عراس بكري وعراس دك

[meriem150491]

سلام عليكم

انا ليوم طقلي موضوع في راسي صبحية ربي قصدي طقلي لبارح وكي نضت ليوم قلت نحطو:shiny::shiny:
ديجا قبيل كان حدانا عرس شوي بعيد ياخي دوخونا بالبندير
اييييييييييييه واش توحشت نسمع البندير وغنا النسا في لعراس

عراس النية كما نسميهم انا

دك ندخلو في الموضوع

عراس بكري كانو فيهم النية وتلقاهم يديروهم في الديار والناس زاهيين ويروحو اصلا باش يزوهاو وينحيو على خاطرهم وباش يحكيو ويتلاقاو مع الحباب اييييييه وبكري قلييييل وين تلقاههم جابو واحد يغني ولا ياخي النسا اللي يغنيو ويديرو كلش

اما دك رجعو العراس فوخ وزوخ وباش كل وحدة تروح تنعت روحها واش عندها وخلي منحكيوش على نسا خرين يديو بناتهم باش يعرضوهم كشما يلقاولهم عريس مليح والبنات بيانسير مش كامل حاشا البعض
يروحو باش كشما يصيدو عريس مرفه ولا تقولك كشما يخطبوني ثم بعد ومنحكيوش على التمنشير يا لطيف

ياخي يعلقو على كلش ,,,,,,, الخ

يعني رجعو لعراس تاع دك كي شغل سواق بش يعرضو السلعة وراحت هديك لومبيونص والنية والزهو


ايا نخليولكم الخط وقولولنا واش رايكم في عراس دك وعراس بكري واش هوما الميزات الملاح في عراس بكري
؟


نتمنى يعجبكم الموضوع هدا اياو سلام :re_gards::re_gards:


​

 

[meriem150491]

مرسي لاعتماد الموضوع

 

[آلاء النايلية]

صحيتي اختي
يشبعو و يديرو كراعهم وكي يروحو يقولك .... اه.. ماهنا عرس ماهنا مقامه:scared:
هاااا gاطو عادي ( المخاليق موصيين عليه من برا دم فادهم لاحوه في ذاك الgاطو ) ... و الطعا.... و للا ذوك لطراف مايشافوش كامل ( السيده ولادتها و اداتلهم سهومهم ) .. بلا ما نحكو على العروس كي تعود لميس قدامهم يقولك ( ها باgيه .. كحلة .. زوكة ... معرف واش :cra_zy::schmoll ... لا حول ولا قوة الا بالله .... ربي يهدي​

 

[meriem150491]

صحيتي اختي
يشبعو و يديرو كراعهم وكي يروحو يقولك .... اه.. ماهنا عرس ماهنا مقامه:scared:
هاااا gاطو عادي ( المخاليق موصيين عليه من برا دم فادهم لاحوه في ذاك الgاطو ) ... و الطعا.... و للا ذوك لطراف مايشافوش كامل ( السيده ولادتها و اداتلهم سهومهم ) .. بلا ما نحكو على العروس كي تعود لميس قدامهم يقولك ( ها باgيه .. كحلة .. زوكة ... معرف واش :cra_zy::schmoll ... لا حول ولا قوة الا بالله .... ربي يهدي​

هههههه والله عندك الحق ختي مرسي على المرور المشكل تعرضيهم للعرس يخرجو منا يمنشرو فيك وحاجة متعجبهم كون تحطيلهم الماكلة في اطباق تاع الماس

 

[تاج الجزائر]

والله عراس بكري كان فيه احترام للجار ولكل شي

كانت الحالة تبدا صباح وتكمل على 4 نتاع العشية

ومن نهار لي جابو الشيطان نتاع الديدجي ربي سخط علينا

ولو يشعلوه حتى المغرب ولا مور العشا

ويبيتو الناس قاعدين ولي مريض ولي خدام يبات

يسوفري ويصبح راسه مخلط

اما على عرض بناتهم هادي راهي بار تو وتعرفي علاه لانه الزواج قل عنا بالجزائر ولو

لبنات كثر من الرجال والعيشة غالية

ضرك وحدة يجي واحد يخطبها تحضى تتشرط عليه

مشي تقول الحمد لله ربي جابلي الخير لا حتى مين تسلخه عاد باه تديه _o:

