كل هذا راه يحير فيا و يحيرني ياسر ان شاء الله الحل عندكم انتوما ؟

EL General

EL General

:: عضو مَلكِي ::
أوفياء اللمة
السلام عليكم و رحمة الله



مرحبا خاوتي لعزاز
وش راكم و المورال و ليسونطيمو ؟؟؟ ....


كاينة واحد الهدرة تدور لي في راسي و تحيرني بزاف هي بخصوص :

مثلا نقولوا عندك احساس تجاه شخص ما و الإحساس يقولك بلي ماتقدرش تكمل معاه الشخص هاداك

قلنا مجرد احساس

وش تحسوا ؟ هل الإحساس يخون فيه و انت تظلم هاداك الشخص

أم تصدق الإحساس و تنهيها مع هاداك الشخص ؟

و في الغالب ؟ هل يكون الإحساس صادق و لا كاذب ؟

رأيكم يهمني

شكرا .

سلام .
​
 
توقيع EL General
انا من جيهتي تجيني في راسي بلي عبد مايصلحش نقصها معاه
وقداش من مرة تجيني في راسي بلي هاداك العبد ماهوش مليح مثال طفلة ماتعجبنيش مي انا مانصدقش
من بعد تتبدل تولي عبد آخر نولي نرجع لهاداك الراي
انا الاحساس تاعي ديما يطلع صحيح
جامي جا كادب
 
تعرف يا خويا انا صايرة معايا هدا لحكاية و عندك من اقرب الناس ليا
مش ساهلة باه تكون مع واحد ما تبغيهش نحس في روحي راني نكدب عل روحي مش عليه
انا حتي دروك ما لقيش الحل خلي نشوفوا اعضاءنا واش ينصحوا
لي رجعة اليكم
 
السلام عليك خويا لعزيز
الاحساس يختلف من شخص لاخر
وانت ادرى باحساسك
يعني تقدر تتصرف على هوى صدق احساسك
في مواقف ماضية
.
.
تصرالي بزاف انا هدي
والمشكلة انو كل مانحس هذا الاحساس
يصرا شيء يبعدني على الانسان هداك
وبالفعل مانكملوش مع بعض
احساسي عمرو ما يكدب
لكني ابدا مانقصهاش مع الانسان هداك
نحلي كلشي يمشي عادي
والزمن كفيل بكل شيئ
لكن نصيحة اخي
ماتبني حتى قرار على اوهام
وماتفرط في اي احد
بسبب اوهام
تقبل مروري
وعذرا على الاطالة
:re_gards:​
 
السلام عليكم و رحمة الله
وعليكم السلام



مرحبا خاوتي لعزاز
وش راكم و المورال و ليسونطيمو ؟؟؟ ....
الحمد لله حسني خويا


كاينة واحد الهدرة تدور لي في راسي و تحيرني بزاف هي بخصوص :
تفضل انت بين اخوتك
ان شا ءلله سنكون عونا لك
مثلا نقولوا عندك احساس تجاه شخص ما و الإحساس يقولك بلي ماتقدرش تكمل معاه الشخص هاداك
نعم قصدك انك تعيش احساسا معينا
ولكنك تعلم نتيجة نهايته
قلنا مجرد احساس
احساس فقط
اوك فهمناك
وش تحسوا ؟ هل الإحساس يخون فيه و انت تظلم هاداك الشخص
الاحساس يبقى احساس
مادمت لم تتأكد من نية ذاك الشخص
افضل شيء تقوم به
اسأل ذاك الشخص
هل هو قادر على الوضول معك
الى نتيجة
واذاجابك بلا
فليك سحب احساسك
وان كان العكس
فذاك الافضل

أم تصدق الإحساس و تنهيها مع هاداك الشخص ؟
من الافضل ان تنهي الشك
بالسؤال احسن

و في الغالب ؟ هل يكون الإحساس صادق و لا كاذب ؟
في بعض الحالات يكون صادق
لكن ان لم تعرف نية ذاك الشخص
تكون قد ظلمته
الافضل ان تتأكد
موفق اخي
تحياتي

​
 
توقيع السلطانة

بون سوار عليك خويا حسنى
المورال و ليسونطيمو راك علابالك بيهم هابطين 0% :sadwalk:
و الله يا حسونا خويا كاين ناس يقولو من الاحسن تتبع قلبك
و كاين لى يقولك تبع احساسك و كاين لى يقول تبع عقلك
و بالنسبة لي انا نتبع التالثة لى هي لعقل
على خاطر الاحساس كاين عندنا صح و لكن انت فى حد ذاتك قلتها يحتمل الصواب و الخطأ
بمعنى آخر أنت عندك احساس بصح مش متأكد و اذا لا قدر الله ظلمت الشخص لى راك تحكى عليه
يسمى تانى راك عملك حاجة ماشى مليحة GـراV و راك علابالك لى يظلم يجى نهار حتى هو يتظلم
مالا خويا حسنى انت طرحت الموضوع و طلبت رأينا و أنت بمثابة خويا و لازمنى ننصحك و نقولك تأكد من احساسك قبل ما تعمل اي خطوة ممكن تندم عليها .

موفق شريكى
نشوفك على خير


​
 
taba3 issasak m3a lwaki3 lokan salit salat istikhara nkoulak tab3o khoya sami men chitan ...merci 3la sujet
 
في غالب الاحيان يكون الاحساس صادق ومشي دايما ويمكن هدا المرة احساسك انت راه كادب
وانت ادرى المهم انا نصيحتي ليك ماتفرطش في الناس الي تحبهم لمجرد احساس خليك حتى تتاكد بلا ما تجرحهم
 
مســـــاء الخير اخي حسني

مورال راه - مالا نهاية ههه

الاحساس غالبا مايكون صادقـ ولكن مالزمش تصدقو دايما

وكيما قالتلك بوليسيتنا لازم تتأكد قبل اي قرار و تنهي هذا الشك بسؤال

ربي يوفقـــــــــــــــكـ خيوو ​
 
اسمع أدي من عند خوك
أنا غالبا مايكون إحساسي صادق
وإذا أتاني إحساس مثل الذي ذكرته أصدق احساسي واتبع مايمليه عليا
شكرا
​
 
مثلا نقولوا عندك احساس تجاه شخص ما و الإحساس يقولك بلي ماتقدرش تكمل معاه الشخص هاداك

قلنا مجرد احساس

سلام حسني

'ان بعض الظن اثم'


وفي بعض الأحيان يكوون احساس صادق ممكن

شكرااا


​
 
اخي انا من راي ماتبعش حساسك لانو احساسنا يمكن ان يكون خطا وتعشي انت في الندامة
اخي احكم بقلبك وعقلك اما الاحساس يبقي احساس
ربي يهنيك
 
شوف حاجة اذا كنت ترتاح مع ذاك الشخص حاول كيف تقدر تكمل معاه واذا حاولت وكل شيء جا ضدك الله غالب انهي العلاقة
 
اذا كـــــــــــــــان الاحساس احساس برك
فلا داعي لظلم ذلك الشخص لان الاحساس غالبا ما يخون
طالما ان السبب ليس ماديا
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom