وين راح القدر والحشمة...

[إيمان قلب]

السلامـــ عليكم ورحمة الله تعالى وبركاته
اهلا بيكم رواد اللمة ... ان شاء الله ملاح ومايخصكم والوا
علبالي كثرت الدور في قسم واش راك تهدر .. مي والله واش نشوفوا وواش يصادفنا في الحياة اليومية يخليك تهدر وتهدر وتهدر وماتخلاصش ...
لمهم ندخل ديراكتمو فالموضوع
جبتلكم واحد الظاهرة ماكانتش كاينة بكري خاصة فالمناطق المحافظة ...
ياسيدي انا حكاتلي أمي قالتلي كي كان جدك حي (الله يرحمه ويوسع عليه) وكنا نديرو في عرس عمي توفات جارتنا كبيييرة فالسن ... راح جدي استسمح من جيراننا وقالهم باللي رانى مخسرين ولازم نديرو العرس بالصح مكان ني غنا ني والوا كل شئ بالسكات ... سمحولوا وقالولي معليهش ... من الحياء والحشمة والقدر جدي ماحبش حتى يعمل العرس فالجار رحنا استأجرنا دار بعيدة على الموت ودرنا العرس والزغاريد ومكانش قالك جاري ولازم نحزن لحزنو..... هذه أكيد بكري
اما اليوم تبدلت الآية وتقلبت الفيستا وتعكست المفاهيم
البارح كاينة وفاة عند جارننا رحنا عظمنا الأجر وكل شئ حتى لحقت لعشية واحنا نسمعو فالديجي يضرب والحالة لاعبة واللوطوات بالتلاكسون واش كاين ياسيدي قالك هذا جارننا لاخر يعرس لوليدو...
راحولوا الجماعة يعقلوا فيه ويعاتبوه ... قاللهم ماحكمــــتش ؟؟؟؟؟؟ لاقدر لا حشمة ولاهم يحزنون
مام با استسمحوهم أونبليس هذا جاروا مالازمش يعمل عرس كيماهاك
بغيت نسقسيكم أسكو عندكم انتم كيمهاك زعما كي يموت واحد جاركم ولاخر عندو عرس يجوزو نورمال ولا يأجلوا ولا يستسمح ...
في انتظار ردودكم
تحياتي الغالية​

 

[إيمان قلب]

شكـــــــــــــــرا على الإعتماد​

 

[ابوندى]

هاد يااختي من باب الاحترام والتقدير للجار والجار وصى عليه الرسول عليه الصلاة والسلام

الي متربي وعندو احساس وضمير راح مايقومش العرس عندو وجارو عندو جنازة اموا حتى خلى الحالة تبرد شوي او بدل البلاصة وراح لمكان اخر تاع الفاميلية تاعو وعمل العرس تاعوا
عيب والله احنا علابالنا بلي الفرح يسبق القرح وكل واحد حر ولاكن من باب الاحترام كما قلت والحشمة انك ماتسويش عرس قدام جارك وهو عندوا جنازة
واحد قلبوا يتحرق وواحد كقلب الدنيا
ادن المسالةمسالة اخلاق واحترام وكل واحد كيفاه تربى
شكرا لكي امونة ربي يفرح كل مومن ان شاء الله
وعقبال الافراح في دياركم
سلام عليكم

 

[{مُدَلَّلَتُهُ}]

Merci bcp khti 3la el mawdo3 el 9dar wel 7echma ra7ou m3a nass bekri

7na 3andha méme pas chhar wa7da la famille ta3na matet lah yer7amha alors jarhoum 3andah 3erss ma 7arech dar 3ersah w bel zahw wel zgharit la 7ya la 7echma lah yehdina

 

[نسيم الربيع]

اهلا بيك ختي
كاين اللي هكا صح
حنا تاني صرات عندنا مات واحد وراح جارنا لاخر ورا يومين دار عرس
وكاين تاني الناس اللي مزال فيها الخير
جارنا واحد مات الله يرحمو في مارس واقيلا
وولدو دا الباك ماحبش يدير الحفله حتى لسبتمبر
كاين وكاين بصح الخير بدا يقل
موضوع مليح مارسي ختي​

 

[La contesse]

حنا تاني خطرة جارنا في بطيمة مقابلتنا مات كي فاتت يومين جارتنا طلقت الديجي و الغانا ارت حنة تاع ختها انا شوكاتي

و تاحد ماهدر معاها بصح من داك النهار تاحد ماقادرها ​

 

[إيمان قلب]

هاد يااختي من باب الاحترام والتقدير للجار والجار وصى عليه الرسول عليه الصلاة والسلام

الي متربي وعندو احساس وضمير راح مايقومش العرس عندو وجارو عندو جنازة اموا حتى خلى الحالة تبرد شوي او بدل البلاصة وراح لمكان اخر تاع الفاميلية تاعو وعمل العرس تاعوا
عيب والله احنا علابالنا بلي الفرح يسبق القرح وكل واحد حر ولاكن من باب الاحترام كما قلت والحشمة انك ماتسويش عرس قدام جارك وهو عندوا جنازة
واحد قلبوا يتحرق وواحد كقلب الدنيا
ادن المسالةمسالة اخلاق واحترام وكل واحد كيفاه تربى
شكرا لكي امونة ربي يفرح كل مومن ان شاء الله
وعقبال الافراح في دياركم
سلام عليكم

ايه هو ماراح يزيدلو ماينقصلو برك احترام ومراعاة مشاعر مي والله يالوقت هذا غير يخوف ماهيش جاية جارك يبكي وانت زاهي .... الله ييسر الأحوال
ألف شكر ليك خويا على المرور الكريم .... ويكثر أفراحكم كذلك
تحياتي

merci bcp khti 3la el mawdo3 el 9dar wel 7echma ra7ou m3a nass bekri

7na 3andha méme pas chhar wa7da la famille ta3na matet lah yer7amha alors jarhoum 3andah 3erss ma 7arech dar 3ersah w bel zahw wel zgharit la 7ya la 7echma lah yehdina

صافي هاذ العفسة راهي ماشية بارتو .. ايييه ربي يهدينا ووينزل الرحمة فالقلوب
أغلى تحية أختي وألف شكر على المرور

اهلا بيك ختي
كاين اللي هكا صح
حنا تاني صرات عندنا مات واحد وراح جارنا لاخر ورا يومين دار عرس
وكاين تاني الناس اللي مزال فيها الخير
جارنا واحد مات الله يرحمو في مارس واقيلا
وولدو دا الباك ماحبش يدير الحفله حتى لسبتمبر
كاين وكاين بصح الخير بدا يقل
موضوع مليح مارسي ختي

اييه مزال كاين الخير مي نخافوا باللي مزال غير مع بعض من ناس بكري وبمجرد مايروحو هاذ الناس الخير والمحبة تروح
شكرا أختي على المرور ... يعطيك الصحة

حنا تاني خطرة جارنا في بطيمة مقابلتنا مات كي فاتت يومين جارتنا طلقت الديجي و الغانا ارت حنة تاع ختها انا شوكاتي

و تاحد ماهدر معاها بصح من داك النهار تاحد ماقادرها

هذه حاجة باينة اللي مايقادرش الناس مكانش اللي يقادرو وكيما مس الناس يجي نهار وين يتجرح ويتقاس
ربي يحفظك أختي على المرور الطيب
تحياتي

 

[sahiko hamza]

وعليكم سلام ورحمة الله

صح عندك الحق فالضاهرة هذي ولاة منتشى
ونزيدك تاني من عندي
هي مش وفاة بصح راها الصلوات الخمس
ايماجيني الامام يقيم والديجي أفون ؟؟؟
وين.... الدار لاصقة فالجامع ؟؟؟
مخك يفريني مش يحبس ...


الله يهدي ..
​

 

[بنت الجزائر و افتخر]

اولا اختي شكرا على الموضوع

ثانيا انا هاد العام واحد نعرفو كان داير عرسو في هاداك النهار مات جارهم
قالهم ماكانش غنا ولا زغاريت
جاو جيرانه و قالوله رانا سامحينلك تدير الغنا حتى بدون ما يسقسيهم و لما عرفو بلي ما حبش يدير الغنا
قالهم لا ما نديرش الغنا و الكورتاج كي خرجو تماما من هاديك المنطقه مسموحلهم يزمرو و يديرو الغنا
مي قبل ما يدخلو المنطقه و حتى يوصلو ممنوع و هاد الحادثه انا حضرتها بنفسي

مازال الحشمه باقيه ختي اما اللي ما يحشمش ربي يهديه
​

 

[mira bey]

اييييه هادي الحاجة عادت عادي راهي بارتو في بلايص كامل
انا تاني العام لي فات مات جارنا وكان واحد اخر حاب يدير العرس مالا راح دبر دار اخرى ودار فيها العرس ايا هاديك الصبحة تاع العرس زاد مات جارنا واحد اخر يسكن الباب الباب مع هادو لي دايرين العرس تخيلو عادت يمها من الشطيح للبكى و خواتاتو مالا راح مولا العرس طلب منهم السماح وقالهم ياك راكم شفت مزال غير العروسة برك تجي منقدرش نبطل قالولو نورمال كمل العرس عادي و من بعد كي جاو صحابو قالولو كيفاش مديرش لغنا ياك هو مات ربي يسهل عليه المهم عمرولو راسو حتى راح جاب ديسك جوكي وقلبها ..........دكا الناس كامل تحكي عليهم يقولو ولله عيب عليهم جارهم الباب الباب و هو مبرطالوش خلاص بالموت
راني وليت كيما بلا بلا هههههههههه الله غالب دزيريا هههههههه مرسي على الميضوع

 

[Estrella]

كل واحد ولا يخمم غير في روحو ضرك
حتا واحد ماولا يراعي شعور الاخرين
وااااااااش رايحين نديرولهم
لله يهديهم برك ...
صحيتي على الموضوع ..
تحياتي لكي ...​

 

[إيمان قلب]

وعليكم سلام ورحمة الله

صح عندك الحق فالضاهرة هذي ولاة منتشى
ونزيدك تاني من عندي
هي مش وفاة بصح راها الصلوات الخمس
ايماجيني الامام يقيم والديجي أفون ؟؟؟
وين.... الدار لاصقة فالجامع ؟؟؟
مخك يفريني مش يحبس ...


الله يهدي ..

هذيك الكارثة الأخرى الأذان من هنا والديسك جوكي من هنا
واش نقولوا ياخويا الله يهديهم ويثبتنا
عجبتني بزاف تاع مخك يفريني هههه
شكرا اخي على المرور

اولا اختي شكرا على الموضوع

ثانيا انا هاد العام واحد نعرفو كان داير عرسو في هاداك النهار مات جارهم
قالهم ماكانش غنا ولا زغاريت
جاو جيرانه و قالوله رانا سامحينلك تدير الغنا حتى بدون ما يسقسيهم و لما عرفو بلي ما حبش يدير الغنا
قالهم لا ما نديرش الغنا و الكورتاج كي خرجو تماما من هاديك المنطقه مسموحلهم يزمرو و يديرو الغنا
مي قبل ما يدخلو المنطقه و حتى يوصلو ممنوع و هاد الحادثه انا حضرتها بنفسي

مازال الحشمه باقيه ختي اما اللي ما يحشمش ربي يهديه

أكيد مزال اللي كاين في قلوبهم الرحمة ومازال اللي فيهم الخير حتى انا ماجمعتش مي راني نقول باللي نقصت ونقصت بزاااف من واش رانى نشوفو
شكرا خيتو على المرور الطيب ... نورتي

اييييه هادي الحاجة عادت عادي راهي بارتو في بلايص كامل
انا تاني العام لي فات مات جارنا وكان واحد اخر حاب يدير العرس مالا راح دبر دار اخرى ودار فيها العرس ايا هاديك الصبحة تاع العرس زاد مات جارنا واحد اخر يسكن الباب الباب مع هادو لي دايرين العرس تخيلو عادت يمها من الشطيح للبكى و خواتاتو مالا راح مولا العرس طلب منهم السماح وقالهم ياك راكم شفت مزال غير العروسة برك تجي منقدرش نبطل قالولو نورمال كمل العرس عادي و من بعد كي جاو صحابو قالولو كيفاش مديرش لغنا ياك هو مات ربي يسهل عليه المهم عمرولو راسو حتى راح جاب ديسك جوكي وقلبها ..........دكا الناس كامل تحكي عليهم يقولو ولله عيب عليهم جارهم الباب الباب و هو مبرطالوش خلاص بالموت
راني وليت كيما بلا بلا هههههههههه الله غالب دزيريا هههههههه مرسي على الميضوع

ههه بلابلا رانى قع نحبو نقرعجو الله غالب دزيريين
من الردود نستنتجو باللي راهي ماشية هاذ الظاهرة
ربي يهديهم ... شكرا خيتي على المرور

كل واحد ولا يخمم غير في روحو ضرك
حتا واحد ماولا يراعي شعور الاخرين
وااااااااش رايحين نديرولهم
لله يهديهم برك ...
صحيتي على الموضوع ..
تحياتي لكي ...

الله يسلمك اختي الكريمة ... ألف شكر على المرور الطيب ​

 

[ماكانش]

يعطيك الصحة ايمان على الموضوع الباهي
والله صح هذي تصرا وتصرا بزاف
وزيدي ألي تحير تصرا بين لافامي في بعضاهم
تلقا واحد ازوج والسمانة لي فاتت مات ولد عمو ولا ولد خالو ...
عيب كبير صح ...​

 

[تاج الجزائر]

ااواه هادو مشي جوارين الله يحفظ ويستر وين راه قدر الجار واحترامه ومواساته في السراء والضراء

نجيك في الصح عنا مكانش هاكا جوارين والحمد لله

انا جداتي توفت منذ عام الله يرحمها وكي كانت تحتضر خبر بابا جارنا بلي راهي قريب

تموت وصحيح ماتت يوم عرس الطفلة بصح هوما مين عندهم القدر والحشمة ما

ستنوش قبل العرس بنهار رحلو لسكنة اخرى وادارو عرسهم

والله خو الطفلة خبر بابا قالنا بلي خته ما حبت دير والو قالتلهم كيفاه جارتنا ميته وحنا

نزهو غير مين قالولها مشي مليح توكسيها نهار عرسك عاد باه دارت شوي زهو:sheer: بصح

مشي حدانا راحو عن وحدين وداروا عرسهم

طبعا رانا نهدرو على حاجة نتاع موت بصح مجيت الاعراس يهبلو الواحد بالديدجي :sadwalk:
الله يهدي ما خلق

مشكورة ختي على الموضوع ربي يجازيك الخير ويعطيك على حساب طيبة قلبك :shay:
​

 

[little princess]

ربي يهدي ما اخلق و فعلا الي استحوا ماتوا ايوي عيش تشوف و في الوقت هادا كل واحد ايخمم في روحو

 

[إيمان قلب]

يعطيك الصحة ايمان على الموضوع الباهي
والله صح هذي تصرا وتصرا بزاف
وزيدي ألي تحير تصرا بين لافامي في بعضاهم
تلقا واحد ازوج والسمانة لي فاتت مات ولد عمو ولا ولد خالو ...
عيب كبير صح ...

الله يسلمك خويا .... عندك الحق كاين وين تلحق بين لافامي برودة الدم لحقت لهاذ الدرجة
شكرا خويا على المرور الطيب ....

ااواه هادو مشي جوارين الله يحفظ ويستر وين راه قدر الجار واحترامه ومواساته في السراء والضراء

نجيك في الصح عنا مكانش هاكا جوارين والحمد لله

انا جداتي توفت منذ عام الله يرحمها وكي كانت تحتضر خبر بابا جارنا بلي راهي قريب

تموت وصحيح ماتت يوم عرس الطفلة بصح هوما مين عندهم القدر والحشمة ما

ستنوش قبل العرس بنهار رحلو لسكنة اخرى وادارو عرسهم

والله خو الطفلة خبر بابا قالنا بلي خته ما حبت دير والو قالتلهم كيفاه جارتنا ميته وحنا

نزهو غير مين قالولها مشي مليح توكسيها نهار عرسك عاد باه دارت شوي زهو بصح

مشي حدانا راحو عن وحدين وداروا عرسهم

طبعا رانا نهدرو على حاجة نتاع موت بصح مجيت الاعراس يهبلو الواحد بالديدجي
الله يهدي ما خلق

مشكورة ختي على الموضوع ربي يجازيك الخير ويعطيك على حساب طيبة قلبك

حقا نعم الجار ... مزال كاين ناس في قلوبهم الرحمة ناس بكري والناس المتربيين تربية صحيحة مي الناس الطالحة فسدت عليهم .... ألف شكر أختي على المرور الكريم

ربي يهدي ما اخلق و فعلا الي استحوا ماتوا ايوي عيش تشوف و في الوقت هادا كل واحد ايخمم في روح

آمييييين يارب كل واحد يقول يعطيك تخطي راسي
شكرا اختي على المرور

 

[N@riM@N]

والله مابقات ني حشمه ني قدر
لي تضربي عليها تلقايها مخروبه
مارسي ع الموضوع
​

 

[ابتسامة أمل]

يعطيك الصحة حنونة على الموضوع
مي نقول بلي حنا جابلي ربي مازلنا عايشين في بكري......هههههه
الحمد لله مازلنا نديرو حرمة للميت...
مام الا مات واحد من لا فامي بعيد شوي و العرس راه يمشي يحبس الشطيح و لغنا.....
بلا ما نحكيو على الجار هاذي باينة
كاين ناس تكره و تقول هو مات الله يرحمو حنا وعلاه؟
مي الحمد لله مازال كاين اللي راهم يعقلوهم

يعطيك الصحة ختيتو على الموضوع....
تحياتي....
​

 

[zahya]

يا اختي ايمان هذه الحاذثة وقعت في الحي نتاعنا .... جارنا توفى وليدو في الجيش....عندو 26 سنة وجارو الجنب في الجنب يعرس لبنتو ... الزغاريد والديدجي ليل كامل لا حشمة ولاحيا والله عيب
رسولنا الكريم عليه الصلاة والسلام وصى على الجار .... وكاد يورث الجار....
وفي وقتنا لا احترام لا للجار ولا للدار ربي يهدينا .....

 

[M3TaZ eLLMa]

بسم الله الرحمن الرحيم

أختـــــــــــــــــي الطيبة

إيمانــــــــــو

أشكرك على طرحك لمثل هذه المواضيع الهادفة

أختي الطيبة نحن في زمن لا يرحم الاخ أخوه فكيف بكلامك بالجار لجاره

أيام زمااان كان يوجد الاستحياء والروجولة وشهامة الحقيقة أم اليوم

قكل شيء تغير مع الزمن وكل هذا راجع للتطور الذي نحن فيه

بكل أمانة المنطقة التي أسكن فيها وأقول الحقيقة وما رئيت بعيني

لازاال عندنا نخوة الشهامة للجاااار فعندما يكون عزاء في مكان ما حتى لو لم يكن جاره

فيأجل عرسه وفرحه أم يفعل الفرح بسكاات تام

وهذا نظرا للأننا شاوية لزالت عندنا القيم والعدات هي المسيطرة على المنطقة

أم في باقي المناطق المجاورة وليست بالبعيدة علينا فهذا يحصل

من هنا عزاء وجاره يعمل فرح عادي جداا


يأختاااه الانسان هو من تغير وليست القيم نحن من تغيرنا

لم نعد نحسب للجار حساب رغم أن الرسول صلى الله عليه وسلم

أمرنا بالسابع جار

وهذا كله لأننا بعدين كل البعد عن ديننا الاسلامي

وأقلك سيديتي ايمانوا

أنو ليس الكلام على الكل لكن هي فئة لا تستحي من الله ولا من البشر


هي من لا تراعي ظروف الجار ولا نقول كل ناااس

صح كل المناطق توجد فيها هذه الظاهرة

ولا تنسي بأن هناك الصالح وطالح

وزمننا هذا لا يرحم لا أخ لإخيه ولا ابن لإبيه ووو الامثلة كثيرة أختااه

ونسأل الله الهدية لكل ناس

وأن يجمعنا في الفردوس الاعلى

ونحن مقبلين على شهر المغفرة والرحمة

وأكتفي بهذا القدر

وأشكرك أختاه ودائما


في إنتظار مواضيعك الرائعة والهادفة


تقبلي مني فائق التقدير والاحترام

ومشكورة على المجهود


موفقــــــــــــــــة ​