شوشو وحكايتها....

[السلطانة]

مساء الخير عليكم
ياجماعة الخير
توحشت نحكيلكم
ليا دهر مخربشتش هنا
..........
كنت غايبة نحوس
راكم عارفين الصيف دخلت
ولازمنا نتقلشو

مالا نحكيلكم على لبلايص لي زرتهم
استعدوا
........
هيا كيف خلصت لقراية
بقيت نستنى في الكادو زعم
فاتو اكثر من 15يوم
وماجاني والو

وانا صبرت وقلت باين فيها تخيزوغ:shiny:
.......
ماما
قاتلي انساي ديجا علاماه تحوسي
تحوسي على قصر ولا صباط ساندريلا
طول حياتك وانتي تدي في الكادوات :sad:
وانتي كرشك كبيرة تحوسي غير على الضربة الصحيحة:schmoll:
لي يسمع يقول طلبت طوموبيل:sadwalk:​

papa قالي
اصبري عندنا حوايج اهم نخلصوهم ونرجعو ليك :sad:
........
:sheer:خلاه خلاه ر اني صابرة

ورجعت شوشو صديقة النشافة والبيدون
والكوزينة ومادارت فيا
يعني نشوف خويا داخل خارج
للدار يلقى كلش واجد
غير ياكل ويستيكي روحو ويخرج
وانا مع الاعمال الشاقة
:scared:
راكم مزهريين ياليجان لبنات كامل يحسدوكم
كون جيت طفل :
-راني نشبع رقاد
-نلقى السني واجد
-ونزيد نشرط على الماكلة
-نقلق نخرج نريح مع صحابي في الكارتي
-واحد مايسالني ولايقلقني
-نروح نبحر كيما نحب
ايييه كون جيت طفل
بصح راني شوشو ههه

هيا واش رايكم عندي حق ولالا
الطفل راه prince خيرمنا حنا لبنات؟
ناقشونا

​

كي العادة ولعوايد شعارنا المنشود:
هدا الموضوع برعاية:-شركة شوشو للانتاج المنغولي-

وماكنلاه تعاندو

​

 

[السلطانة]

شكرا على الاعتماد
​

 

[المتفائلة_91]

هههههههههه هذا ماك يا حوت اشربه ولا موت ،
بصح نقولك الصح انا من كثر ما قريت كرهت الخرجة ، عاد ماذابيا طول في الدار ، والتسياق والنشافة عادولي متعة خاطر توحشتهم ، عااام كامل وانا نقرا ،،،،

خويا عالعام هو البرا ، بصح كي يجي توريله ماما ، ايا عاون اختك ،،، ممممم عادلة


مازال عندي هدرة ،،، شوي ونرجع


يعطيك الصحة شوشوة


​

 

[هدوء المطر]

يعطيك الصحة شوشو على الموضوع الزين
لي عودة إن شاء الله
​

 

[BARCA232]

الغيرة تهـــــــــدر عيشوش
كونترا عليكم وبلغي سلامي لأخوك
وأذا خاصه شيء راني هنا نجيبه ليه
كونترا عليك

​

 

[السلطانة]

هههههههههه هذا ماك يا حوت اشربه ولا موت ،
بصح نقولك الصح انا من كثر ما قريت كرهت الخرجة ، عاد ماذابيا طول في الدار ، والتسياق والنشافة عادولي متعة خاطر توحشتهم ، عااام كامل وانا نقرا ،،،،

خويا عالعام هو البرا ، بصح كي يجي توريله ماما ، ايا عاون اختك ،،، ممممم عادلة


مازال عندي هدرة ،،، شوي ونرجع


يعطيك الصحة شوشوة


​

اهلا اختي المتفائلة نورتي
اواه مالا ماماك كانت مدالتك وقت لقراية :sheer:
عندك حق كي تفرحي للبيدون والنشافة دركا ههه
ههه دبرتيها كي عاد خوك يعاونك i-o:
صحيتي خيتي
شكرا على المرور الطيب
ننتظر عودتكي
تحياتي

 

[السلطانة]

يعطيك الصحة شوشو على الموضوع الزين
لي عودة إن شاء الله
​

اهلا ياسمينو
منورة حبيبتي
انتظر عودتكي
تحياتي

 

[السلطانة]

الغيرة تهـــــــــدر عيشوش
كونترا عليكم وبلغي سلامي لأخوك
وأذا خاصه شيء راني هنا نجيبه ليه
كونترا عليك

​

:sadwalk:الحقرة لي هدرتنا ههه
ايه نتوما عايشين راقدة وتمونجي وحنا مساكن نهنبرو طول
يبلغ خويا
:schmoll:ايه وتزيد تجيبلو حتى انت تسمى ديما عندو الزهر هو
صحيت موح خويا على المرور الطيب
تحياتي

 

[sissi-jijlya]

و الله عندك الحق الذكورا راقدين و يمونجيو اليوم قلت لماما لوكان غير جيت طفل ندير ولش نحب .....هههههه قالتلي... راكو تعرفو لا غيبونس نورمالمو
و الله عندك الحق في كلش واش قلتيييييه رايحين نهبلوا فيف الذكورة ولا طيش

 

[الورد الأحمر]

أهلا شوشو ... من زمان كتير ما خربشتيش هنا
هيا مرحبا بيك في واش راك تخربش ...
ايه الحالة هذي تاعك ...
تقدري ترديها
نور وحكايتها ...
ولي تفوت من هنا رايحة تقولك
عايشة لو مام كا ...
عايشة يعني مارة بنفس الموقف
مش عايشة انتي ههههه
...
خويا داخل خارج ... رايح جاي
نور ... تعبي الباليا والبيدون ...
وتضرب النشاف ... كيما اليوم
راني قمت بالعملية هذي ...
مي ما درتش العفسة السحرية
خخخخخ
...
عندنا ما نقاسيو في الصيف ...
جاب ربي يتفكرني بابا بخرجة
طريق الكوغنيش ولا لشط لبحر
نحي شويا هموم تم ...
مغسي شوشو فتحتيلي لمواجع
واااااع وااااع
...
:: كيما قالت ... بلا معاندة ::
سلامو
​

 

[N@riM@N]

وي وي شوشو هديك هي تعجبيني
وكان يقعدو نهار مع تسياق وغسيل لماعن يجن جنانهم
انا عندي يومين منلي قعدت فدار راني رايحه نتفلق قلقت بزاف

​

 

[يوسےفے]

ههههههههههههه.....اهلا شوشو....مصحتك الكادو(النشافه و البيدون)....قال قال ..:santa_1:كون جيت طفل..زعما طيgي على شقاك:santa_1:......ههههههه ما سبت ما نقول...المهم الصيف راه طويل وعريض والنشافه و البيدون غادي يديرولك مسلسل ما عندهش حلقه أخيره ....:sheer:.الله يكون في عونك ..:sheer: أختي شوشو .....
تحياتي​

:re_gards::re_gards::re_gards::re_gards::re_gards:​

 

[nassim007]

اهلا بيـــــــك

يا غياااارة

اه هيييه حنا الذر gاعدة وتمونجي

غدا عشا يجيني هنا للميكرو اخخ

معليش بصح ساعة ساعة نعاون لواحد ميكونش ثقيل برررك

شكراا على مووضوعك والطلة نتاعك
​

 

[تاعبة كل الناس]

صباح الخير الاخت شرطية اللمة :shiny:
ياو لا ماديتيش الكادو في الضربة السخونة كيما خلصتي
شهدي :sheer:

:scared:
راكم مزهريين ياليجان لبنات كامل يحسدوكم

لا والله ما نحسدهم معيشتهم خامجة :schmoll:
واه نندب يشرب فالكاس مايهزوش :schmoll:
قشو ما يعرفش يغسلو :schmoll:

كون جيت طفل :
-راني نشبع رقاد

دجاج :showoff:

-نلقى السني واجد

والله تعيي حلاوتها كي تسديه نتي و تفرحي بروحك :sheer:

-ونزيد نشرط على الماكلة

خخخخخخخخخ تعيي اللقطة هادي
فالحين غير فالهدرة

-نقلق نخرج نريح مع صحابي في الكارتي
-واحد مايسالني ولايقلقني

مدايرتها وانا بنوتة :shay:

-نروح نبحر كيما نحب
ايييه كون جيت طفل

هادي برك تخصني :sad:
نروح نبحر مي اون فامي :cra_zy:
انا حبيت وحدي ولا مع الجماعة انا وياك شوشو و ليكيب لماوية وش رايك i-o:
بصح راني شوشو ههه ​

هيا واش رايكم عندي حق ولالا
الطفل راه prince خيرمنا حنا لبنات؟
ناقشونا

​

​

​

​

والله لا برنس لا والو
تجيني حياتهم فارغة وتافهة في معظمها :shiny:
نت تيليفيزيون ماكلة شراب رقاد خروج هو يمشي و واحد يلم وراه مش كي البرنس كي المعوق :shiny:
ماقلناش اخدم كي المرا 24 ساعة مي اتحرك شوي :scared:
ماتحطش روحك برنس زمانك منك بالصح :schmoll:

كاين اُختــــاهْ الشرطية رجالة اللي يتلاحو و يلوحو يديهم
انا بابا عندو الخدمة تاع الجنان برا مقدسة كل يوم يديرها وحدو
ساعات نقولو ارواح امسح معايا الطابلة يجي :showoff:
يوءبرني شو رجاّال :shay:

خطأ تعريف الرجل بكونه هو الي قاعد مايدير والو
والمراة تخدمو 24 ساعة
اي غير عندنا الرجل مايدخلش الكوزينة وماعرف وشيه:schmoll:
عالميا اكبر ال chefs تاع المطابخ رجال:santa_1:
و خبيري التجميل رجال :santa_1:
و الخ الخ الخ :santa_1:

نحسدهم غير عالخروج لل 3 تاع صباح
نصلحها ساعات فالبحر مي حبيت ديما _o:

:showoff:
:sheer:
:re_gards:​

 

[تاعبة كل الناس]

:glare: :glare: :glare: :glare: :glare:

اسحب كلامي
كلمة كلمة
جملة جملة
حرف حرف

الظاهر انو الرجل كائن يديه مش قد بعضاهم :glare: :glare: :glare:
اسحب كلامي ما يلوحو يديهم مايلوحو رجليهم
خليهم قاعدين احسن :glare: :glare: :glare:

الاخ الوالد يفرغ فالريزارفوار برا قلت ندير فيه ربي خرجت نعاونو
قتلو ماتحلش العين حتى نقلك :thumb_down:
قالي اه وشيه نحلها ؟؟
بببببببببببببببببببببببببببببببببلللبببببببببببببببق الماء البارد فوق راسي
:crying: :crying: :crying: :crying: :crying: :crying:
تحميمة فرش عالصبح :crying_1::crying_1:

:cursing: :du_nno: :huh:​

 

[dana1993]

ههههههههههههه اهلا شوشو صباح لخير
ايه انا عندي يومين ملي كملت و راني ديييييييقوتيت لوكان خلاولنا الباك لسبتمبر اوموا نتوانسو معاه هه
مع السخانة راهي بدات تلهب فينا
و كيما راكي تقولي راهم عايشين كي الامراء
و لباقي عليكم قصدي علينا ههههه
ربي يكون معانا شوشوتي
بون جورني
سلام​

 

[الجريئة]

لبرنس و يحسدهم ولاد بلادي
هو عندوا شؤون يتهلا فيهم
بصح هوما والوا (حاشا البعض)
لي رجعت منغوليتي​

 

[DARINE05]

ههههههههههههههه مغامرات هوما هههههههه

 

[السلطانة]

و الله عندك الحق الذكورا راقدين و يمونجيو اليوم قلت لماما لوكان غير جيت طفل ندير ولش نحب .....هههههه قالتلي... راكو تعرفو لا غيبونس نورمالمو
و الله عندك الحق في كلش واش قلتيييييه رايحين نهبلوا فيف الذكورة ولا طيش

:sheer::sheer:نحن نريد اسقاط النظام
ايه هوما خيرمنا في كلش :schmoll: واش رايحين نديرو
صحيتي على المرور الطيب خيتو

 

[sahiko hamza]

وعليكم السلام
حسدتو لي جون فالرقاد وماحسدتوهمش فالسميشة والمسؤولية لي راح تجيه ؟
يوم لنا ويوم عليكم
​