• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

عدد الاولاد

TeNtOuNa

:: عضو مُتميز ::
السلام عليكم يا ناس اللمة
توحشت ندير مواضيع من نهار راح المنتدى ما درتش
المهم اليوم قررت نبدل كتيبتي ونعود نكتب بالاخضر
خاطر حتى كتيبتي عاندوني فيها
ياخي ناس ياخي

المهم ندخلو فالمفيد (الفهامة سابقا)
حبيت اليوم ندير مقارنة بين الاسر ذات عدد اولاد كبير
والاسر قليلة عدد الاولاد
الحالة 1:هدي الاسر لكترة ابناءها ما تتمكنش من توفير كل الرعاية لهم سواء المادية كالغذاء الجيد والمنزل المريح والدراسة الجيدة والرعاية المعنوية كالحنان الكافي والرقابة والتربية المثلى
لكن عندها ايجابيات كيما الحميمية العائلية والتعاون.
الحالة2 : هادي الاسر قلة عدد اولادها يعطيهم امتيازات مادية ومعنوية عكس السابقة وكذلك تربية جيدة وتواصل اسري اكثر غير انها عندها سلبيات كالفراغ وبعض الانانية

ودرك قولولنا من اي اسرة انتوما واي اسرة تحبو تكونوها فالمستقبل
ايا خربشو
​
 
يعطيك الصحة على الموضوع الباهي
انا على نفسي ناوي مانكثرش هههههه
4 ولا 3 مانفوتش ...
ويبقى كلش بالمكتوب​
ربي يبارك دايما السباق حتى واحد مايسبقك الله يبارك درك نعينك هههههههههههه
​
 
شكرا على موضوع
اليك ادا كانو عندك دراهم وتقدي توفريلهم عيشة هانية غي كثري والله ههه كي يكبرو يصيبو غي بعضاهم
وادا متقديش توفريلهم معيشة صاي جبي غي زوج وصاي
انا ادا كانو عندي دراهم ونقد نعيشهم ونجيبلهم لي في خاطرهم نجيب سرفيس ههههههه
دمتي ختو ​
 
ربي يبارك دايما السباق حتى واحد مايسبقك الله يبارك درك نعينك هههههههههههه​

ههههههههههههههه
مواضيع الزواج والأسرة والخطوبة ديما اللول هههههههه
هكذا ساعات توالي وساعات يفوتوني
زعما راني نبعد في العين هههههه
يعطيك الصحة ​
 
موضوع رائع انا عائلتي كبيرة الله يبارك الحمد لله
الوالد الله يحفظه يوفر لنا جميع الامتيازات و الأم كدلك الله يحفظها
التعاون والمحبة في أسرتي الحمد لله
في المستقبل ان شاء الله ان شاء الله ياربي 4 بزاف الخير بصح كلشي بالمكتوب
واللي يعطيهنا ربي فيه الخير
شكرا على الموضوع .
​
 
انا نحب العايلة الكبيرة يعجبني بزاف الجو تاعها
ممكن لاني عشت في عايلة صغيرة مانعرف
المهم انا نحب في المستقبل يكونو عندي بزاف اولاد واحفاد ههههههههه
ونشالله نوفرلهم واش يبغيو هههه ربي يقدرني برك
مرسي على الموضوع الزوين​
 
انا من العائلة الكبيرة لكن مكاش ديك المشاكل الي راكي تهدري عليها
الحاجة الي نطلبوها ديما عندنا
و شكرا على الموضوع حنونة
​
 
انا من عائلة كبيرة والحمد لله بابا موفرلنا كلش الحاجة اللي نطلبوها تكون عندنا

زائد نحبو بعضانا ونتعاونو وكي ينقص واحد منا الدار تسماط


بصح كاين مشكل عويص كي نحبو نروحو نحوسو كامل الطومبيل متكفيش

انا لكبيرة في الدار كون جا الطفل لكبير كون معندناش مشكل فيها

الطومبيلات عندنا زوج بصح كي نحوسو لازم يروحو 3 على خاطر بابا ميقدرش يسوق زوج و3 يقعدو ههههه

