تصرا غير في جامعتنا ولا في كامل الجامعات !!!

S

sisou023

:: عضو مُتميز ::
السلام عليكم ورحمة الله وبركاته
اولا لي فوتو الباك ان شاء الله يجيبوه ولي يقراو في الجامعات ان شاء الله يخرجو العام خير من الراتراباج راهي السخانة والواحد ماهوش يقدر ههه
نرجعو لموضوعنا لاحظت حاجة في جامعتنا لي نص حيطانها طارتلهم البنتورة
كي يقربو الامتحانات حاجة باينة يزيد الاقبال على المكتبات انا وحدة من الناس وحنا عندنا 2 مكتبات للمطالعة الاولى فيها واحد 4 ميترات صغيرة و مافيهاش كليماتيزور الشمس ضاربة فيها متقدرش تقعد تقرا فيها مع السخانة ويضلو يعسو فينا مفهمتش علاه
والثانية زعما كبيرة وفيها كليماتيزور بصح الشرط الاول لازم يقعدو 2 في طابلة ايلا كحيت يقلك بلع فمك وايلا هدرت يبهدلك تحس روحك راك في سركاجي وكليماتيزور ميشعلوهمش كي نكرهو روحو للكلايس نقراو يحاوزرنا تحس روحك راك تسرق يعني ميزيرية
وفي الاخير توصلت الى نتيجة في الدول الغربية يوفرولهم كامل وسائل الراحة والرفاهية باه يقراو وحنا يوفرولنا كل وسائل التقلاق والميزيرية باه يكرهولنا حياتنا

ونتوما فان عندكم هكا ؟​
 
والله انا مانيشـ منـ ناسـ الجامعة
العامـ الجايـ انشاء الله
ميـ فيـ بلادنا كلشـ بالعكسـ
ربيـ يهديـ ما خلقـ
​
 
قال mimi.dz:
والله انا مانيشـ منـ ناسـ الجامعة

العامـ الجايـ انشاء الله
ميـ فيـ بلادنا كلشـ بالعكسـ
ربيـ يهديـ ما خلقـ​
إضغط للتوسيع...

ربي يوفقك ان شاء الله وتطلعلي للجامعة وتشوفي العجب شكرا على المرور
 
اممممممم
الصراحه جامعة الجلفه هايلة .. ناقصها كاش عفسة وللا زوج بصح عموما روعة
لكن للأسف بعض عبادهااااا :no_no::du_nno:​
 
لالا في جانعتي لي نقرا فيه في سكيكدة بعد
المكتبة روعة ... ممعمرة بليكليماتيزوغ ومشعلينهم حتى ديفوا
احنا لي نطلبو منهم يحبسو منهم شوية على خاطر تبرد بزاف ...
نهدرو عادي ونتناقشو وديفوا ترجع سوق ... ودايرينلنا طوابل
من لكبار تاع 7 بلايص ... يعني نقعدو قد ما نحبو في الطابلة
مي العسة كاينة ... معمرة بالكامرات مع الدخلة بعد تاعها تلقا
الصال دو كونتخول ... عندك ممنوع برك تاكل فيها وتستعمل
البوغطابل حتى هذي ونحيناهالهم نهدرو في التيليفون وناكلو
يعني في المكتبة تاعنا ... شي ما مقلقنا فيها رووووعة
مفصلينها على قدنا ... وكبيــــــــــــــــــــــــــــــــرة
مي لعباد برك ربي يهديهم كي يخرجو منها لعشية يخليو
الدنيا فوضى وخماجهم في اللرض تطفر في الفام دو ميناج
...
وعندنا مكتبة صغيرة في الديباغتومو بعد كيف ... ما يقلقوش
كيما راكي توصفي ... ربي ينجحك اختي ... سلامو
​
 
توقيع الورد الأحمر
قال nour_light:
لالا في جانعتي لي نقرا فيه في سكيكدة بعد

المكتبة روعة ... ممعمرة بليكليماتيزوغ ومشعلينهم حتى ديفوا
احنا لي نطلبو منهم يحبسو منهم شوية على خاطر تبرد بزاف ...
نهدرو عادي ونتناقشو وديفوا ترجع سوق ... ودايرينلنا طوابل
من لكبار تاع 7 بلايص ... يعني نقعدو قد ما نحبو في الطابلة
مي العسة كاينة ... معمرة بالكامرات مع الدخلة بعد تاعها تلقا
الصال دو كونتخول ... عندك ممنوع برك تاكل فيها وتستعمل
البوغطابل حتى هذي ونحيناهالهم نهدرو في التيليفون وناكلو
يعني في المكتبة تاعنا ... شي ما مقلقنا فيها رووووعة
مفصلينها على قدنا ... وكبيــــــــــــــــــــــــــــــــرة
مي لعباد برك ربي يهديهم:sadwalk: كي يخرجو منها لعشية يخليو
الدنيا فوضى وخماجهم في اللرض تطفر في الفام دو ميناج
...
وعندنا مكتبة صغيرة في الديباغتومو بعد كيف ... ما يقلقوش
كيما راكي توصفي ... ربي ينجحك اختي ... سلامو​
إضغط للتوسيع...
هاداهو المشكل في كل بلاصه
دزاير لاباس عليها ماعندو ماخصها .. المشكل الوحيييييييييييييييييد العباد
ربي يهديهم و يهدينا كامل ​
 
المكتبة في جامعتي ملاحة و لاباس بيها و كبيرة الله يبارك فاها 2 ايتاجات روحي وين تحبي
اه بصح كاينة حمامة في الدوزيام ايتاج بانية عش فوق الكليماتيزور ههههه
نضال نتفرج معاها ههههه
و بالنسبة للطوابل الله يبارك طوابل كبار ملصقينهم في بعضاهم و الهدرة نورمال و الحس في وقت الكونترول وش نقولك تقول في الستاد ههههه
و يبقا مشكل الماكلة ممنوع تدخلي بالماكلة و احنا نوليو ندرقوها في الساك و نوكلوا الفوق
مي كي نعود خارجة نهز الاوساخ و نطيشها في السلة اختك متربية " مالة وعلاه حاطين سلة باه تبقا فارغة ؟؟ "
مي كاين عباد ربي يهديهم يخرجوا و يخليو خماجهم وراهم
​
 
احنا مكتبنتنا كبييرة 2 ايتاج ، والطاولات كبيرة تتسع لأربعة ،والمقاعد متوفرة بكثرة ، والتهوية كاينة ، والحراسة مشددة يعني تعودي تحفظي يجوك يقولولك نحي الكوتار من وذنيك ؟؟؟؟؟؟؟؟؟؟؟عمبالهم راكي تغني ولا تهدري في التلفون

بصح المشكل اللله غالب هو في الناس اللي يجو بش يميعدو ويرندفو ،
وفي البنات اللي يهدرو يهدرو يهدرو حتان تخليلهم الجامعة بما فيها

ليكلاس تاعنا مفتوحين طوووول الوقت اللي تحبي تجي تقري

بصح ماكانش كي قرياة الدار تكوني آلاز ولامن يعس فيك

نخليك

موفقة​
 
في وقت الاختبار تكون المكتبة مغلوقة مي نهارات لخرين ادخلي و اخرجي على راحتك المكتبة واسعة بزاف مام في قاعة الانترنيت جبدنا الكود نتاع الادارة و ندخلو ونخرجو كيما نحبو بصح كن يفاقولنا تخلى فينا.
على العموم مكتبتنا منظمة الله يبارك يعني صع مكتبة جامعية
 
تأمني مانبغيش نسمع كلمة المكتبة باسكو نتفكر الطريق اللي نمشيها غير باش نوصل للمكتبة
ياأحي عليا وين جاااااية لاعلينا كي نوصل ليها سيبون وأخيرا نتنفس قالك أقعد في قاعة الإنتظار مالازمش يفوت العدد المسموح ياااي شو هاي التنظيم ايا ومايجي يخرجو هذوك اللي فالقاعة حتى تلحق ساعة القراية
رانى كامل كيف كيف مع المعاناة ربي يكون فالعون
 
والوا ماشي غير عدكم راها ماشية بارتو هادي هي دزاير
​
 
ح
نا ماعندناش حتى وين نقعدو تبقاي تطايشي لبرا لي بيض رجع سمر ولي سمر رجع سمر فالغامق ولي كحل مسكين او قالهم ريحو لثم
والله ميزيرية كيما قلتي
اصلا بينا بين الغرب 100 عام باش نلحقوهم ​
 
على حسب الردود والحطة وقيلة غير جامعتكم للي مسخسرين فيكم مكتبة،،
مام حنا عندنا 3 ةمكتبات في الكلية وموفرين فيهم كل الوسائل الضرورية،
مالا ياربي تبداو تريكلاميو ^^
 
شكرا لمروركم مزية لي عندكم مكتبات ملاح وفيهم الفال حنا فان في ديبارتمو تاع st وmi مستكيين مطفرة فينا غير حنا صحاب l'économie ربي يكون فالعون وربي يحفظكم صحيتوووووووووووووو
 
hhhhhhhhhhhhhhhhh wlh habs srkaji hhhhhhhhhhhh
 
لعرررررررررررررررررررب​
 
قال °Wishes°:
على حسب الردود والحطة وقيلة غير جامعتكم للي مسخسرين فيكم مكتبة،،
مام حنا عندنا 3 ةمكتبات في الكلية وموفرين فيهم كل الوسائل الضرورية،
مالا ياربي تبداو تريكلاميو ^^
إضغط للتوسيع...
صحيتي
اضرااااااااااااااااب
و حنا ثاني نضربو معاكم مع العام الجديد
رانا نتمسخرو هنا:sneaky2:
:thumb_up2::laugh::thumb_up2:​
 
تصرا في كل الجامعات
احنا عندنا في مسيلة تاني كاينة بصح قاعتي المطالعة نتاعنا ( الحقوق والعلوم السياسية والصحافة) كبار بزاف وكل وحدة فيها طابقين تقدر حتى تعرس فيهم :sheer:
وتلقاهم معمرين بالاعلانات مرة انا وصاحبي نقراو فيها بدا يحرك في راسو منين يدور راسو
سشوف اعلان ملصق في الطاقة هذا ممنوع تحريك الكراسي ، هذا ممنوع الاكل داخل القاعة ،
هذا ممنوع التكلم في الهاتف ، هذا ممنوع ادخال المشروبات الى القاعة ...المهم منين يحط راسو في جيهة يقرا اعلان حتى قالي في مزحة نورمالمون يديروا اعلان ممنوع كل شيئ ويهنيو رواحهم
المهم الاكيد ان هذا يرجع بفائدة على الطالب وراحتو في المطالعة والدراسة بهدوء والا تنوض الفوضى ، فيما يخص المكيفات نفس الشيئ بالنسبة لينا محبوش يشعلوهم ومنيش عارف هل مزالو للان او لا لان الطلبة يعقبو هذي الايامات في امتحان الشامل والمفروض الان يشعلوهم على خاطر السخانة قاوية بزاف ، نزيد عيللها نتاع المراجعة في الاقسام يعني الكلايص الفارغة
وتحت الاشجار في الاماكن المنعزلة في الجامعة ممنوع والسبب معروف للعام والخاص
ورغم كل ذلك مازلنا نسمعوا في الكوارث لي راهي صايرة بدون ما نعمموا لانهم كاينين لي يحبوا يراجعوا ويقراو صح وميلقاوش وين على خاطر قاعات المطالعة تكون معمرة وتكون ساعات فيها الفوضى والحس
المهم راه المشاكل في كل مكان والتسيير دائما غايب كي تجي تفتح قاعة المطالعة على ال9 صباحا ويجيو ليزاجون على ال11 وحاجة يقولك نغلقوا يعني كاين حتى لي يجي يدير بحث ولا كشما يراجع يلقى روحو مدار والو يولي العشية على ال1.30 الربعة يقولولوا رايحين نغلقوا :o_o:
على كل الطالب لازم يعتمد على روحو ويقرا في الدار كذلك على خاطر رانا جامعيين ونعرفوا بعضانا نخليو حتى يوصلوا الكنطرولات ونبداو نحوسوا على المحاضرات والمراجعة
ولا حتى تبقى سمانة ولا اقل على بحث ويولي الواحد شايط معاه هههه
​
 
هههههه
أسمحيلي أنا جامي دخلت للمكتية تاع الجامعة تاعنااا
ههههههه
​
 
....
مممممممممممم
مساكـــــن نتومـــا علابالكـــ
حنا في الليـــــــــسي ديالنا
و كاااااااااين كلــشي ... موفريــــــــن كلشـــي و حنا
نقوووووووولوا ..:cra_zy: لالالا
...
و الله غير حليلكــــــــم جامعة و صاريـــ هكــــــا
ربـــي مع الشعبــ
:shay:​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom