ياخاه رح تضربني بالمرميطة

[الجريئة]

سلامو ناي اللمة
واش راكم انتيك
انا راني مع الشوماج
والقعدة في الدار
المهم
الموضوع نتاع اليوم
التقابيدات الي تصرا ما بين النساء :surrender::thumb_down::huh::no_no:
ياو قالك زوج نسا
تقابدوا طاحت ما بيناتهم السما
كلمة بكلة
قريب يتجابدوا من الشعر
يا خاه خسارة ماحضرتهاش
حكاوهالي :crying_1:
نرجعوا
المهم جابوها عراك نهار كامل :crying_1::um_sh::surrender:حتى تنارفات وحدة لقات قدامها
المرميطة هزتها و قالتلها روحي
قيلي عزريني سينو
ن...ن......:schmoll::az_flw:
ياو لخرى راحت لا رجعة
وتاني مرة انا ماشيت ونلقى في زوج بنات
وش راح نقلك
من الشعر
مرمدو بعضاهم
ولا تاع لحواش اف
اضحك ولا موت
تتعلم كيفاش تتعرك تم
يبداوها بحشاك الله لا يوصلك
:santa_1:
يكملوها بالكرسيات تترمى لمقالي
الي تحب :scared:_o::cra_zy:
انا ما تجينيش نعاند عباد كيما هكا :cra_zy:
دونجي مي الي وصلني :shiny:
دبراسوا مرة قلقتني طفلة
دخلت ضربتها قدام مها :showoff::showoff:
:lolo::yaw:
كي كنت صغيرة ياحصرة :sheer::sheer:
مي دركا والوا يهدر معايا واحد نقولوا
يا عنكبوت ونهرب ههههههه_o:
(نقصر برك مانيش خوافة هه:shay
وانتوما واش رايكم فالعركات هادوا تاع النسا
انا نشوفيها عار مرا دير هاكا
:um_sh::sneaky2::no_1:
اليكم الخط​

 

[يوسےفے]

دواس نسا واش نقولك:yahoo:هوليوود:scared:هذا جبيد من الشعر هدا قبيش بل الظفار...هذي تقيس .مرميطه و طاوا و بريق ... و ما نعرف ثاني شا كاين ماعن....بزاف خواتي ....تعلمو من دواس الرجال ...بالهداوه:shay: ....راني نgصر....يا ناس هذي مشي حاله ..الله يهدينا​

 

[{مُدَلَّلَتُهُ}]

hhhhhhhhhh da7aktini lol lah yhenik

el mouhim nerja3 lel mawdo3

el nsa lah ybarek 3lihoum nhar yebdaw ma ykemlouch ga3 yla el dbaz kmel yb9a el z3af binathoum lol lah yehdine khti

Merci 3la el mawdo3

 

[SAFA-94]

ياخاه النسا كامل هاك ههههههههههههه.ولاتلقايهم يقولوا ايا وش وش يعجبك طول للشعرههههههههههههههه.شكراعلى الموضوع

 

[الورد الأحمر]

أووو واشمن موضوع هذا لي جبتي خخخخ
ياو حدث ولا حرج هاهاهاها
التقابيضات تاع النسا كي يتخوشاو في بعض
ياو أحكم في كرشك واضحك خخخخ
فكرتيني كي كنت صغيرة وندير الحس هذا
شديت وحدا مرة من شعرها نسلتهولها
وهي تاني شدتلي شعري خخخخ
كي مشطتلي ماما شعري لقاتو يطيح
فاقتلي لي تقابضت ههههه
...
ياو عندنا جارتنا حسها ما يفضش
يااااه عالنسا ...
فضحتينا مع آدم اختي ههه
مغسي عالموضوع، سلامو
​

 

[la_safa]

ههههههه
ايه صح كاينة منها
والله غير بخصو بينا و جابولنا العار قدام الرجالة احم احم
:cra_zy:
°°°°°°°°°
ياي اسكتي برك ديما نشوف فيهم هادو النسا لي يتعاركو:cursing:
سيرتو في المارشي على اتفه حاجة يتعاركو :surrender:
مرة كنت انا و بنت خالي ندورو :lolo:
حتى نسمعو في العياط و الخبيط و الحس hmy:
رحنا نشوفو تعرفي حنا نموتو على حوايج كيما هاكا :yahoo:خخخخخ
قعدنا نخزرو و مبعد تشوف لينا هاديك المرا و تقولنا واش واش تخزرو غير الخير :tears:
دورنا و روحنا نجرو :tongue_3:ههههه

المهم ربي يهديهم برك نساو بلي راهم نسا :crying_1:​

 

[الورد الأحمر]

جيسباغ ما نكبروش ونتزوجو ونرجعو كيفهم خخخخ
​

 

[هآجر]

السلام عليكم

مووووووووووووووووووووووووووووضووووووووووووووووووووووووووع خطيييييييييييييييييييييييييييييييير حنونتي

يعطيك الصحة
هذي حابة تضربها بالمرميطة كاينة عركة مابين رزوج نسا في كارتي نتعنا كانت حابة تضربها بقرعة غاز -مع انها اكبر منها القرعة هذي -

عار وحشومة العراك قدام الناس والرجال

دو بارتوا العراك نتع النسا

مهمش متحضرات

ربي يجيب الخير
ياربي
​

 

[nour el yakine]

هذا يقولولوا المستوى كي ينحط وينزل الإنسان لدرجة الحيوان بالنسبة ليا لي تفعل كيما هكذا ميش إمرأة وخلاص
المرأة بواش تتميز على الرجل بالحشمة والصوت مايطلعش .
مي ذركا رانا نشوفو في حاجات ربي يسترنا ويثبت علينا العقل .
على العموم مشكورة على التنبيه للموضوع هذا .
دمتي​

 

[Jeune Sghir Mc]

يشبهوا للcatch
المصارعة الحرة
ربي يهديهم
​

 

[adraa]

iiih kima goulti hannounaaa fou9 l3aaaaaaaaaaaar fouuu9....

normalement lmra tkoun exemplaire fi kooullech surtt di la douceur!!!

wella matwellich mraa!!


bsh kima 9alou in lam tastahi if3al ma chi't !!!!!!

