة حتى لدرك وراه عيان بزاف
الفطور بقاالكباب من البارح مكانش عندي الوقت باش نطيب و انا فيضت روز كليته مع انور و العشاء درتلهم روز بصوص طماطم و ايسكالوب و سلاطة و انا روز و داءرة تاع كاشي و انور راهوا راقد متعشاش مسكين
ندى اللوبيا في الفرن جاتك روعة بصحتكم
فوفة الله يبارك ماكلتك تشهي خصوصا السلاطة توالم مع هدي السخانة
ايمان روز ام منصف عفاف بسومتي واسيا دي زاد و تسنيم و كامل لبنات توحشتم وين راكم

 

[nada242008]

الله يسلمك يا كوثر
ربي يشفيلك ولدك ان شاء الله ..يومين ان شاء الله ويحكم فيه الدوا
عسيلو السخانة وشربيه الما مليح
هذا وقت التسمم الغذائي لازم العبد يv يتي الماكلة تاع براا قد مايقدر

 

[كوثر الوهرانية]

ربي يخليك ندى و الله هو يشحن على الايس كريم و باباه يساعف فيه حتى بات يتعدب مسكين غاضني بزاف و درك كي نقوله تاكل لاكيرم يقولي لالالالالالالالالالالالالا

 

[روز]

ربي يشافيلك ابنك اختي كوثر دركة كي مرض من الايس كريم مايزيدش ياكلو تهنيتي
الحمدلله راه بخير عسيلو السخانة كما قالت ام ندى ولبسيه حاجة خفيفة
اليوم رحت للتركي وش نقولكم راني حالفة في الفري داي نروح نلتهم هاداك المطعم هههه مالكة بنيييينة سكر ماشاء الله واذا قدرت نصورلكم
الحمدلله شديت روحي بشوي تبولة بالطماطم والليمون
بصحتكم كامل وش طيبتو..الحالة راهي راقدة كل يوم يختفي عضو وش راه صاير ؟؟ان شاء الله البنات يكونو بخير

 

[كوثر الوهرانية]

ربي يخليك اختي روز و كيما قلتي تهنيت ن لاكريم ياكل الي نصنعه انا فالدار مضمون احسن
الحمد الله كي صبرتي روحك بالتبولة يا اختي شفتي العين تاكل قبل الفم

 

[روعة2005]

بصحتك ام ندى عشاك يشه بصحتكم ممممممم الغراتا جاتك هايلة بصحتكم
ربي يشافي ولدك حبيبتي ام كوثر
بصحتك التبولة روز يعطيك الصحة كي صبرتي........ختك جبانة قدام اكل المطاعم

 

[nada242008]

الله يسلمكم روز وفوفة
روز بصحتك التبولة ..انا كي نشوف اكل المطاعم نgهم من عند ربي
كي نسخف ياسر نشبع
وكي نجوع ياسر نشبع:sad:
تصبحوا على الف خير

 

[ibtesem]

صباح الخير يالبنات
واش راكم والله توحشتكم وتوحشت الركن :sheer:
مدام لقرايا مزال مخلصتهاش راسي مراهوش هنا:scared:
المهم نحاو نتواجد مرات احسن من لا شئ :shay:
المهم اين انتم وموضيعكم القديمة وحلاوة القعدة هنا متحلاش الا في الكوزينة :sheer:
اضربو طلة على هدا الموضوع لحب اضيف اضيف واش عندو في ارشيف مواضيعو :santa_1:

معجنات الاسبوع​

 

[زهرة الندى]

صبــــــــــــــــــــاح الخير عليكم طاطاواتي


واش راكم ؟؟؟ واش دايرين فيكم ولادتكم ان شاء الله متعبينكم i-o:ههههههههههه


اسمحولي نحب نتمسخر برك :shay:

ان شاء الله تكونو بألف خيــــــــــر


سلااام:re_gards:​