الزواج ..........الدنيا مقلبة بالديسك جوكي في لي صال

اهلا اختي محبة

منكذبش عليك اختي

منقدرش نهدر في مكان كل واحد فيهم

عرسي نحبوا بلا غناء نتع التمسخير هذاك نتع الملاهي
ومنحبش عرسي يكون فيه لعرا
اصلا فامليتنا متعريش والحمد الله والدي راهو يوافقني الراي بلا منسقسيه
نحب عرس مليح نتع لافامي حنا في حنا +مالوف غنا نظيف ومس نتع ملاهي ومالوف القسنطني ولا العنابي نتع الاصول
نخرج من دار بابا الي تربيت فيها ومش من الصالة الصالة متربيتش فيها

اما الراجل وماليه ربي يسهللهم يدروا عرس كما يحبوا هما
مي نهار يديني راجلي هكدة نحبوا

ولاكان عل لغناء شرقي غربي الحمد الله تبت منوا عندي 6 اشهر وربي يتبتني عليه اسعدني مرورك الجميل

كثري منهم

وعليكم السلام​
 
البنت تخرج من دار باباها دايمن بح توح ادير العرس في la sale des fetes
مافيها والو
​
 
حنا عندنا غير شوية تاع الناس عادو يديرو في لي صآل
مزلنا محافظين على التقاليد في الديار
بصح واش نحكيلك يجيبو 15 يوم وهوما يغنيو
و3 أيام اللخريـن تاع لعرس يبدا لغنا الصـح
نهار يحنيو للعريس يخي يبداو يحطو المآلـوف هذاك يهـبل حتى واحد مايقدر يعترض عليه كلامو نضيف وهو الرمز تاعنا
ومبـعد يحطو لغنا تاع الشرق ساعات شآوي وسآعات قبايلي وسطايفي ولجماعة
هاذي في لعراس كامل يديروها اما دخلتنا وحد لحاجة يديروها عادو جماعة يحطو لغنا تاع الرآي ويزيدو يحطولك تاع لي بآر
مي لعراس تاعنا مزالو محترميـن ولعروسة تخرج من دار باباها بالمديـح

​
 
نجيك في الصح نبغي عرسي يكون فيه الزهو:yaw:

بصح عنده حدود ندير ديدجي وندير غناء محترم كيما نور الكوفي

وشوية من نتاع الراي لي ما فيهش تطياح :music_whistling:

وثاني نقادر الجار مشي نروح نعلي صوت الموسيقى ونبيت الناس قاعدة

ونطفيه بكري مشي حتى مور الفجر كيما راه يصرا ضرك :schmoll:

ونبغي نديره في دارنا ونخرج منها الحمد لله راه عنا الوسع علاه انا نروح نكري في

لاصال ونزيد لبويا المصروف :no_no:

واهم شي في عرسي يكونو كلهم نسا مكانش راجل يحط كرعيه معاهم :santa_1:

الحمد لله حنا عيلة محافظة وما عناش هادي العقلية نتاع لازم العرس يكون ميكس

:sheer::yahoo:

شكرا ختي على الموضوع وربي يهنيك :shay:
​
 
يا اختي الحاجة الولى السلام عليكم
هل تحبين ان يكون عرسك فيه شطيح ورديح والدنيا مقلبة بالغناء والديس جوكي وصالة ولباس شبه عاري نتع النسا
الحق احنا الاعراس تاوعنا نديرهم في الدار عندنا دار حنا خادمين فيها صال كبيرة دايرينها غي الاعراس مبلعة بصح نديرو تاني في لاصال
المهم بالنسبة ليا ما نكدبش راني باغية عرسي نزها فيها و تزهى الناس معايا و هداك النهار و نشوف يلا نديره في لاصال و لا في الدار بصح الزهو جامي قلت ما نديروش
 ولا تحبي تخرجي من درا باباك معززة مكرمة فيه مدائح دينية وزغاريد خفيفة
و شكون قال العروس ما تخرجش من دار باباها جامي شفت عروس خارجة من لاصال و الله اعلم
 
ان شاء الله يكتب ربي لن افعل هذه السخفات ابدا... لا تسمن ولا تغني من جوع ... راح تضر روحك برك بهذا التصرفات ..شكرا على الطرح سلامي
 
توقيع الطيب الجزائري84
السلام عليكم
نشكرك اختي على موضوعك فووور بزاااف والله اونديري طليتي على قلبي انا الصراحة اكره حاجة عندي العراسات والزرد الي يديروها قبل الزواج
انا عايشة في منطقة مبقاتش محافظة على العادات والتقاليد خلاص بلاك 1 في المية ملي محافظ عليها الي يدير عرسو في دار باباه اونديري فقير ولا معقد ولا معندوش الصوارد معتر وحتى واحد ميروحلو
والي تدير في صالة ب 7 ملاين و 8 وما فوق علا جال ليلة والديسك جوكي واللبسة العريانة يروحولها الكل
انا اكره حاجة عندي العراسات وزادو فكرولنا اللقطة تاع mix قالك الرجالة والنساء مع بعض
ومنقلكش التما الصبايا تاع 16 وما فوق عينيها محلولا على الشباب
ومكانش وحدة تروح من العرس متيديش نيميرو تاعو ولا يمدلها تاعو
وخلي غير الشطيح والكلام الفاسد والعراكات
انا صراحة نهار الي نزوز فيه نفضل نخرج من الدار الي عشت فيها حياتي
ومنخصرش صواردي وندي دنوب و شعودة كبيرة على جال ليلة الصوارد الي نحطهم في الفسق هداك ندير بيهم حاجة تنفعني في داري
وتبهي داري ولا حاجة تنفعني صوا
بالاك تقولو اي معقدة مي الله غالب ادي عقليتي هههه شكرا اختي مرة اخرى
 
قال راجية الجنة:
السلام عليكم

و عليكم و السلام ورحمة الله وبركاته

هههه موضوعك انتيك
مانعرف كان تفرجتي هاداك الفيلم المصري
انا مش معاهم

زعمة تزوج هادا مع وحدة متدينة ودارو الاماديح الدينية في بلاصة الغنا كيما راكي تقولي


واهلهم ماحبوش يفوت العرس هاك مالا جابو فنانين عمر دياب و نانسي وهيفا في صالة حدا لاسال تاعهم

لوخرين قاعدين مع المداحة يجي واحد يقول

عمر ديياب وووووووووصل

ينوضو 20 يخرجو من الصالة يجريو يخليو الاماديح ويروحو لعمر دياب

يزيد شوي يجي يقول نانسي عجرم وصصصصصصلت ينوضو 50 يخرجو من الصالة

يبقى العريس و العروسة و المداحين

يجي يقول هيفا وهبي وصصصصصصصصصصلت
ينوض العريس يخرج يجري ههههههه


 للبنات
هل تحبين ان يكون عرسك فيه شطيح ورديح والدنيا مقلبة بالغناء والديس جوكي وصالة ولباس شبه عاري نتع النسا
ولا تحبي تخرجي من درا باباك معززة مكرمة فيه مدائح دينية وزغاريد خفيفة ؟؟؟؟؟؟؟؟؟؟؟؟؟؟


​
إضغط للتوسيع...


اللي يقلك مانديرش الغنا يكدددددب عليك
حنا ولد عمتي سلفي و باللحية و النصف ساق
و دارولو الغنا والشطيح والرديح والصالة و غصبا عنو
بصح اكيد النسا وحدهم و الرجالة وحدهم
وكي تقولي لباس شبه عاري كي يكون بين النساء مافيهش مشكل
نضن تعرفي انو عورة المراة بين النساء
من السرة الى الركبة



وبنتلي راkي شوي مخربطة
حنا العرس نديروه فالصالة
مي كي تجي تخرج تخرج من دار باباها

الوغ مادام مش ميكست و الغنا لاباس بيه
ندير علاه مانديرش :shiny:
​
 
ختي بغيت نسفسيك
وينو المشكل فاللبسه تاع النسا مادام مكانش اختلاط وغير النسا فبعضاهم؟؟
شكرا على الموضوع​
 
هذي عادة منقدروش نبدلوها
عراسنا كل في ليصال
مي مش ديما نجيبوا الديسك جوكي
ساعات نجيبوا الفقيرات
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom