قالك كون متبعثهاش ل20 شخص تحزن9سنين؟

[حكيم البرايجي]

السلام عليكمـ ،،

نظن هذي مجرد كذبات ،، وصلت واحد يمشي وفي يمد فيهم للغاشي في الكارتي ،، هههه

:scared:

هي الواحد لازم يكون إيمانو قوي ،، و ما يديرش في بالو حوايج كيما هكذا خلاص ،،

:thumb_up2:

،، // ــتحياتيــ // ،،،
​

 

[الجريئة]

جابوهالنا العام الي فات في السيام
قالك تكتبها و تمدها ل12 شخص
ولا تطبع و تمدها 25 شخص
ولا يموتلك واح من اقاربك
انا الي يجيبهالي نقولوا يروح يعاف عزريني
يتمسخروا بالعباد كون قال عندك اجر صح
بصح هاد قاعدين يخرطوا برك
سلام​

 

[ابوصفوان]

انا نخدم في مكتبة وعندنا فوتوكوبي شعال من واحد و وحدة يجيبولي هادو الخرايفات نردهم ومانطبعلهمش ونفهمهم بلي ماكان والو لوكان كنت نديرلهم عليهم كون درت شكارة كحلة بصح حرام

سقسيت الوالد دام ظله الشريف قالي اول مرة شافها في 1965 كي كان يقرا في الجامعة وزاد مرة كي كان في الحج
يعني ياناس الحكاية قديمة وهاكاك كاين اللي يأمنها

 

[amouna.dz]

موضوع هام و جديد وهايل يعطيك الصحة

مام انا دي فوا يبعثولي هاد لي ميساج
يقللك واحد حلم بالرسول و مانعرف وشني ولازم تبعثها لـ12 شخص ....اللي يبعثها يجيه خبر مليح الغدوا و اللي ما يبعثهاش يصرالو غدوا مشكل كبير
ياخي تمهبيل ياخي
هادا حساب ما نظن شرك بالله ....لاه شكون يعلم الغيب غير ربي سبحانو

شكرا بارك الله فيك على طرح الموضوع
​

 

[همس الوُرود]

عندك الحق حنونة
كذب المنجمون ولو صدقوا

ok mrc khti

 

[خولة19]

هادا يقولولو تمسخير ...خرطي في خرطي حنونة
كدب المنجمون ولو صدقو
سبحان ربي العظيــــــــــــــــــــــــــم
سلامووووووووووو

 

[hicham500]

هذي من الاسرائيليات ومن البدع التي انتشرت بكثرة في السنين الاخيرة
واصحابها معروفون المشكل في الامر هو غباء الشعوب العربية المسلمة
فمن يكتب تلك الاشياء يستهزء بديننا الحنيف ويدخل في المنتديات العربية وينشرها هناك
والكارثة ان الكثيرين من العرب والمسلمين ينشرونها لانهم صدقوها
لقد شاهدت في الكثير من المرات هذه الاصناف في منتدياتها تنشر هذه الاشياء وتضحك على المسلمين وعلى غبائهم لانهم هم الاخرين ينشرونها ويصدقونها
​