على هاديك ولا الزواج غالي

بصح على حساب هدرت الناس قالك في الشرق يمدو بناتهم بقلة سومة وهادا مشي عيب

ولا حرام بالعكس راهم يحوسو على مصلحة بناتهم نستعرف بيهم:thumb_up2:

مشي كيما عنا في الغرب محرمينها على الكل :sadwalk:


صحيتي ختي على الموضوع ربي يحفظك :shay:
​

 

[زهرة الندى]

يا حسراه على لعراس تع بكري الناس تروح تزهى وتفرح وما تهمهمش الماكلة و وو و

المهم كانو يتلقاو بحبابهم كيما قلتي

بصح ضرك ربي يلطف من هدا الوقت عادو مهما تحطي أحسن انواع القاطو والماكلة المخيرة و مايعجبهم العجب وحتى لعروس ماخلاوهاش * العروس سمينة هدي كحلة هدي مش عارفة كيفاه دايرا *
بففففففففففففففففففففف

يعطيك الصحـــــــــــــــــة اختي على الميضوع + تقييم

:sheer:​

 

[ابوندى]

والله لو نتبعوا واش يقول الشرع في العرس وكيفاش تسير الامور عراسنا حنا نطيشوهم الكل ابدايها من الخطبة وكملي حتان العرس من فساد تاع صوارد وتعديات في الاخلاق الشطيح والرديح بنات ورجال واختلاط وجماعة تصيد لبناتها على عرسان وزيد ا بوزيد
علاماه ربي ماهوش قاعد يبارك في العراس كل سنة هناك حسب الاحصائيات 40 الف حالة طلاق

 

[ابتسامة أمل]

يعطيك الصحة ختيتو
مي بلاك نقول بلي حنا الحمد لله حاجة ما تبدلت ..... كيما بكري كيما ضرك ......من جهة التكاليف و الماكلة ....... لعراس يندارو ف الديور ماشي les salles و ما كان ني ديجي ني والو و لعرا الحمد لله شويييييي برك ....... الناس برك اللي تبدلت شوي عقليتهم و ماكانش الصفا تاع بكري mé C pa grave ..... راهم يجوزو بالطبع الحمد لله ....

 

[meriem150491]

والله عراس بكري كان فيه احترام للجار ولكل شي

كانت الحالة تبدا صباح وتكمل على 4 نتاع العشية

ومن نهار لي جابو الشيطان نتاع الديدجي ربي سخط علينا
المشكل مش في الديدجي المشكل في لعباد اللي عادو عندهم طاحت راحت ومعادش القدر

ولو يشعلوه حتى المغرب ولا مور العشا

ويبيتو الناس قاعدين ولي مريض ولي خدام يبات

يسوفري ويصبح راسه مخلط
الله يهديهم , ياخي حتى هكاك ربي ميباركلهمش في زواجهم

اما على عرض بناتهم هادي راهي بار تو وتعرفي علاه لانه الزواج قل عنا بالجزائر ولو

لبنات كثر من الرجال والعيشة غالية

ضرك وحدة يجي واحد يخطبها تحضى تتشرط عليه

مشي تقول الحمد لله ربي جابلي الخير لا حتى مين تسلخه عاد باه تديه _o:

على هاديك ولا الزواج غالي

بنات دك الاغلبية يحوسو على الدراهم ميهمها لا دينو لا اخلاقو المهم يكون مرفه

والزواج في دينا يسير حنا هوما اللي صعبناه بتقاليد وعادات لا تمد للدين بصلة اصلا

بصح على حساب هدرت الناس قالك في الشرق يمدو بناتهم بقلة سومة وهادا مشي عيب

ولا حرام بالعكس راهم يحوسو على مصلحة بناتهم نستعرف بيهم:thumb_up2:

مشي كيما عنا في الغرب محرمينها على الكل :sadwalk:
الطفلة متسواش على واش يمدولها ولا ميمدولهاش تسوى على تربيتها واخلاقها


صحيتي ختي على الموضوع ربي يحفظك :shay:
​

نورت الصفحة بارك الله فيك

 

[meriem150491]

يا حسراه على لعراس تع بكري الناس تروح تزهى وتفرح وما تهمهمش الماكلة و وو و

المهم كانو يتلقاو بحبابهم كيما قلتي

الله غالب ناس دك رجعو تاع كروشهم ومصالحهم ياخي يروحو للعراس يبانو جامي كلاو

بصح ضرك ربي يلطف من هدا الوقت عادو مهما تحطي أحسن انواع القاطو والماكلة المخيرة و مايعجبهم العجب وحتى لعروس ماخلاوهاش * العروس سمينة هدي كحلة هدي مش عارفة كيفاه دايرا *
بففففففففففففففففففففف

هيه شتي عليها مليح الواحد ميكسرش دراهم على ناس متستاهلش وراح تخرج من عرسو وتمنشر مليح يزوج يدي مرتو يحوس هو وياها خير

هوما راح يحكيو فيه يحكيو
مالا خليهم ميخسروش دراهم خيرلهم ويروح يعيش هو ومرتو يامات ملاح خير ما يوكل ناس قليلة الخير

يعطيك الصحـــــــــــــــــة اختي على الميضوع + تقييم

:sheer:​

مرسي بارك الله فيك على المرور نورتي الصفحة اختي العزيزة :shay:

 

[meriem150491]

والله لو نتبعوا واش يقول الشرع في العرس وكيفاش تسير الامور عراسنا حنا نطيشوهم الكل ابدايها من الخطبة وكملي حتان العرس من فساد تاع صوارد وتعديات في الاخلاق الشطيح والرديح بنات ورجال واختلاط وجماعة تصيد لبناتها على عرسان وزيد ا بوزيد
علاماه ربي ماهوش قاعد يبارك في العراس كل سنة هناك حسب الاحصائيات 40 الف حالة طلاق

هيه عندك الحق الزواج كما قلتلك راه سهلو ربي والنبي مي حنا تقاليدنا وعاداتنا صعبوه ياسر والناس تعاند على بعضانا وميعرفوش كار الدنيا انا تبالي الزواج دارو ربي باش يبنيو الناس اسر ويقل الحرام اللي راه صاري مي في وقتنا رجع يبان سوق الكل يعرض في سلعتو والناس تفوخ على بعضانا ورجعو الناس تاع مظاهر الله غالب

وياخي شت كما قلت التبذير وخلي هداك النهار نقرا في الشروق لارتيكل كتبو فيه المهر بالاورو والدولار ,.,,,,و الخ ارتيكل تقراه تعرف قدماه كاين ناس تافهين في بلادنا ويهتمو بالمظاهر والفوخ والزوخ والمشكل خرجو عادات لا تمد للدين بصلة

وكما قلت التبذير هدا وخلي العرا والنش اللي راه صاري حتى ربي ميباركلهمش وكون تبعو كتاب الله وسنة الرسول عليه الصلاة والسلام منا هك وكاين واحد الحديث اقلهم مهرا اكثرهم بركة
من هد الحديث يتبين انو الحاجة القليلة يبارك فيها ربي

مي دك في وقتنا للاسف تقلبت الاية وعليها ربي سخطنا ومازال الخير للقدام

المهم شكرا على المرور نورت الصفحة بارك الله فيك اخي

 

[meriem150491]

يعطيك الصحة ختيتو

الله يسلمك
مي بلاك نقول بلي حنا الحمد لله حاجة ما تبدلت ..... كيما بكري كيما ضرك ......من جهة التكاليف و الماكلة ....... لعراس يندارو ف الديور ماشي les salles و ما كان ني ديجي ني والو و لعرا الحمد لله شويييييي برك ....... الناس برك اللي تبدلت شوي عقليتهم و ماكانش الصفا تاع بكري mé c pa grave ..... راهم يجوزو بالطبع الحمد لله ....

الحمد لله اللي بقات في جهتكم هد التقاليد الزينة

بارك الله فيك على مرور نورتي الصفحة

 

[الجمرة الخبيثة]

ايه والله حتى ربي معادش يسجي والله من هديك لمصاريف تواضع هو كلش
اقلهن مهرا اكثرهن بركة
​

 

[meriem150491]

ايه والله حتى ربي معادش يسجي والله من هديك لمصاريف تواضع هو كلش
اقلهن مهرا اكثرهن بركة
​

اكيد اقلهن مهرا اكثرهن بركة والرسول صلى الله عليه وسلم ما نطق عن هوى ولكنه وحى اوحى اليه من رب العالمين, ربي يهديهم وياخي شتي برك تاع بكري كيعاد مكان هد التبذير ماوالو تالمون معرفوش بعضاهم غير يوم العرس وهكاك وباركلهم ربي وعاشو مع بعضاهم سنين وجابو ولاد ورجعو جدود مي تاع دك يزوجو في الصيف الشتا ام في المحاكم كما قالهم هداك في الصيف قاتو وفي الشتا بوقاطو

نورتي الصفحة اختي بارك الله فيك

 

[عاصمية]

والله غير عندك الحق
لعراس تاع ضرك غير زوخ وفوخ و تمنشير بلا ما نهدرو على الغيرة والحسد يالطيف
المهم شكرا حبيبتي على الموضوع
موضوعك متميز شكرا

 

[BARCA232]

السلام عليكم ورحمة الله تعالى وبركاته
يعني لحد الآن والله الحمد لله على أعراسنا
والجاي ربي يستر
بارك الله فيك
​

 

[meriem150491]

والله غير عندك الحق
لعراس تاع ضرك غير زوخ وفوخ و تمنشير بلا ما نهدرو على الغيرة والحسد يالطيف
المهم شكرا حبيبتي على الموضوع
موضوعك متميز شكرا

الله غالب ناس عادو تافهين للدرجة هدي واش نديرولهم خخخخخ مرسي على المرور ختي نورتي :shay:

 

[meriem150491]

السلام عليكم ورحمة الله تعالى وبركاته
يعني لحد الآن والله الحمد لله على أعراسنا
والجاي ربي يستر
بارك الله فيك
​

وعليكم السلام ورحمة الله وبركاته

الحمد لله اللي مازالت النية في جوايهكم هههه

ربي يستر وخلاص ويبعد علينا ناس كي هدو:cra_zy:

 

[ماكانش]

يعطيك الصحة مريومة على الموضوع الباهي وألي جا في وقتو
ياحصرا على عراس بكري ولومبيونص تاعهم
نشفى كان كي يتزودج واحد من الكارطي ، الكارطي يتقلب بالزهو والفرحة وفي الليل مانحكيلكش السهرية حتى للصباح ههههه
وماكانش بيناتنا عرضة
اما ذرك جارك ويجي يعرضك ؟؟؟
هذي حرت فيها نورمالمو رانا ولاد الدار و لالا ؟؟؟
بصح راحت الباراكة
وسوق النسا مانحكيلكش مريم ... واقيلا تعرفوه خير منا
المشكل حتى في الجنايز ويخطبو ويزوجو ...
تقييم من عندي ​

 

[meriem150491]

يعطيك الصحة مريومة على الموضوع الباهي وألي جا في وقتو
ياحصرا على عراس بكري ولومبيونص تاعهم
نشفى كان كي يتزودج واحد من الكارطي ، الكارطي يتقلب بالزهو والفرحة وفي الليل مانحكيلكش السهرية حتى للصباح ههههه
وماكانش بيناتنا عرضة
اما ذرك جارك ويجي يعرضك ؟؟؟
هذي حرت فيها نورمالمو رانا ولاد الدار و لالا ؟؟؟
بصح راحت الباراكة
وسوق النسا مانحكيلكش مريم ... واقيلا تعرفوه خير منا
المشكل حتى في الجنايز ويخطبو ويزوجو ...
تقييم من عندي ​

هههههههه اي راحت النية والبراكة

من ماتو العجايز هدوك طارت معاهم البراكة

دك كشما بقاو جيران؟ دك يا حسراااا الله لحد

مليح ههههه اسيدي كي عادو يزوجو في الجنازات ههه جديدة هدي:shiny:

مرسي خويا سفيان على المرور نورت الصفحة