 

[sahiko hamza]

وعليكم السلام

على حساب مافهمت لعراك عدكم ماتطورش خطراكش ( بويسك ) احنا فالصحرا لي تتعاركي معاها اكتر من اختها
ياو تمدلك زوج كلمات لارام تاعك ( مخك ) يحبس ويبلوكي ويعاود يريديماري ومايلقاش روحو بهاذوك الكلمات ... :lol:

مالا فااار أطونسيون من النساء السوفيات
كون جات هنا hana souf أي حكاتلكم ....

سلام ومارسي على الموضوع.
​

 

[sahiko hamza]

iiih kima goulti hannounaaa fou9 l3aaaaaaaaaaaar fouuu9....

Normalement lmra tkoun exemplaire fi kooullech surtt di la douceur!!!

Wella matwellich mraa!!


Bsh kima 9alou in lam tastahi if3al ma chi't !!!!!!

نسلفك كلافي آراب ؟
​

 

[adraa]

نسلفك كلافي آراب ؟
​

yaaaaaaaaaaaaaaaaahhh wallah diir fia mziaaaaaa

l clavier ta3i ma3ref wech ssralou!!
balak gassettou lhadaraa hhhh
​

 

[sahiko hamza]

او كاين موضوع ينعتلك كيفاه تاكتيفي لاراب فالميكرو تاعك ...
خرجنا على الموضوع
دوك نصلي ونتفاهم معاك بار ميساج ...
​

 

[الجريئة]

دواس نسا واش نقولك:yahoo:هوليوود:scared:هذا جبيد من الشعر هدا قبيش بل الظفار...هذي تقيس .مرميطه و طاوا و بريق ... و ما نعرف ثاني شا كاين ماعن....بزاف خواتي ....تعلمو من دواس الرجال ...بالهداوه:shay: ....راني نgصر....يا ناس هذي مشي حاله ..الله يهدينا​

ياو النسا عادوا يداوسوا كتر من الرجال
وشبيك وبير عليهم ساعات :showoff:
ربي يهدي
شكرا على المرور الحلو

 

[الجريئة]

hhhhhhhhhh da7aktini lol lah yhenik

el mouhim nerja3 lel mawdo3

el nsa lah ybarek 3lihoum nhar yebdaw ma ykemlouch ga3 yla el dbaz kmel yb9a el z3af binathoum lol lah yehdine khti

merci 3la el mawdo3

الله يدوم ضحكتك يا رب
ايووووه ادا بدا الدواس مابين النسا
الله يستر
من الصباح لليل خخخخخخ
شكرا على المرور يا قمر

 

[الجريئة]

ياخاه النسا كامل هاك ههههههههههههه.ولاتلقايهم يقولوا ايا وش وش يعجبك طول للشعرههههههههههههههه.شكراعلى الموضوع

توتوتو ماوش كامل خخخخ
يبداوها بالشعر ولا بالوجه تقول خلي نخبشها
نديفورميها هههههه
شكرا على المرور يا حلوة

 

[الجريئة]

أووو واشمن موضوع هذا لي جبتي خخخخ

ياو حدث ولا حرج هاهاهاها
التقابيضات تاع النسا كي يتخوشاو في بعض
ياو أحكم في كرشك واضحك خخخخ
فكرتيني كي كنت صغيرة وندير الحس هذا
شديت وحدا مرة من شعرها نسلتهولها
وهي تاني شدتلي شعري خخخخ
كي مشطتلي ماما شعري لقاتو يطيح
فاقتلي لي تقابضت ههههه
...
ياو عندنا جارتنا حسها ما يفضش
يااااه عالنسا ...
فضحتينا مع آدم اختي ههه
مغسي عالموضوع، سلامو​

هههههه انا تاني بكري كونت نتقابذ ههههههه
بصح ماوش كيما الصغير كيما لكبير
تع لكبار
تموووت بالضحك
لالالا ماضكتهمش
ادم حل عينك تضحك هههههه

 

[الجريئة]

ههههههه

ايه صح كاينة منها
والله غير بخصو بينا و جابولنا العار قدام الرجالة احم احم
:cra_zy:
°°°°°°°°°
ياي اسكتي برك ديما نشوف فيهم هادو النسا لي يتعاركو:cursing:
سيرتو في المارشي على اتفه حاجة يتعاركو :surrender:
مرة كنت انا و بنت خالي ندورو :lolo:
حتى نسمعو في العياط و الخبيط و الحس hmy:
رحنا نشوفو تعرفي حنا نموتو على حوايج كيما هاكا :yahoo:خخخخخ
قعدنا نخزرو و مبعد تشوف لينا هاديك المرا و تقولنا واش واش تخزرو غير الخير :tears:
دورنا و روحنا نجرو :tongue_3:ههههه​

المهم ربي يهديهم برك نساو بلي راهم نسا :crying_1:​

ايييه بخصوا بينا
ياو حتى انا قرعاجة
مرة ماشية انا وصاحبتي ونشوفوا في مرة تتقابض مع رجال
ومبعد قاتلوا انا اخت الرجال خخخخ
ضحكتني تع الصح
مرسي على المرور