ظوآهر غريبة في الجآمعة الجزآئرية - جزء 2 -

[nina bonoise]

اونديغي راكي تحكي على 2 بنات مالفة نشوفهوا في لافاك
حالتهم كيما حكيتي الميني و العلك و طابلوا بيكاسو

 

[AnGeL*dZ]

أممم أكيد يخيرو بلاصة وين كاين ليجون بزاف... ويفوتو عليهم
هوما يفوتو مي الـpـاغفان تاعهم يبقى في خشم ليجون ...

المرأة ولا الطفلة اللي تحط باغفآن وتفض لقرعة تاع الريحة في نهار برك باه تأتيغي لي جون تعتبر زآنيـة
واش بقى كثر من هاكا

عن أبي موسى الأشعري قال : قال رسول الله صلى الله عليه وسلم :"أيما امرأة استعطرت فمرت على قوم ليجدوا من ريحها فهي زانية "
يعني :
هيجت شهوة الرجال بعطرها وحملتهم على النظر إليها ومن نظر إليها فقد زنى بعينيه فهي سبب زنى العين فهي آثمة
-------------------------------
ماعندنا حتى هدرا بعـد الديـن
ربي يهديهم
​

 

[مايا الجزائرية]

فوووووووووووووووور ربي يحليك شكرا على الموضع

وكاينة منها واش كتبتي
​

 

[الورد الأحمر]

اول شيئ عجبتني الخاتمة تع الموضوع
بارك الله فيك
ظرك نرجعلك يا ماروكو هههه
​

ههه خير من والو ...
هيا اوكي راني نسنا فيك
يا النوغس
​

لي قلتيه قاع صح تحسبي ماناش في لافاك رانا فالبحر ولا عرس

وي اختي ... ربي يهدي ... مغسي ... سلامو
​

يعني انا ليوم كي ظهرتلي نجي بكري و مانديرش روطار
ظهرتلك نتي تديري فاكونس :schmoll: ماعليش هههه

°°°°°°°
ايه واش تديري هادي هي الجامعة ماهي جامعة
ياي المشكلة درك تروحي للسيام برك تبقاي حالة فمك
خلي ياعليك وين يلقاو الحرية
و تعرفي لبنات كي يلقاو الحرية راهم يتطلقو طلقة وحدة

°°°°°°°
الله لايوصلنا لحالتهم ان شاء الله
مرسي خيتي عالموضوع
​

ههه آو وي خرجنا فاكونس سي بون خخخ
وي الطفلة كي تلقى الحرية تتشلح طول
وواحد ما يلمها جونغ تتبشت ...
مغسي صفصوفة .. سلامو
​

سلام

رانا خايفين تزلزل بينا الارض
وقت راانا فيه الله يستر

الاختلاط و
العري داير حالة

ربي يصلح ويهديييييييينا كامل

​

وي كاش نهار يخسفنا ربي من الباطل
لي نديرو فيه ... ربي يهدينا ويبقي الستر
مغسي خويا ... سلامو
​

ييييييييييييييييييييييييه مازالت حية هادي نور و لا منعرف و ش اسمها :cra_zy:
ياو كرهناك يا بنتي أرحلي عنا:shiny:
:sheer::sheer:
نرووحو لموضعك ترا
اهاه
يييييييه يا نور من وين نبدا و لا من وين نكمل
وين راني فالجامعة ولا fashion mode
هادي لافاك تع الأدب و لا سيدي فرج

راكي شفتي بعينك يا بنتي و ركزيلي كي يسخن الحال نبداو نشوفو هادوك المخلوقات الفضائية فليكووور
تقول مفرغين بنتورة على وجوهم و لبسة الله يلعنهم عليها برك
انا نقلك لي تلبس هكداك راهي ملعونة و قاعدة تلقط فالذنوب
ومنحكيش على لي كيما قلتي
تمشي و تتشخلع ولا منعرف كفاه ههههه



و الله لي تحير مش كي جاو للجامعة من دون معندهم شغل نو هادي رانا والفناها هي و الدور و التحواس مشالهم فالدم
مي كاينة لي تجي تقعد فالجامعة حتى و متقراش مي على الاقل شوي محترمة
اما الكاليتي هادي والله ماراهي بلاصتهم تما راكم عارفين مليح وين يلزم يكونو
+
من هنا و من هذا الموضوع
نقوووول
لي يخلي اختو تلبس البسة فاظحة رااه ديوووووووووووووووووووووووووووووث

كامل نسبو لبنات مي لبنات هادو شكون؟؟؟؟ راه اخت فلان و علان
مالا لازم كل واحد يزير روحو
عيب وش راه يصرا