وانا في المستقبل ان شاء الله نجيب4 بزاف وكلشي بالمكتوب


 
انا من العائلة الكبيرة و الحمد لله عندنا بركة فيها كبــــــــــــــــــــــــــيرة فالدار و الوالدين موفريلنا كل شيء و الحمد لله
و انا في المستقبل ناوية يكون عندي 2 بنات 2 ولاد ان شاء الله يا ربي، و كلشي بالمكتوب تاع ربي سبحانو.
​
 
حنا في الدار equipe de footballe avec 1 remplaçant وما ننساش بابا روراوة و ماما المدرب ههههههههه
والله ماني نزيد عليكم بصح الله يبارك حنا كامل قاريين و انا الصغيرة نقرا في الجامعة
ونزيدكم اولاد خاوتي و اخواتاتي في المجموع 21 ومنهم اللي كبار عليا هههههه
والله غير روعة العايلة الكبيرة
 
H@teM, تم حظره "حظر دائم". السبب: مخالفة القوانين
ياااا حياة اللمة
.....
موضوع جيد يعطيك الصحة
:re_gards:
​
 
حنا في الدار 2 بنات و2 ذكور

وفي المستقبل ان شاء الله حابة يكون عندي 2 بنات وولد ولازم البنات قبل ان شاء الله
 
يعطيك الصحة على الموضوع الباهي
انا على نفسي ناوي مانكثرش هههههه
4 ولا 3 مانفوتش ...
ويبقى كلش بالمكتوب​

صح العبد ما يكترش باش مايحصلش
 
شكرا على موضوع
اليك ادا كانو عندك دراهم وتقدي توفريلهم عيشة هانية غي كثري والله ههه كي يكبرو يصيبو غي بعضاهم
وادا متقديش توفريلهم معيشة صاي جبي غي زوج وصاي
انا ادا كانو عندي دراهم ونقد نعيشهم ونجيبلهم لي في خاطرهم نجيب سرفيس ههههههه
دمتي ختو ​
صح اختي الدراهم ضروريين لتسهيل الحياة بصح ماشي كي يكون عندك الدراهم دير كازيرنا
 
شكرا جزيلا لكي اختي على الموضوع والله اتفق معكي يعطيك العافية
 
موضوع رائع انا عائلتي كبيرة الله يبارك الحمد لله
الوالد الله يحفظه يوفر لنا جميع الامتيازات و الأم كدلك الله يحفظها
التعاون والمحبة في أسرتي الحمد لله
في المستقبل ان شاء الله ان شاء الله ياربي 4 بزاف الخير بصح كلشي بالمكتوب
واللي يعطيهنا ربي فيه الخير
شكرا على الموضوع .
​
مرسي اختي على الرد بصح ماشي كامل الوالدين كي والديك ربي يحفظهملك كاين الي يولد ويبعت للزنقة تربي
 
انا نحب العايلة الكبيرة يعجبني بزاف الجو تاعها
ممكن لاني عشت في عايلة صغيرة مانعرف
المهم انا نحب في المستقبل يكونو عندي بزاف اولاد واحفاد ههههههههه
ونشالله نوفرلهم واش يبغيو هههه ربي يقدرني برك
مرسي على الموضوع الزوين​
meme انا عايشة في اسرة صغيرة غير انا وخويا ساعات نقول كون جات عندنا عايلة كبيرة واللمة الباهية خير وساعات نقول كيما رانا خير
 
أنا من عائلة كبيرة الطوطال فيها 7 أفراد ...
ويعجبني الجو لي رانا فيه ...
عايشين والحمد لله ...
مي أنا ما نكثرش بربي ان شاء الله
كرهت الغاشي خخخخ
مغسي اختي
سلامو
​
 
توقيع الورد الأحمر
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom