الدارجة نتعنا ..............وش الهدرة هدي صححها

[سجل أنا جزائري]

كاين أماكن مختلفة اللهجة بزاف و كين غير شويا برك تفهمنها نورمال

و يظهر البروبلام هذا كل ما تبعد على المنطقة تعك تولي ما تفهمش :sad:

كيما انا نسكن في البرج و ذرك راني نعقب العسكر في الواد

ساعات كي يهدرو معايا سوافة و الله ما نحكم حتى كلمة :lol:

نقول غير ايه ايه كونكوا راني نفهم :lol:

شكرا على موضوع :re_gards:

 

[المتفائلة_91]

كما نتع الصحرة وحدة من الناس منفهمش الصحراويين وش يهدرو خاطر منيش مالفة بهم وسعات نفهمها بلي راهي تطييحة ليا بينما هي ليست كذلك

بالرغم انو اللهجة الصحراوية هي الاقرب للعربية الفصحى !!!! ،،

عموما

شكرا ليك

 

[NeيRسNe]

اهلا اختي راجية الجنة
و الله انا ماعندي مشاكل مع اللهجات وين ما يميل le roi نميل معاه ماكانش مشكل نسلكي روحي
و ماكانش الزعاف كل واحد وهدرته لي موالفها عادي يعني مي كاين لي ميقبلش تاع كي يقلبو الضمائر الشير يردوه شيرة و الشيرة شير
نت نتي
نتي نت

شكرااااااااا مجددا على الموضوع
​

 

[ابوصفوان]

السلام عليكم
المشكلة ليست في تعدد اللهجات على مستوى التراب الوطني
لان تعدد اللهجات يعكس تعدد الثقافات والاعراق وسعت البلاد وهذه امور جيدة


المشكلة تكمن في استعمالنا لغة غريبة عنا وادخلناها على لهجاتنا فصارت مشوهة
الا تلاحظون معي ان كلامنا خليط بين لهجاتنا العامية ولغة الاحتلال الفرنسي؟
لا الفرنسي يفهم ولا العربي يفهم
نستطيع تكلم لهجاتنا باستعمال كلمات عربية مكان الكلمات الفرنسية
ومن الافضل ان نريح بالنا من الاختلافات في اللهجات ولما لا الكلام بالعربية الفصحى فهي مفهومة لدى الجميع

 

[AnGeL*dZ]

نقولك لحق انا للاشتى مانفهمش لهدرة نعقبها طول
مي كاين ناس يضحكو على هدرتنا ومايهمنيش راني حاكمة فيها ديما
ومانبدلهاش
وشي لكلمات عندنا ماشي عيب وكي نهدرها مع اللي من الوسـط
يقولولي احشم ^^

​

 

[هآجر]

السلام عليكم

شكرا للجميع على التنفاعل

خلاصة القول

كل جهة واللهجة نتعها
والي طالب نبدلوها كلها ولا واحد من كلماتها مكلاه يعول رانا منبدلوا واااااااااااااااااالوا
والي يضحك عليها يجي نهار يلقى وسكون يضحك على لهجتوا
والي معجبتوش لهجتنا ميحكيش معنا وخلالالالالالالالالالالاص

ولكن نبقاو ديما ولاد الجزائر البلد المسلم تحت راية الاسلام

شكراااااااااااااااا

وعليكم السلام​

 

[لورا]

معاك الحق بلي كاين بزاف اللهجات مشي كيفكيف بصح نورمال ..انا من غرداية وعمري ماسمعت هاد اللهجة نتااع تبديل الضماير

 

[loca]

شكرا ختو
اليك بالنسبة ليا معنديش مشكل مع لهجات وسط وشرق و جنوب تقريب مفهومين لي نكرها هي قبايلة هادو لي قلناهم قاع الا كانو يسبو فيك تفهميهم
رواحي شوفيلي قبايلية لا سبتك واش تفهمي ؟؟؟ هادي لي نخاف منها
اما يديرو شير شيرة وشيرة شير انا ضدها تماما الا ادا كانو غراوين يعني طفل صغير من عام حتى ل 3 سنين معليش يعكسو بصح راجل قد زواج ومراة تاني يحكو هكا لالا منيش معاهم فيها
شكرا ااا ربي يخليك ​

 

[الورد الأحمر]

بنت الشرق ... سكيكدية وأفتخر ...
نهدر ونقلب الراجل مرا وفخوووورة

​

 

[هآجر]

بنت الشرق ... سكيكدية وأفتخر ...
نهدر ونقلب الراجل مرا وفخوووورة

​

اروع رد شفتوا في حياتي

نستعرف بك



خديجة ونور

ردكم ثاني حلو كيفكم يا بنات شكرا لكن ​

 

[AnGeL*dZ]

بنت الشرق ... سكيكدية وأفتخر ...
نهدر ونقلب الراجل مرا وفخوووورة

​

أهلا نور نستعرف بيك والله
نقلبو الراجل مرا
وفي هدرات نقلبو لمرا راجل
هدرتنا فوتو كوبي على هدرتكم
ويباتو يعكيو عليها مانبدلوهآش
​

 

[ahmedzoer]

لاالة الا الله سيدنا محمد رسول الله