اسمحولي كثرت نهرف الله غالب كنت فالحبس و هادا وين خرجت
i-o:
​

ممم مشتاق ولا ذاق i-o:i-o: واش الجوغنال هذا ؟
ايه مغسي عادل راك هدرت كلام مليح لأول مرة خخخ
وي لبنات راهم دايرين حالة والمهزلة لكبيرة أي
تاع الرجال لي ما بقاوش رجال يخليو بناتهم
يخرجو هكاك وتلقى باباها يوصلها وفرحان بيها
ربي يهدينا أجمعين ... شكرا عادل سلامو
​

والله يا اختي الوقت هدا صعيييييييب
الله يحفظ و يستر هدا مكان
و الطفلو زينها حياها مش الشوينغوم و الميني و و و و و
ربي يهدي ما خلق
و يعطيك الصحة حبيبتي

هذيك هي الزين في الحياء مش الديكولتي والميني
والشوينغوم ... ربي يهدي ... مشكورة عالمرور
سلامو
​

ربى يلطف بينا برك هذا ما نقدرو نقولو
و الله غير فسق كبير فى بلادنا ديفوا نخرج لبلاد نبدا نسقسى روحى انا فى عنابة و لا فى لندن :cra_zy:
ربى يهدينا و يهدى الأمة العربية جمعاء

مرسى عليك ماروكو آآآآآه مرسى عليك نوغ :shiny:



​

أها راك في عنابة مي جات زارتها لندن ...
وي أحسن شي نديروه ندعيو ربي بالهداية
من يهدي الله فهو المهتدي ومن يضلل فلا
هادي له ... ربي يهدينا ... مغسي ... سلامو
​

للحجز ،،،،، لي عودة بش نمنشر

اوكي اختي ... نسناك ... مغسي ... سلامو
​

 

[الورد الأحمر]

اهلااااااااااا بيــــــــــــك نوغ :shiny:

تاع الـpـاغفان فشط فشط .

هههه عجبتني هادي ...

:cra_zy: :cra_zy: بصح علاه وانا علاه حاضر معاهم :scared:

حسان، عمار، نسيم ، محمد والقائمة طويلة ...



هرج كبييير والله يخي حالة !!!!

وش ديري

شكرااا علا التقطاااع ههه لا علا الموضوع
​

ههه جا برك اسمك في الطريق ...
وي هرج كبير صاير ...
ما تقوليش انتا تاني تدير فشط فشط i-o:
مغسي نسيم ... سلامو
​

وعليكم السلاام,,,ممم تقدري تقولي هاد الظواهر باغتو ماشي فلجامعه برك
باتش مانظلموهمش ييعني وحده فلابتدائي تلقايها دير في صنايع تصيبي تخنقيها
واش يعجبك ماشي شابين ويحبو يورو رواحهم ويتقوعرو والله غير حشمو بينا
وماخلاوناش وجه...
​

وي ما خلاوناش وجه ... حتلا الدرية النايضة
دخلتها لفهامة ... كل وحدا واش تحسب في
روحها ... هذي لافوت تاع الوالدين ...
مغسي اختي ... سلامو
​

ههههههههههههههههههه
نوغ نتي تحكي ونا فيلمي فالمشهد ههههههههههههه
و الله غير صح قسما بالله غير ظواهر ماشي غير غريبة كوارث طبيعية تصرا
الفيش و الفوخ تحسب جايين من بلاصة اخرا وهوما غير مكانش كارتيي تاع قلاليل
شكراا نور ندرب دورة ونرجع ادا سمحتي
​

اهلا نسرين ... مرحبا
كوارث خليعة ظواهر طبيعية كارثية
ربي يهدي برك ... وتلقاهم 00
مغسي نسرين ... ايه ارجعي
... سلامو ...
​

لبنات..................
خلي يديرو رايهم رانا نشوفو
​

حتى أنا ما حكنتهمش :shiny:
رانا نشوفو ...
مغسي ... سلامو
​

ههههههههههه شحال عجبني إقتباسك لجملة عادل إمام ههه ..
يا أختي الله غالب هاذو ما عندهم أولياء ما عندهم ضمير .. هواهم الوحيد أنهم يتشهرو للأسف في بالهم ليجان راح ينخلعو بيهم ههه لاكن للاسف راح يدو عليهم نظرة بلي مش متربيات والغرض الوحيد منهم هو الفاحشة الله يعافينا ..
وألي ما رباوه والديه ما يتربى وحدو .. وربي يهدي ما خلق ..
​

وي الجملهة هذيك هي لي تليق بالموقف هذا
وي الغلطة تاع الأولياء ...
وما يتخلعوا بيهم ليجون ما والو ...
غير كي تطيح من عينو هذا ما تكسب ...
ربي يهذينا خويا ... مغسي ... سلامو
​

