الوسخ وما ادراك

[TeNtOuNa]

السلام عليكم ياناس اللمة لعزاز

واش راكم مع السخانة​

اليوم جيت نهدر على وحد الحاجة يديروها الجزارين قدامكم وما تفيقوش​

ياخي كامل نشريو la viande achée​

بصح اليوم شفت حاجة مافقتلهاش بكري​

دخل الجزار ومعاه كبش مدبوح ومقطع​

حكم هادوك les morçaux
​

قصهم وحطحم ديراكت فالماشينة تاع الرحيان بلا غسيل بلا والو جاء واحد الراجل قالو عطيني 250غ حطهم ورحاهم ​

وعطاهملو ومباعد هاداك الراجل يطيب فالدار وهادوك الميكروبات كامل ياكلوهم ولادو​

انا الحق كي شفت هاكداك تماليت وما قدرتش خرجت ديراكت​

نقسقيكم وجاوبوني بصراحة​

هل كنتو علابالكم بالجزارين مايغسلوش اللحم قبل مايرحيوه ومالgري هاكداك تشريوه؟​

والي ماعلابالوش وعرف غير درك منا والجاي تقبل تشريه؟​

ما نكدبش عليكم كي روحت قلت لماما نعيطو لمصلحة قمع الغش بصح بابا ما حبش​

كتبت هادا الموضوع باش نوعي الناس لخطورة هادي الظاهرة على الصحة العامة​

والي تسبب تسممات قوية تؤدي احيانا للموت​

حبيت نرفع شعار "نعم للنظافة في محل الجزارة"​

والي يقدر يطلب من الجزار الي في كارطيهم يعود يغسل قبل ما يرحي ​

يعمل مليح​

ويربح اجر كبير في هادوك الناس الي ماعلابالهمش​

مادابية نسمع تعليقاتكم وما تحرموناش من التقييم​

في امان الله​

 

[Estrella]

بارك لله فيك على التوعية
ولله ناس ميخافوش ربي هوما واش راحلهم
ليصونسيال عندهم يبيعو سلعتهم
ومعلابهمش بيك يلا تضرك ولا لا
لله يهديهم
يعطيك الصحة ختي .. عجبني موضوعك
وعجبتني مبادرتك و نصيحتك
ربي يحفظك
+ تقييييييييم من عند ختك ​

 

[آلاء النايلية]

صحيتي اختي على الموضوع
الواحد ما عرف وش يدير الغش مالي البلاد من كل النواحي
ربي يسترنا​

 

[TeNtOuNa]

بارك لله فيك على التوعية
ولله ناس ميخافوش ربي هوما واش راحلهم
ليصونسيال عندهم يبيعو سلعتهم
ومعلابهمش بيك يلا تضرك ولا لا
لله يهديهم
يعطيك الصحة ختي .. عجبني موضوعك
وعجبتني مبادرتك و نصيحتك
ربي يحفظك
+ تقييييييييم من عند ختك ​

يحفظنا ويحفظك اختي من شر الجزارين
صحيتي على التقييم

 

[TeNtOuNa]

صحيتي اختي على الموضوع
الواحد ما عرف وش يدير الغش مالي البلاد من كل النواحي
ربي يسترنا​

صح اختي الغش في كل حاجة بصح لوكان يغشونا فاللبسة ولا معليش بصح ماشي في صحتنا

 

[meriem150491]

اي حنا في دزاير تبالي كون ناكلو حاجة نظيفة اللي نمرضو مش كي ناكلو حاجة خامجة حاشاك

الله غالب والله او غير ربي سبحانو اللي ساترنا تروحي للجزاير تلقايه الله غالب لا نظافة لا والو

تروحي للمطعم تاكلي كذلك ومثله يعني صح صح رانا عايشين قدرة في بلادنا

ربي يسترنا وخلاص اختي

 

[تاج الجزائر]

هادي بلاد كبيرة والغش الا ما يكون في كل شي حتى في لي تتعلق بصحتنا قد ما حرزنا

ارواحنا وقد ما

نوعو الناس بصح يظل الغش وغير ربي وحده العالم بالاحوال وهو سبحانه ستارنا

بارك الله فيكي اختي موضوعك هام جدا جعله الله في موازين حسناتك :ax_flw:
​

 

[Jeune Sghir Mc]

partout كاين هاذو العفايس
الله غالب بلادنا gاع تمشي بالعوج

سلام
​

 

[TeNtOuNa]

اي حنا في دزاير تبالي كون ناكلو حاجة نظيفة اللي نمرضو مش كي ناكلو حاجة خامجة حاشاك

الله غالب والله او غير ربي سبحانو اللي ساترنا تروحي للجزاير تلقايه الله غالب لا نظافة لا والو

تروحي للمطعم تاكلي كذلك ومثله يعني صح صح رانا عايشين قدرة في بلادنا

ربي يسترنا وخلاص اختي

ههههههههههخخخ عجبتني تاع عايشين قدرة
بصح اختي ماجاوبتينيش على السؤال

 

[TeNtOuNa]

هادي بلاد كبيرة والغش الا ما يكون في كل شي حتى في لي تتعلق بصحتنا قد ما حرزنا

ارواحنا وقد ما

نوعو الناس بصح يظل الغش وغير ربي وحده العالم بالاحوال وهو سبحانه ستارنا

بارك الله فيكي اختي موضوعك هام جدا جعله الله في موازين حسناتك :ax_flw:
​

امممم ربي برك ساترنا لوكان رانا كامل فالسبيطارات
ماقولتيليش ايه ولا لالالالا

 

[TeNtOuNa]

partout كاين هاذو العفايس
الله غالب بلادنا gاع تمشي بالعوج

سلام
​

خويا انت كشاب تقدر توعي الجزار الي في كارطيك
بصح البنات ما يقدروش عليها دورك افضل فالمجتمع
مرسي على الرد

 

[mira bey]

اييييييييييه يا حنا الغش ماشي غير عند الجزار برك راه في كل بلاصة
الوسخ حشاك تلقايه في الماء و في الخبز و في وووووو في كل بلاصة ربي يسترنا برك رانا عايشين غير براكة ....ياك راه نصف الجزائريين نصهم مرض كل يوم عند الطبيب ميقدروش يعيشو بلا دواء غير من عدم النظافة في بلادنا
بصح هانا ناكلو نورمال ومزالنا عايشين نورمال ههههههههه يعني حنا تليقلنا هادي لعفايس نعيشو معاها نورما والفنا
مرسي ختي على الموضوع الرائع

 

[DARINE05]

شتي والله رانا نكلو غير في الميكروبات ربي لي سترنا

 

[TeNtOuNa]

اييييييييييه يا حنا الغش ماشي غير عند الجزار برك راه في كل بلاصة
الوسخ حشاك تلقايه في الماء و في الخبز و في وووووو في كل بلاصة ربي يسترنا برك رانا عايشين غير براكة ....ياك راه نصف الجزائريين نصهم مرض كل يوم عند الطبيب ميقدروش يعيشو بلا دواء غير من عدم النظافة في بلادنا
بصح هانا ناكلو نورمال ومزالنا عايشين نورمال ههههههههه يعني حنا تليقلنا هادي لعفايس نعيشو معاها نورما والفنا
مرسي ختي على الموضوع الرائع

مرسي اختي والفناه ووالفنا ههههههه

 

[TeNtOuNa]

شتي والله رانا نكلو غير في الميكروبات ربي لي سترنا

رانا صحاب حنا والميكروبات ههههههه
مرسي اختي

 

[ابوندى]

وحد الجزار قدامنا رحى لواحد شوي لحم وهبط معاه لاكراس تاع الماشينة ههههههههههه وواحد وحد المرة ماتت حاشاكم ليه بقرة راح طيشها في وحد البلاصة جا واحد اديها بالخفية وقصها وباعها للغاشي وهادي تنشرت في الجريدة
باش نزيدلك اختي هناك 60 بالمئة من الاسواق في الجزائر ماهيش مراقبة تكفيك هادي معناها ان هاته الاسواق الي ماشي مراقبة من طرف الدولة يتباع فيها كلشيئ الفاسد والبيريمي والمكعور ودز للعور وخلي ربي برك
والله ماتلقاي من تبداي ولا تفضي
الحمد لله انوا كاين ربي وهو الي ساتر هنا سينون اروحوا فيها الكل
انعدمت الاخلاقوانعدم الضمير وراح كل شيئ
نحن لغز يعجز الجن عن حله

 

[TeNtOuNa]

وحد الجزار قدامنا رحى لواحد شوي لحم وهبط معاه لاكراس تاع الماشينة ههههههههههه وواحد وحد المرة ماتت حاشاكم ليه بقرة راح طيشها في وحد البلاصة جا واحد اديها بالخفية وقصها وباعها للغاشي وهادي تنشرت في الجريدة
باش نزيدلك اختي هناك 60 بالمئة من الاسواق في الجزائر ماهيش مراقبة تكفيك هادي معناها ان هاته الاسواق الي ماشي مراقبة من طرف الدولة يتباع فيها كلشيئ الفاسد والبيريمي والمكعور ودز للعور وخلي ربي برك
والله ماتلقاي من تبداي ولا تفضي
الحمد لله انوا كاين ربي وهو الي ساتر هنا سينون اروحوا فيها الكل
انعدمت الاخلاقوانعدم الضمير وراح كل شيئ
نحن لغز يعجز الجن عن حله

شكرا اخي الكريم على الرد الراقي
علابالي الاسواق الجزائرية معمرة بكل انواع المغشوشات من لحم عصير زبدة ....الخ
وحنا من واجبنا كمستهلكين على الاقل نوعيو الناس ونديرو جمعيات مكافحة الغش
بصح شكون الي يسمع غير الي يهدر برك

 

[بنت الجزائر و افتخر]

شكرا على توعيتنا اختي و شكرا اللي فكرتي تخبرينا

احنا اصلا قلييييييل وين نشروه

لكن نعطيك معلومه مهمه :

الجزائريين عندهم المناعه ضد كل المكروبات اللي من هاد النوع
من كترة ما تعودوا عليها هه

كاين ناس اللي عندهم ضمير يغسلوه و كاين اللي ربي يهدي منهم كلهم اوساخ

ربي يبعد علينا النوعيه الثانيه

تحياتي
​

 

[عصام ابو عماد]

بي يستر

 

[مسلمة وافتخر باسلامى]

انا صراحة مدخلتش للجزار ملى كنت صغيرة هههههههههههههه
تسمى معلاباليش نشوفهم يجيبوه مرحى وانا ناكل برك:shay:
بصح اساسا شروط النظافة منعدمة فى الجزائر
نشفى مرة رحت لمحل كبيير فى العاصمة بيتزريا قعدت مع صديقة ليا
حطلى بيتزا وفى الصحن صرصار صغير
ندمت عالنهار اللى دخلت ليه واش ادير