يالبنات(الشيـــــرات) عندكم الجرأة زعمااااا!!!!!

[قــمر الزمان]

البنات نية مافيهمش الخبث يديرو تواقيع وصور هوما تبنلهم عادي جدا فقط ينجذبو للالوان والشكل الجميل الي في الصورةو البراءة صفة ملازمة للانثى هذا التفسير ولكن هاذو البنات لازمهم توعية فقط
اما الذكور تقول كلمة يؤولوها مانعرف واش و الصورة يبقاو غير يخزرو فيها ومايقدروش يديروها لخاطر هوما ماتجذبهمش الاولان والشكل تجذبهم اشياء اخرى اذا كانت كلمة كل واحد وش يفسرها فكل واحد بحسب نظرتو راه يفسرها قادرة تقول صباح الخير وش راك يا اخي وانت مانعرف وش تفسرها يا صاحب الموضوع و اعضاء منتدى اللمة
​

 

[missa_1]

اهيه موضوع فور هذا
وعندك الصح كيما قال واحد الشيخ تستحي العين ان تنظر اليهم
زعما يديريهم يقولو بلاك نجبدو السياح.....خخخ
ربي يهدينا بالكل
ايا سلام
​

 

[Melia azedarach]

وي كاين تواقيــ‘ع يتحشم الواحد باه يقراها ..
أنا وليت نحشــم نهار يلي يقعد معايا بابا وانا نشوف في المواضيــع نلقى ردود تحتهم !!!!

من المفروض نديرو حملة ضـد التواقيع غير اللائقــة ..


يعطيك الصحة ع الطرح خويــا وعندك ألف حق
+
تقييم

 

[اللؤلؤة المصونة]

اظن ان ميضوع لا يخصنيـ

احلى سلامــــــــــــ تهلى​

 

[Miss_Rose]

علاه نتوما ملايكة؟؟؟؟؟؟ الهدرة اللي تهدروها ....غير الواحد ما يحبش يجبد و الدليل هدرتكم كي قلت وهنا نخص بالذكر البنات وو جابلي رب هادي حاجة شخصية واحد ما يقول لواحد علاه درت هادك التوقيع؟؟؟؟؟ وفي الأخير كل واحدة حرة في أفعالها وشكرا على الموضوع اللي نورملمون ما يكونش اسمو كامل موضوع صح بزااااااااااااااااف :santa_1::santa_1:

 

[شذى الإيمان]

وهي تخص تواقيعكم يالبنات يالشيرات يالالات​

يعني حشومة وحد التواقيع عجب معجب
رجال وماناش هكذا ؟؟؟؟؟؟؟:sad::sad:
ماتعرفش اصلها من جااااااااااي
واش هاذي عقلية جديدة ولا جهل ولا تجاهل​

معك حق أخي، كاين بعض التواقيع ما عندها حتى معنى،
لا من ناحية الأخلاق " حشومة " كبيرة كيما قلت أنت، :shay: :shay: :shay:
ولا من ناحية الدين " سيئات جارية، عن كل شخص ينظر إليها " _o: _o: _o:​

بارك الله فيك على الموضوع أخي، وربي يصلح الأحوال، ويهدي العضوات باش يغيرو تواقيعهم للأحسن،​

شخصية العضو وآراء العضو هي اللي تعطي القيمة للعضو أو العضوة،
وليس الصورة أو التوقيع​

 

[شذى الإيمان]

الحمد لله ما عندي لا توقيع ولا صورة رمزية راني مهنية

شوف ما تبقى من الشيرات ربي يهدي ما خلق

مع احترامي للمحتشمات ربي يحفظهم

تحياتي لك أختي​

 

[rebecca]

انا مافهمت شيء غير العقلية اعلاش هاذي عند البنات بزاف

عندك حق أخي، ممكن تواقيع البنات تكون :scared: :scared: :scared:، لكن بعض الأعضاء أو العضوات يرسم في التوقيع الصورة التي يتمناها أو يراها قدوة له، فمثلا...​

" والله الرجال اذا لقيت تلقى تاع برصا ولا ريال ولا كلام "

أما البنات " اللي ما قاستهمش الحمى تاع البالون " تخرج عقدها في المغنيات والممثلات و... و... و....

يعني المسألة مسألة مبدأ وليس ولد أو بنت، لأن البنت إذا وضعت توقيع خاص بالريال أو البرصة...​

تقبل مروري​

 

[roseblanche]

صح عندك الحق .شكرا

 

[programmeur]

مرة تصيب موضوع تاع دين
كي تقعد تقرى فيه الدمعة تحكمك مع الاخير تختمها بصورة تاع بنت غادي توب توبة نصوح هههههههه

 

[AHLEM1992]

صح نظن التوقيع يعبر بشكل من الاشكال على شخصية العضو
الصورة الي يحطها فيه ماشي حاطها برك و الكتبة كيف كيف
و كاين بزااف من الي راك تحكي عليهم الي يحطو صور غير محتشمة و كلام غير لائق
مي علابالك هداك هو الشي الي راه يدور في بالهم و لقاو غير المنتدى الي يقدرو يهدرو فيه مكاش الي يعرفهم
وتاني علابالك كل واحد كيفاش يفهمها ماشي كامل كيف كيف يوصلنا معنى التوقيع الي حاطاتو
و المليحة كامل يصممو صورة متحركة لكاش ممثلة تبكي و يكتبو تحتها ما اجمل دموع التوبة
نفس الشي بالنسبة للولاد مالغري انت قلت لبنات برك ( ... )
.
.
يعطيك الصحة على الموضوع خويا​

 

[lamilam88]

أولا نظن باللي ماهيش طريقة تبدا بيها هاد الموضوع
اللي دايرة صورة ولا توقيع قولولها بالتي هي أحسن
و ديجا الكلمة تاع بالأخص البنات راهو تعبير ذو حدين
واش معنتها هادي علاه واش شفتنا نديرو
الواحد ما يهدرش خير الواحد يبدا بروحو و من بعد كي يبدا ينصح زعما يعرف كيفاش يبدا
بالعقل و الألفاظ المناسبة ماشي بتطياح القدر
مانيش ندافع لكن الطريقة اللي كتبت بيها سمحلي اللي يقرا يقول راهي اللمة معمرة بالصور الخليعة
وثاني كل واحدة حرة في روحها تدير واش تحب
و كاين مشرفين مسؤولين على هاد الحوايج
ماشي أي واحد يجي و يدير موضوع ويبدا يطيح فالقدر
هادا رايي
احترمو ولا لالا كيما تحب.
​

 

[الزنبقة السوداء]

شوفو التوقيع انتاعي كنهو مش مليح انحيه قولوا

 

[Miranda HB]

نقولكم حاجة خاوتي
الرسول صلى الله عليه و سلم قال
النساء ناقصات دين و عقل
الله غالب علينا ما عاندنا ما نديرو
وزيد بزاف بنات تغرهم فترة المراهقة و تحب تكون حرة فيها تعمل لي تحب مي ما تنجمش تدير لي تحب في الواقع ألور تجي تطبق لي في راسها في الأنترنت

 

[Amoula ALG]

أولا نظن باللي ماهيش طريقة تبدا بيها هاد الموضوع
اللي دايرة صورة ولا توقيع قولولها بالتي هي أحسن
و ديجا الكلمة تاع بالأخص البنات راهو تعبير ذو حدين
واش معنتها هادي علاه واش شفتنا نديرو
الواحد ما يهدرش خير الواحد يبدا بروحو و من بعد كي يبدا ينصح زعما يعرف كيفاش يبدا
بالعقل و الألفاظ المناسبة ماشي بتطياح القدر
مانيش ندافع لكن الطريقة اللي كتبت بيها سمحلي اللي يقرا يقول راهي اللمة معمرة بالصور الخليعة
وثاني كل واحدة حرة في روحها تدير واش تحب
و كاين مشرفين مسؤولين على هاد الحوايج
ماشي أي واحد يجي و يدير موضوع ويبدا يطيح فالقدر
هادا رايي
احترمو ولا لالا كيما تحب.
​

وي ختي عندك لحق
وانا هدرتي كما لاخت lamilam88
يعني شوف منبعد احكم
خويا لبنات مش كامل كيفكيف
مغسي
​

 

[احساس انثى dz]

واش هاذا لكلام بلعقل عليك ياخو ورد بالك على روحك لا يترتقلك كاش عرق
انا راني عندي هنا مدة لحد الان مازال ماشفتش هادو ليزيماج لي راك تهدر عليهم
وجابلي ربي هذا الموضوع ماعندو حتى داعي كل واحدة راهي هنا كبيرة وتعرف واش راهي دير وكل واحدة راهي مسؤولة على روحها وهذا لكلام راهم علابالهم بيه بلا ما طيح بلكلام لي ماعندو حتى داعي
جابلي ربي رانا في منتدى محترم وفيه اداريين ومشرفين هما لي يحاسبو الشخص لي دار هاذو لي زيماج
خو نظن لوكان هدرت بطريقة مليحة كان حد ماقالك علاش وكيفاش بصح انت لي سبقت بكلام يمس شوي مشاعر لبنات
وماشي كامل لبنات كيف كيف كاين وكاين كنت على الاقل تقول البعض منكن ماجملش
كنا بلاك تقبلوها ونناقشو الموضوع بعقلانية
مي انت ماخليت عقل


وانا الحمد لله جامي درت توقيع ولا صورة غير محتشمة كاين ربي هو لي يحاسب وكل واحد ونيتو

 

[شذى الإيمان]

شوفو التوقيع انتاعي كنهو مش مليح انحيه قولوا

شكرا عزيزتي لأنك قبلت دعوتي لزيارة الموضوع،

وهذا يؤكد لي أنك تستحقين توقيعا أجمل وأرقى من هذا

تحياتي لك​

 

[mira kou]

مشكووووووووووووووووووووووووووووووور يعطيك الصحة خويا على المضوع
ربي يهدي ماخلق مع اني مانكذبش عليك مازلت ماشتش حتى توقيع مي باين بلي كترت هذه الظاهرة عليها تفتح هذا المضوع
في امان الله

 

[ibtissam ami]

انا ما نحشمش بتوقيعي مهما كان

وشكرا اخي

 

[saralg]

التوقيع ما يعبرش عن شخيصتك ....... التوقيع يعبر عن حالتك النفسيه و العاطفيه ...و افكارك ... و كل واحد عندو افكار مختلفه عن غيرو ........ و احترام الاختلاف اكثر من ضروري