ياعيني عليهم تقول عليهم في بوم لولللللللللللللللللللللللللللللللللللللل
ماشي هكة ياجماعة والله انا نحير كيفاش واحد ولي ولا ام تخلي بنتها تخرج هكدا كيفاش هدا ماتخافش عليها ماتقولش وش لابسة بنتي والله عجب او كيما قالهم البشير الابراهيمي ربي يرحموا ويرحمنا حنا ثاني معاه
راس البلا هو دهاب الغيرة من صدور الرجال والحيا من وجوه النسا ...باش تقولي واحد حر وملتزم بتقاليده ويخلي بنتوا تخرج كيف اكاك عيب والله عيب
وحتى البنات على النية ما عندهم لاشخصية لاوالوا الكل يتبعوا في بعض جات وحدة لابسة صباط مليح الكل يلطخوا منوا جابت وةحدة ديباردور ولا تيشرت الكل يلطخوا منوا والله ماتلقى منين تحكم ولاتسيب
ربي يحفظنا برك
شكرا لك استادة نوررررررررررررر

وي الراجل راحت منو الغيرة
ولمرا لقاتها أوكازيو
وهذا كمّل الغلطة للاخر
وعاشوا في غلط وخطيئة
مغسي خويا ... سلامو
​

سلام
وي صح كاينة منها واش قلتي كامل
انا يغيضوني غير الوالدين تع لبنات في بالهم باعتين ولادهم يقراو
وهوما راهم يبنيو في لاvونير
الله يهدي ويلطف بنا وقتنا راح صعاب بزاف
انا في ليام تع قرايتي وما نروحش للفاك
ما نعرف واش يديني نهارات ما نقراش فيهم
تروح تصيد عصفور ولازوج
مشكورة على الموضوع
ايا سلام​

أها سالي ماكان لاه يغيظوك أولياءهم ياك
هوما لي خلاوهم يخرجو من الدار هكاك
مالا يستاهلو ....
مغسي سالي هيا سلامو

​

آآآآآآآآآه من الكاسيات العاريات
انا نشوفهم نحشم في بلاصتهم
او يسميوهم كافي حاب يتحلب
ربي يهدي ما خلق
ايا سلام نور خانم

كاvـي حاب يتحلب ههه
وانا نسميهم هزاااارش
هاكي جيتي تمنشري
ما حملتكش روحك
لازم تمنشري ...
ههه مغسي
سلامو
​

مضوع راءع وممتاز واصلي يا ماروكو
الله يستر من هاد الاشكال
​

وي ربي يستر ... مشكورة اختي ... سلامو
مليح كي عجبك الموضوع ..
​

هههههههههههههه
والله جبتيها حنونة

:shiny::shiny: مغسي ... سلامو
​

 

[الورد الأحمر]

اونديغي راكي تحكي على 2 بنات مالفة نشوفهوا في لافاك
حالتهم كيما حكيتي الميني و العلك و طابلوا بيكاسو

ههه أو قلتلكم والعينة هذي كاين منها بزاف
هي 3 هي4 هي5 وهيn
ربي يهدي ... مغسي لينا ... سلامو
​

المرأة ولا الطفلة اللي تحط باغفآن وتفض لقرعة تاع الريحة في نهار برك باه تأتيغي لي جون تعتبر زآنيـة
واش بقى كثر من هاكا

عن أبي موسى الأشعري قال : قال رسول الله صلى الله عليه وسلم :"أيما امرأة استعطرت فمرت على قوم ليجدوا من ريحها فهي زانية "
يعني :
هيجت شهوة الرجال بعطرها وحملتهم على النظر إليها ومن نظر إليها فقد زنى بعينيه فهي سبب زنى العين فهي آثمة
-------------------------------
ماعندنا حتى هدرا بعـد الديـن
ربي يهديهم
​

يعطيك الصحة ... ما عندنا حتى هدرة بعد الدين ...
ربي يهدينا أجمعين ... مغسي اختي ... سلامو
​

فوووووووووووووووور ربي يحليك شكرا على الموضع

وكاينة منها واش كتبتي
​

اهلا بيك اختي ...
وي أكيد كاينة ...
مغسي اختي ... سلامو
​

 

[l'espoire.h]

ربي يهدي الجميع ان شاء الله
​

 

[عصام ابو عماد]

الله المستعان
مررت من هنا

 

[sisou023]

يا ودي شا نحكي وشا نخلي كل شي قلتيه صح ومتنسايش في وقت سخانة يشرو قرعة قرعة ما ولاكريم زعمة بنات بلاد ويحكمو بلاصة تاع ظل وقلتيلي ما قتلك ني حشمة ني حيا حاسبة روخها راهي في البحر تشمس